१ थेस्‍लोनिकि 3:3 - याम्फु

³ मोडोगे़ॽ दुःखनुङ खेःडे़ॽ हे़निङ बिस्‍वासबेॽ निङ्‌सिघे़ॽमा फे़न्‍नि लुनुङ कानिङे़ॽ मिॽइटुङ्‌मे़। इडोक्‍हा दुःखगो निवाहाङ्‌मि याॽमिजिडे़ॽ आङ्‌मा सिॽइहा लुनुङ हे़निङे़ॽ नुरोॽ लेन्‍डानुम।

१ थेस्‍लोनिकि 3:3 Iomraidhean Croise

लुका 21:12

“इघा चोप खा लिमा याक्‍लो याॽमिजिडे़ॽ हे़निङ का बिस्‍वास ले़ःॽपॽआसे़ॽ राःप्‍इम्‍मे, चुङ्‌जाम्‍मे, यहुदि सुम्‍ढाम खिमबेॽ लाघे़ॽनुङ मुद्‌द टिम्‍मे मोबाङ तिरिङ्‌गा खिमबेॽ से़क्‍इम्‍मे। हागोसो माहाजिडे़ॽ हे़निङ हाङ्‌बानुङ एप्‍पा मायोङ्‌बामि पोम्‍बेॽ चिॽखे़म्‍मे।

युहन्‍ना 16:2

हे़निङ यहुदिजि सुम्‍ढाम खिमबाङ यिॽइम्‍मे। बेला लेङ्‌इये, हे़निङ सेॽखुबाडे़ॽ खोमि निवाबेॽ मिॽइन्‍डुए ‘के़ॽ निवाहाङ्‌मि योम्‍बोक ले़ःॽमे़ॽनिङ्‌सिनुङे’।

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

एप्‍पा चोङ्‌सा 14:22

खोजिडे़ॽ मो ठाउँबेॽहा परभुबेॽ बिस्‍वास ले़ःॽखुबाजि बोलियो टोङ्‌साङ नुबा अरति पिसुजि। “निवाहाङ्‌मि राज्‍यबेॽ रुक्‍मा याक्‍लो कानिङे़ॽ बेॽलो खालहा चुङ्‌जामा खेः आङ्‌मानोॽ खे़ये” लुनुङ इःडुजि।

एप्‍पा चोङ्‌सा 2:25

हाङ्‌बा दाउदडे़ॽ येसुमि टुम्‍बेॽ इडोॽ लुबॽआ ले़टे़, के़ए़ परभु सानिङ्‌नोॽ के़ए़ पोम्‍बेॽ खाक्‍सुङ। खो के़ए़ चुप्‍थिङ्‌लाम टुये, मोडोगे़ॽ के़ॽ किस्‍सिमा पाप्‍निबा।

एप्‍पा चोङ्‌सा 21:11

अगाबसडे़ॽ पावलमि थोङ्‌माइ लानुङ टाङ्‌बामि हुक सराङ हिःक्‍नुङ लुसु, “पबित्‍रा होङ्‌निवाडे़ॽ इडोॽ लुये, इगो थोङ्‌माइ असामि ले़ये, खो यरुसलेमबेॽ खे़ॽयेम्‍बाङ यहुदि अगुवाजिडे़ॽ राःप्‍नुङ इडोक्‍नोॽ हिःक्‍इन्‍डुजेनुङ अयहुदि जातिजिमि हुकपेॽ पिन्‍डुजे।”

एप्‍पा चोङ्‌सा 21:13

तर पावलडे़ॽ इडोॽ लुसा, “हे़निङे़ॽ हाःप्‍नुङ इन्‍ढोङ के़ए़ निवा निरास टोङ्‌इन्‍डानुमे ? कागो यरुसलेमबेॽ खे़ॽनुङ हिःक्‍चिमुमारेॽनोॽ ने़ॽनि, तर परभु येसुमि लागि सिघे़ॽमासो राजि ले़ङे।”

एप्‍पा चोङ्‌सा 9:16

के़ए़ लागि आक्‍कोसे़ॽ इन्‍डोक खेः आङ्‌मा खे़ये मो के़ॽ खाङ्‌मुनुङे।”

रोमि 5:3

मोडोॽरेॽनोॽ ने़ॽनि, खेः आङ्‌माबेॽसो कानिङ साप्‍थाङ्‌इन्‍डिङ्‌मे़, इन्‍ढोङ्‌होङ मोसे़ॽ हाइखा बेॽलो खेः आङ्‌हेमे बोल पिये लुमे खा कानिङे़ॽ लेन्‍डुङ्‌मे़।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

१ कोरिन्‍थि 4:9

इन्‍ढोङ्‌होङ के़ॽ इडोॽ मिॽइनुङे, निवाहाङ्‌डे़ॽ कानिङ एप्‍पा चोङ्‌साजि चाहिँ सिमे दन्‍डा चुप्‍नुङ सारोनोॽ दुःख पिसाङ सेॽनेबॽआ खाङ्‌जामामि युङ्‌बॽआ याॽमिजिडोॽ टोङ्‌इटे़, इडोॽ कानिङ मक्‍खाम्‍डेमबेॽहा याॽमिजिनुङ थाङ्‌सिरिदुतजिमि पोम्‍बेॽ तमासा लिटिङ्‌मे़।

एफिसि 3:13

मोडोगे़ॽ के़ॽ हे़निङ बिन्‍ति ले़निम्‍ने़, हे़निङ्‌मि लागि के़ॽ आङ्‌बॽआ खेः खाङ्‌नुङ निरास ए़लिसानिङे। इगोगो हे़निङ्‌मि गरबमि लागिनोॽ लिबॽआ ले़ये।

फिलिप्‍पि 1:28

हे़निङ्‌मि बिरोध ले़ःॽखुबाजिनुङ ए़डे़ॽवासो ए़क्‍किसिडानिङे। इडोॽ ले़टानुमहोङ बिरोध ले़ःॽखुबाजि नासि लिमे खा पक्‍का लियेनुङ हे़निङे़ॽ चाहिँ उद्‌धार चुप्‍मे खा पक्‍का लिये। मो उद्‌धार चाहिँ निवाहाङ्‌बाङ्‌ए ले़ये।

कलस्‍सि 1:23

चइबानोॽ हे़निङ टाङ्‌बामि बिस्‍वासबेॽ दिगोनुङ बोलियो लिसानिङे। हे़निङे़ॽ खेम्‍बॽआ सुसमाचारमि आसाबेॽ सानिङ पेनानिङे। इगो सुसमाचारनोॽ सिरिस्‍टिबेॽहा चोप याॽमिजि खेम्‍मेॽपॽआ ले़ये। इगो सुसमाचार खेम्‍मेॽमामि लागिनोॽ का पावल सेवाक लिटिङे।

१ थेस्‍लोनिकि 5:9

इन्‍ढोङ्‌होङ निवाहाङ्‌डे़ॽ कानिङ्‌सोक्‍पेॽ सुरिक ओप्‍एम्‍मामि लागि ने़ॽनि, तर परभु येसु खिरिस्‍टबाङ मुक्‍ति पिमामि कानिङ से़ङ्‌इटे़।

२ थेस्‍लोनिकि 1:4

मोडोक्‍नोॽ हे़निङे़ॽ चुङ्‌जामा खेःनुङ दुःख आङ्‌साङ्‌सो बिस्‍वासनुङ भरोसाबेॽ बोलियो ले़न्‍डानिङे इगोमि टुम्‍बेॽ कानिङे़ॽ हाइखा मन्‍डलिबेॽसो साप्‍थाङ्‌मानुङ लुहे़न्‍डुङ्‌मा।

२ तिमोथि 1:8

मोडोगे़ॽ कानिङ्‌मि परभु येसुमि टुम्‍बेॽ साक्‍छि पिमा, मोबा का खिरिस्‍टमि निङ्‌बेॽ तिरिङ्‌गा खिमबेॽ सिॽपॽआ खाबेॽ ए़ॽङेसिने तर हे़नसो सुसमाचार खेम्‍मेॽमामि लागि निवाहाङ्‌मि बोलबेॽ काडोॽ खेः आङ्‌सिॽ पोरोगे।

१ पत्‍रुस 2:21

इन्‍ढोङ्‌होङ इगोमि लागिनोॽ हे़निङ निवाहाङ्‌डे़ॽ से़ङ्‌इटे़। खिरिस्‍टडे़ॽसो हे़निङ्‌मि लागि बेॽलो खेः आक्‍सु, मोबा हे़निङ्‌मि लागि खोसे़ॽ आङ्‌बॽआ खेःनोॽ नमुनामि लागि ले़ये, मोबा हे़निङे़ॽसो खोसे़ॽ राम्‍बॽआ रामबेॽ राम्‍मा खे़ये।

परकास 2:10

हे़निङ्‌मि हिङ्‌मवाबेॽ लेङ्‌सिॽपोरोक्‍पॽआ खेःबाङ ए़क्‍किसिडानिङे। खेप्‍सानुमे, सैतानडे़ॽ हे़निङ इन्‍डोक जनाजिमि बिस्‍वास जाँच ले़ःॽमामि तिरिङ्‌गा खिमबेॽ से़ॽइये। हे़निङ इक्‍पोङ याकठोकरेॽ चुङ्‌जामा खेः आङ्‌मेये, तर हे़निङे़ॽ सिमा सिॽहोङ्‌सो बिस्‍वास ले़ःॽमा ए़लेडानुमे। हे़निङे़ॽ बिस्‍वास ले़ःॽमा मे़लेडानुमहोङ के़ॽ हिङ्‌मवामि मुकुट पिनिम्‍ने़।

परकास 2:13

सैतानमि पेन्‍ढाममि के़क्‍पेॽनोॽ हे़निङ पेङ्‌इन्‍डानिङे लुमे खा के़ॽ लेनुङे़। तरसो हे़निङे़ॽ काबेॽ ले़ःॽपॽआ बिस्‍वास बोलियो ले़ये। साक्‍छि बोलियो बिस्‍वासनुङ्‌मा एन्‍टिपास सैतानमि पेन्‍ढाम के़क्‍पेॽ सेॽनेमाबेॽसो हे़निङे़ॽ बिस्‍वास मे़लेडानुम।