१ थेस्‍लोनिकि 3:13 - याम्फु

¹³ निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 3:13 Iomraidhean Croise

मत्‍ति 25:31

“इन्‍डोक्‍पेॽ याॽमिमि पसा थाङ्‌सिरि दुतजिनुङ बेॽए महिमाबेॽ उङ्‌इये, मोबा खो टाङ्‌बामि महिमानुङ्‌मा हाङ्‌पेन्‍ढामबेॽ पेङ्‌इये।

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

लुका 1:6

खोजि निप्‍पाङ्‌नोॽ निवाहाङ्‌मि पोम्‍बेॽ धरमि ले़टाजे। खोजि निवाहाङ्‌डे़ॽ लुबॽआ चोप आग्‍या इक्‍कोसो मे़मिन्‍डेॽरेॽ पालना ले़टाजुए।

रोमि 14:4

हाइकोमि सेउते आप्‍टिक टिघुबा हे़न असाडे ? मोमि मायोङ्‌बाडे़ॽ खोमि सेउतेडे़ॽ ले़ःॽपॽआ योम्‍बोक नुबा ले़येन्‍डे ले़ःॽनिबा लुनुङ खाङ्‌इन्‍डुए। मायोङ्‌बाडे़ॽनोॽ खोमि सेउतेडे़ॽ नुबा योम्‍बोक ले़ःॽमामि सहायोग पिन्‍डुए, इन्‍ढोङ्‌होङ परभुडे़ॽ खो ले़ःॽहेमे सक्‍ति पिन्‍डुए।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

१ कोरिन्‍थि 15:23

तर चोप ताङ्‌बा ताङ्‌बामि पालो लेङ्‌इये, चोप्‍पाङ याक्‍लो हिङ्‌बोक्‍पॽआ खिरिस्‍टनोॽ ले़ये। मोडोक्‍नोॽ फेरि खो लेम्‍माबेॽ खोबेॽ बिस्‍वास ले़ःॽखुबाजि हिङ्‌बोक्‍इम्‍मे।

गलाति 1:4

इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

एफिसि 5:27

मोबा कानिङ बिस्‍वासिजि पबित्‍रा, आप्‍टिक मे़ॽनिङ्‌मा, खोट मे़ॽनिङ्‌मानुङ चोप खाबेॽ नुबा लिबॽआ खिरिस्‍टमि मन्‍डलि टोङ्‌मामि लागि इडोॽ ले़टु।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

१ थेस्‍लोनिकि 2:19

कानिङ्‌मि परभु येसु लेम्‍मे याक खोमि पोम्‍बेॽ कानिङ्‌मि आसा, हाङ्‌हाङ, हे़निङ्‌नोॽ ले़न्‍डानिङे। मोबा साप्‍थाङ्‌मे गौरबमि मुकुटसो हे़निङ्‌नोॽ ले़न्‍डानिङे।

१ थेस्‍लोनिकि 3:11

हागो कानिङ्‌मि निवाहाङ पाबा खोम टाङ्‌बे़ॽनुङ परभु येसुडे़ॽनोॽ हे़निङ्‌नुङ चुप्‍मामि लागि राम हेम्‍बेॽलो लुमे आसाबेॽ पेङ्‌इटिङ्‌मे़।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

१ थेस्‍लोनिकि 4:15

कानिङ्‌मि परभुडे़ॽ इःॽपॽआ सिक्‍छेनोॽ कानिङे़ॽ हे़निङ पिनिम्‍ने़। परभु लेम्‍मे याकठोक कानिङ हिङ्‌घुबाजिडे़ॽ माहा याक्‍लो सिघे़ॽपॽआजिबाङ पोम्‍बेॽ यङ्‌घडिङ्‌मानि।

१ थेस्‍लोनिकि 4:17

मो याक लेङ्‌लो हिङ्‌घुबाजि कानिङ्‌सो खोजिनुङ्‌नोॽ परभु चुप्‍सिॽ मिन्‍डु खिम्‍मिॽवे़ॽटु ठेॽपोक्‍खे़न्‍डिङ्‌मा मोबा सानिङ्‌नोॽ परभुनुङ पेङ्‌इन्‍डिङ्‌मा।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

२ थेस्‍लोनिकि 1:10

इघा चोप खा परभु येसु लेम्‍मा यिडे़ॽ लिहा। मो यिडे़ॽ खोमि पबित्‍रा याॽमिजिनुङ खोबेॽ बिस्‍वास ले़ःॽखुबाजि चोप बिस्‍वासिजिबाङ ओहाङ्‌नुङ आदर चुप्‍मिन्‍डुए। मोडोक्‍पेॽ हे़निङ्‌सो मोबेॽ टुन्‍डानिङे इन्‍ढोङ्‌होङ हे़निङ कानिङे़ॽ परचार ले़ःॽपॽआ सुसमाचारबेॽ बिस्‍वास ले़टानुम।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

२ थेस्‍लोनिकि 2:1

वावानिसानुङ नानुसाजि, कानिङ्‌मि परभु येसु फेरि लेङ्‌इये लुमे खामि टुम्‍बेॽनुङ खो चुप्‍सिॽ कानिङ चोप सुम्‍इन्‍डिङ्‌मा लुमे खामि टुम्‍बेॽ हे़निङ बिन्‍ति ले़निम्‍ने़।

याकुब 5:8

हे़निङ्‌सो मोडोक्‍नोॽ हुङ्‌जाहेघुबा लिनुङ पेनानिङे। टाङ्‌बे़ॽ ले़ःॽपॽआ आसाबेॽ बोलियो लिसानिङे परभु लेम्‍मे याक के़क्‍पेॽनोॽ टुये।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

यहुदा 1:14

आदमबाङ ए़क्‍साङ्‌ए एच्‍चिमा पुस्‍ताबेॽए हनोकडे़ॽ इघा याॽमिजिमि टुम्‍बेॽ इडोक्‍मा अगमबानि इःबॽआ ले़टे़, “खाक्‍सानुमे, परमपरभु टाङ्‌बामि नेॽमाबेॽ नेॽहेनिहा पबित्‍रा दुतजिनुङ लेङ्‌इये।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।