१ थेस्‍लोनिकि 3:10 - याम्फु

¹⁰ हे़निङ्‌नुङ चुप्‍हेमा लुनुङ कानिङ लेन्‍डा सेन्‍डा निवाहाङ्‌नुङ निवाहोङ्‌सिॽयुबाङ्‌नोॽ पारथना ले़ःॽमे़ॽनिङ्‌सिन्‍डिङ्‌मा। हे़निङ्‌नुङ चुप्‍टोक्‍माहोङ हे़निङ्‌मि बिस्‍वासबेॽ इमा इमा चुक्‍खे़ॽपॽआ ले़हा माहा पुरा ले़ःॽटोक्‍इन्‍डुङ्‌मा।

१ थेस्‍लोनिकि 3:10 Iomraidhean Croise

लुका 2:37

मोडोक्‍पेॽ खो चाउरासि निङ याक्‍खे़ॽपॽआ ले़टे़। खो मन्‍दिरबाङ हाम्‍बेॽसो मे़ङखाडे़, खोसे़ॽ मे़न्‍चारेॽ निवाहाङ्‌नुङ सानिङ पारथना ले़ःॽसाङ सेन्‍डा लेन्‍डा ओहाङ ले़टुए।

एप्‍पा चोङ्‌सा 26:7

हे हाङ्‌बा अग्‍रिपास, मोनोॽ हेन्‍ज्‍रुङ चुप्‍मे आसाबेॽ कानिङ्‌मि इक्‍पोङ निच्‍चि कुलमि टुबालाबाजिडे़ॽ निवा टिनुङ लेन्‍डा, सेन्‍डा निवाहाङ्‌मि ओहाङ ले़टुजे। के़ॽसो मोनोॽ आसा ले़ःॽपॽआसे़ॽ इघा यहुदिजिडे़ॽ आयु कासोक्‍पेॽ आप्‍टिक टिटामे।

२ कोरिन्‍थि 1:15

कानिङे़ॽ इक्‍कोसे़ॽ हाइको नुरोॽ लेन्‍डानुमे लुमे खाबेॽ पक्‍का भरोसा काबेॽ टुसे़। मोडोगे़ॽ हे़निङे़ॽ फेरिसो आसिस चुप्‍टानुमे लुनुङ हाइके खेॽ हे़निङ चुप्‍सिॽ आप्‍मा मिनिङे।

२ कोरिन्‍थि 1:24

हे़निङ्‌मि बिस्‍वासबेॽ कानिङ्‌मि अधिकार ले़ःॽमा योक्‍पॽआ ने़ॽनिबा, इन्‍ढोङ्‌होङ बिस्‍वासबेॽको हे़निङ बोलियो ले़न्‍डानिङ। हे़निङ्‌मि हाङ्‌हाङ्‌मि लागि हे़निङ निवा टोङ्‌नुङ योम्‍बोक लेन्‍डानुम।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

२ कोरिन्‍थि 13:9

कानिङ चाहिँ इमाङ्‌सो मे़ले़ःॽहेघुबा कमजोर, तर हे़निङ चोप योम्‍बोक ले़ःॽहेघुबा बोलियो लिबॽआ खाबेॽ कानिङ साप्‍थाङ्‌इन्‍डिङ्‌मे़। मोबा हे़निङ बिस्‍वासबेॽ पक्‍का लिहेसानिङे लुनुङ हे़निङ्‌मि लागि कानिङ पारथना ले़न्‍डुङ्‌मा।

फिलिप्‍पि 1:25

इगो खामि टुम्‍बेॽ के़ॽ चइबानोॽ लेनुङे़। हे़निङ बिस्‍वासबेॽ वाबोक्‍मामि लागिनुङ हे़निङ बेॽलो हाङ्‌हाङ्‌मि लागि का हिङ्‌इङे।

कलस्‍सि 1:28

मोडोगे़ॽ कानिङे़ॽ चोप याॽमिजि खिरिस्‍टमि टुम्‍बेॽ खेम्‍मेटुङ्‌मे। चोप याॽमिजि खिरिस्‍टबेॽ पक्‍का टोङ्‌नुङ निवाहाङ्‌बेॽ रुक्‍मेॽमामि कानिङ चोप निवाडे़ॽ चोप याॽमिजि होसियार ले़ःॽसाङ हे़निङ सिक्‍छे पिन्‍डुङ्‌मे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 3:11

हागो कानिङ्‌मि निवाहाङ पाबा खोम टाङ्‌बे़ॽनुङ परभु येसुडे़ॽनोॽ हे़निङ्‌नुङ चुप्‍मामि लागि राम हेम्‍बेॽलो लुमे आसाबेॽ पेङ्‌इटिङ्‌मे़।

२ थेस्‍लोनिकि 1:11

मोडोगे़ॽ निवाहाङ्‌डे़ॽ हाम्‍बे हिङ्‌मवामि लागि हे़निङ के़ॽपॽआ ले़ये, मो हिङ्‌मवाबेॽ योग्‍य टोङ्‌मामिनुङ खोमि सक्‍तिडे़ॽ नुबा योम्‍बोक ले़ःॽमे निवा, मोबा बिस्‍वासमि योम्‍बोक पुरा ले़ःॽमाराप्‍लो लुनुङ कानिङ हे़निङ्‌मि लागि सानिङ्‌नोॽ पारथना ले़न्‍डिङ्‌मा।

२ तिमोथि 1:3

के़ॽ काङ्‌मि नुबानुङ मङे़ॽमा लेघुबा निवाडे़ॽ सेवा ले़ःपॽआ निवाहाङ ओहाक पिनुङे़, याक्‍लो खो के़हा टुबालाबाजिडे़ॽ सेवा ले़टुजे। के़ॽ सानिङ्‌नोॽ के़ए़ पारथनाबेॽ हे़न मिॽइन्‍ने़।

फिलेमोन 1:22

इगो खानुङ्‌नोॽ हाइको खासो हे़न लुन्‍ने़, हे़निङ्‌मि पारथनाडे़ॽ कासो हे़न टुढाम ठाउँबेॽ लेङ्‌हेङा लुमे आसा युङ्‌इटुङे। मोबा काङ्‌मि लागिसो पेन्‍ढाम कोठा पोरोक्‍पेॽमायो।

परकास 4:8

माहा रिउम गोटा जिवातजिमि चुक्‍चि चुक्‍चि गोटा लाप्‍खे़ॽवा टुसानुङ माहाजिमि खिरिरि मिकरेॽनोॽ टुसा। माहाजि सेन्‍डा लेन्‍डा इडोॽ कासाङ सेम्‍लुमे़ॽनिङ्‌सिडामि, “चोप्‍पाङ सक्‍तिदाङ्‌बा परमपरभु निवाहाङ पबित्‍रा, पबित्‍रा, पबित्‍रा ले़ये। खो चोप्‍पाङ याक्‍लोमा ले़टे़, खो आइसो टुये, खो लेङ्‌इये।”

परकास 7:15

मोडोगे़ॽ खोजि निवाहाङ्‌मि पोम्‍बेॽ टुम्‍मे, सेन्‍डा लेन्‍डा खोमि मन्‍दिरबेॽ सेवा ले़म्‍मे, मो हाङ्‌पेन्‍ढामबेॽ पेङ्‌घुबाडे़ॽ माहाजिनुङ सोरि पेन्‍नुङ खोजिमि रच्‍छे ले़न्‍डुजे।