१ थेस्‍लोनिकि 2:8 - याम्फु

⁸ चइबानोॽ कानिङे़ॽ हे़निङ सारोनोॽ नम्‍नम ले़ःॽपॽआसे़ॽ निवाहाङ्‌मि सुसमाचाररेॽ ने़ॽनि, तर कानिङ्‌मि हिङ्‌मवानोॽ पिमासो पोरोगिङ्‌मा।

१ थेस्‍लोनिकि 2:8 Iomraidhean Croise

लुका 7:2

मोबेॽ रोमि तिरिङ्‌गाजिमि एप्‍पाडे़ॽ बेॽलो नम्‍नम ले़ःॽपॽआ सेउते टुक्‍पॽआसे़ॽ सिघे़ॽसिॽ पोरोक्‍पॽआ ले़टे़।

रोमि 1:1

येसु खिरिस्‍टमि सेउते, खोमि एप्‍पा चोङ्‌सा लिमामि लागि के़ःॽपॽआ का पावलडे़ॽ इगो पत्‍रा साप्‍मे़ॽनिङ्‌सिनुङे़, मोबा का निवाहाङ्‌मि सुसमाचार परचार ले़ःॽमामि लागि से़ङ्‌इटे़।

रोमि 10:1

के़हा वावानिसानुङ नानुसाजि, इस्‍राएलिजिडे़ॽ छुट्‌कारा चुप्‍टुजिरो लुनुङ निवाबाङ्‌नोॽ मिॽइनुङे। मोडोगे़ॽ खोजि हिङ्‌मिरो लुनुङ सानिङ निवाहाङ्‌नुङ पारथना ले़नुङे।

रोमि 15:29

का हे़निङ्‌बेॽ लेम्‍माबेॽ खिरिस्‍टबाङ चुप्‍पॽआ चोप आसिसनुङ लेङ्‌इङे़।

२ कोरिन्‍थि 12:15

हे़निङ्‌मि लागि के़ॽ साप्‍थाङ्‌मानुङ चोप थोक पिनिम्‍ने़, माहा थोकरेॽ ने़ॽनि काङ्‌मि हिङ्‌मवासो पिनिम्‍ने़। के़ॽ चाहिँ हे़निङ इडोॽ बेॽलो नम्‍नम ले़टुङ, इमा हे़निङे़ॽ चाहिँ का चुक्‍लो नम्‍नम ले़न्‍डानिङे ?

२ कोरिन्‍थि 6:1

कानिङ निवाहाङ्‌नुङ सोरि योम्‍बोक ले़ःॽखुबाजि लिबॽआसे़ॽ हे़निङ बिन्‍ति ले़निम्‍ने़, हे़निङे़ॽ निवाहाङ्‌बाङ चुप्‍पॽआ अनुग्‍रहा खेरो ए़क्‍खे़ॽमेॽटानुमे।

गलाति 4:19

के़हा ओङे़कजि, हे़निङ खिरिस्‍टबेॽ परिपक्‍का मे़लिरो ओङे़क टोक्‍माबेॽ मेॽनामिॽचिडे़ॽ साबोक्‍मा खेः आङ्‌डिडोॽ के़ॽ फेरि हे़निङ्‌मि लागि खेः आङ्‌मे़ॽनिङ्‌सिनुङे।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

फिलिप्‍पि 2:17

हे़निङे़ॽ परभुबेॽ ले़ःॽपॽआ बिस्‍वासनुङ निवाहाङ्‌मि योम्‍बोक चाहिँ बलिदानडोॽ ले़ये, मोबेॽ काङ्‌मि हिङ्‌मवामि बलि पिमा सिॽसो का साप्‍थाङ्‌इङे। इगो साप्‍थाङ्‌मे खाबेॽ हे़निङ्‌सो कानुङ सोरि साप्‍थाक्‍सानिङे।

फिलिप्‍पि 2:20

हे़निङ्‌मि लागि चइबानोॽ सुरता ले़ःॽखुबा तिमोथिबाङ हाइखा याॽमि कानुङ असासो माॽआम्‍मे।

फिलिप्‍पि 4:1

मोडोगे़ॽ के़हा वावानिसानुङ नानुसाजि, हे़निङ्‌नोॽ के़ॽ बेॽलो नम्‍नम ले़ःॽपॽआजि ले़न्‍डानिङ, मोबा हे़निङ चुप्‍मा सारोनोॽ मिॽइनिम्‍ने़। हे़निङे़ॽ का साप्‍थाङ्‌मेॽटानिङ, हे़निङ काङ्‌मि योम्‍बोकमि इनाम ले़न्‍डानिङे। हे़निङ इडोक्‍नोॽ परभुबेॽ सानिङ बोलियो लिनुङ हिक्‍सानिङे।

कलस्‍सि 1:28

मोडोगे़ॽ कानिङे़ॽ चोप याॽमिजि खिरिस्‍टमि टुम्‍बेॽ खेम्‍मेटुङ्‌मे। चोप याॽमिजि खिरिस्‍टबेॽ पक्‍का टोङ्‌नुङ निवाहाङ्‌बेॽ रुक्‍मेॽमामि कानिङ चोप निवाडे़ॽ चोप याॽमिजि होसियार ले़ःॽसाङ हे़निङ सिक्‍छे पिन्‍डुङ्‌मे।

कलस्‍सि 1:7

इगो खानोॽ कानिङ्‌नुङ निवाहाङ्‌मि योम्‍बोक ले़ःॽखुबा निसा इपाफरसबाङ चिनानुम। खो कानिङ्‌मि साटो हे़निङ्‌मि रुम्‍बेॽ खिरिस्‍टमि लागि योम्‍बोक ले़ःॽखुबा इक्‍को नुबा बिस्‍वासनुङ्‌मा याॽमि ले़ये।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

फिलेमोन 1:1

येसु खिरिस्‍टमि लागि कैदि लिबॽआ का पावलनुङ तिमोथि निसाबाङ इगो पत्‍रा कानिङ्‌मि नुबा लङ्‌गाम फिलेमोन साप्‍मे़ॽनिङ्‌सिनुङे।

हिब्‍रु 13:17

हे़निङ्‌मि अगुवाजिडे़ॽ लुबॽआ खा खेप्‍सानुमे, मोबा खोजिमि अधिनबेॽ पेनानिङे। माहाजिडे़ॽ हे़निङ्‌मि रेखदेख ले़न्‍डुजे। इन्‍ढोङ्‌होङ माहाजिडे़ॽ हे़निङ्‌मि रेखदेख ले़न्‍डुजेनुङ हे़निङे़ॽ ले़ःॽपॽआ योम्‍बोकमि लेखा माहाजिडे़ॽ निवाहाङ पिमा खे़ये। माहाजिडे़ॽ लुबॽआ खा खेप्‍सानुमहोङ माहाजिडे़ॽ साप्‍थाङ्‌मानुङ सेवा ले़न्‍डुजे, निवा टुक्‍मेॽटानुमहोङ्‌गो हे़निङ इमाङ्‌सो नुबा लिनिबा।

१ युहन्‍ना 3:16

खिरिस्‍टडे़ॽ कानिङ्‌मि पापमि लागि खोमि हिङ्‌मवा काप्‍सिङ्‌बेॽ चेॽटिसु। इगो खाबाङ्‌नोॽ कानिङे़ॽ नम्‍नम लुबॽआ इमाङ्‌डे लुनुङ नुरोॽ लेबेटुङ्‌मे़। मोडोगे़ॽ कानिङे़ॽ बिस्‍वासि वावानिसाजिमि लागि हिङ्‌मवा पिमा खे़ये।