१ थेस्‍लोनिकि 2:6 - याम्फु

⁶ कानिङ लेघुबा खिरिस्‍टमि एप्‍पा चोङ्‌साजि ले़ःॽपॽआसे़ॽसो हे़निङ्‌नुङ बेॽए लिहेसिङ्‌मे़। तर कानिङे़ॽ हाइखा याॽमिजि मोबा हे़निङ असाबाङ्‌सो आदर मे़योगुङ्‌मा।

१ थेस्‍लोनिकि 2:6 Iomraidhean Croise

युहन्‍ना 12:43

इन्‍ढोङ्‌होङ माहाजिडे़ॽ निवाहाङ्‌डे़ॽ ले़ःॽमे ओहाङ्‌बाङ याॽमिजिबाङ चुप्‍मिये ओहाङ बेॽलो नेन्‍जोसुजे।

युहन्‍ना 5:41

“के़ॽ याॽमिजिमि याबुकबाङ ओहाङ योक्‍पॽआ ने़ॽनि।

युहन्‍ना 5:44

हे़निङ इक्‍कोसे़ॽ हाइकोबाङ आदर योॽइन्‍डानुमे तर निवाहाङ्‌बाङ चुप्‍मिये आसिस नेन्‍जासानुम्‍निहोङ हे़निङे़ॽ इन्‍डोक्‍टे बिस्‍वास ले़ःॽहेन्‍डानुमे ?

युहन्‍ना 7:18

असे़ॽ टाङ्‌बामि निवाबाङ यामुये मोसे़ॽ टाङ्‌बामि लागि सम्‍मान योॽइन्‍डुए, तर असे़ॽ टाङ्‌बा पाङ्‌घुबामि सम्‍मान योॽइन्‍डुए, मो चाइबमा ले़ये, खोसे़ॽ रेम्‍देडुनिबा।

१ कोरिन्‍थि 11:9

मोबा वडाङ्‌पसा मेॽनामिॽमि लागि टोङ्‌बॽआ ने़ॽनिबा, तर मेॽनामिॽ चाहिँ वडाङ्‌पसामि लागि टोङ्‌बॽआ ले़ये।

२ कोरिन्‍थि 13:10

हे़निङ्‌बेॽ लेम्‍माबेॽ निवाहाङ्‌डे़ॽ का पिबॽआ अधिकार हे़निङ नम्‍नमनोॽ मे़ॽनिङ बेभार ले़ःॽमा मे़सिॽलो लुनुङ का हे़निङ्‌बाङ ओः टुमाबेॽ इघा खा साप्‍मे़ॽनिङ्‌सिनुङे। मो अधिकारगो हे़निङ नासि ले़ःॽमामि लागि ने़ॽनि, तर नुबा याॽमि टोङ्‌मामि लागि पिबॽआ ले़ये।

२ कोरिन्‍थि 4:5

कानिङ टाङ्‌बामि खा परचार ले़टुङ्‌मानि, तर येसुमि लागि कानिङ हे़निङ्‌मि सेउते लिनुङ येसु खिरिस्‍टनोॽ परभु ले़ये लुनुङ परचार ले़न्‍डुङ्‌मे़।

गलाति 1:10

इडोॽ लुनुङ के़ॽ याॽमिजि साप्‍थाङ्‌मेॽमामि लागि लुबॽआ ने़ॽनि, के़ॽ निवाहाङ साप्‍थाङ्‌मेॽमा मिॽइनुङे, का याॽमिजिमि नेन्‍जामारोमा लिमामि लागि ने़ॽनि, इडोॽ ले़टुङ्‌होङ्‌गो का खिरिस्‍टमि सेउते ले़ःॽङानि।

गलाति 5:26

कानिङे़ॽ इक्‍कोसे़ॽ हाइकोनुङ काङायोङ्‌बा रे़ङ्‌मा फे़न्‍निबा, सुरके़ॽमेॽमा फे़न्‍निबा, चेजेवा के़ॽमा फे़न्‍निबा।

गलाति 6:13

इन्‍ढोङ्‌होङ खतना लिबॽआजिडे़ॽनोक्‍सो यहुदि धारमिक नियम पालना ले़टुजिने, तर खोजि खतना ले़ःॽमेॽखुबाजि लिनुङ बेॽहा खा इःमामि लागिरेॽनोॽ हे़निङ खतना ले़ःॽमेम्‍मे।

१ थेस्‍लोनिकि 2:9

वावानिसानुङ नानुसाजि, हे़निङे़ॽ नुरोॽ लेन्‍डानुमे, कानिङे़ॽ ले़ःॽमे़ॽ हे़निङ असासो कानिङ कुमे भार मे़न्‍सिॽलो लुनुङ कानिङ पाप्‍मिहा चोप खामि लागि कानिङ्‌टाङ्‌बा लेन्‍डा सेन्‍डा योम्‍बोक ले़ःॽसाङ हे़निङ सुसमाचार खेम्‍मेॽटुङ्‌मा।

१ तिमोथि 5:17

मन्‍डलिबेॽ नुरोॽ योम्‍बोक ले़ःॽखुबा एल्‍डरजि आदर ले़ःॽमा खे़म्‍मेनुङ के़ॽलो नमयाक पिमा खे़म्‍मे, माहाजिबेॽसो बेॽलो निवाहाङ्‌मि बचन खेम्‍मेॽमामि दुःख ले़ःॽखुबानुङ बचन इःॽखुबाजि नमयाक पिमानोॽ खे़म्‍मे।