१ थेस्‍लोनिकि 2:3 - याम्फु

³ कानिङे़ॽ सुसमाचार खेम्‍मेॽमाबेॽ मङे़हा खा, मङे़हा निवा, रेम्‍डेॽमा खा इमाङ्‌सो माडहा।

१ थेस्‍लोनिकि 2:3 Iomraidhean Croise

एप्‍पा चोङ्‌सा 13:15

मोसामि यहुदि धारमिक नियममि नेॽचिरानुङ अगमबक्‍ताजिमि नेॽचिरा नेॽपेनुङ यहुदि सुम्‍ढाम खिमबेॽहा डायोङ्‌बाजिडे़ॽ बारनाबासनुङ पावल इडोॽ लुमे लम्‍बवाँ पाक्‍सुजि, “होउ, निसाजि कानिङ्‌मि याॽमिजि साहस पिढाम नुबा खा हे़न्‍जिङ्‌नुङ टुहाहोङ इगोबेॽ इःसाजे।”

एप्‍पा चोङ्‌सा 4:36

इक्‍को योसेफ निङ ले़ःॽखुबा साइपरस देसबेॽए लेबि कुलमि इक्‍को याॽमि टुसे़। खोसे़ॽसो रोपा इन्‍जाबॽआ याङ एप्‍पा चोङ्‌साजिनोॽ पिसुजि। खो एप्‍पा चोङ्‌साजिडे़ॽ बारनाबास लुनुङ के़डुजे। बारनाबास लुबॽआ हौसला पिघुबा याॽमि।

२ कोरिन्‍थि 11:13

इन्‍ढोङ्‌होङ माहा याॽमिजि मे़ॽनोक्‍हा एप्‍पा चोङ्‌साजि, रेम्‍सिङ योम्‍बोक ले़ॽखुबाजि ले़म्‍मे। माहाजिगो खिरिस्‍टमि एप्‍पा चोङ्‌सा लिमारेॽ योॽइम्‍मे तर ने़ॽनिहाजि।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

२ कोरिन्‍थि 4:2

कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

२ कोरिन्‍थि 4:5

कानिङ टाङ्‌बामि खा परचार ले़टुङ्‌मानि, तर येसुमि लागि कानिङ हे़निङ्‌मि सेउते लिनुङ येसु खिरिस्‍टनोॽ परभु ले़ये लुनुङ परचार ले़न्‍डुङ्‌मे़।

२ कोरिन्‍थि 6:8

कानिङे़ॽ इजेतसो चुप्‍टुङ्‌मा बेजेतसो चुप्‍टुङ्‌मा। नुबासो लुम्‍मि, मङे़ॽमासो लुम्‍मि, कानिङे़ॽ चाइबमा खारेॽ यामुन्‍डिङ्‌मा, तर रेम्‍डेॽखुबा लुम्‍मे।

२ कोरिन्‍थि 7:2

हे़निङ्‌मि निवाबाङ्‌नोॽ कानिङ नम्‍नम ले़ःॽमाजे, कानिङे़ॽ असासो मङे़ॽमा मे़ले़ःॽटिॽ, असासो मङे़ॽमा रामबेॽ मे़लाघे़ॽटिॽ, कानिङे़ॽ असासो कानिङ्‌मि नुबामि लागि मे़रेम्‍डिॽ।

१ थेस्‍लोनिकि 2:11

मोबा हे़निङे़ॽनोॽ लेन्‍डानुमे, पाबाडे़ॽ टाङ्‌बामि पसाजिनुङ ले़टिडोॽ कानिङे़ॽसो हे़निङ्‌नुङ बेबहार ले़टुङ्‌मा।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

२ थेस्‍लोनिकि 2:11

मोडोगे़ॽ माहा याॽमिजिडे़ॽ रेम्‍सिङ खाबेॽनोॽ बिस्‍वास ले़टुजिरो लुनुङ निवाहाङ्‌डे़ॽ माहाजिबेॽ रेम्‍सिङ सक्‍ति पाङ्‌इन्‍डुए।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।