१ थेस्‍लोनिकि 2:19 - याम्फु

¹⁹ कानिङ्‌मि परभु येसु लेम्‍मे याक खोमि पोम्‍बेॽ कानिङ्‌मि आसा, हाङ्‌हाङ, हे़निङ्‌नोॽ ले़न्‍डानिङे। मोबा साप्‍थाङ्‌मे गौरबमि मुकुटसो हे़निङ्‌नोॽ ले़न्‍डानिङे।

१ थेस्‍लोनिकि 2:19 Iomraidhean Croise

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

युहन्‍ना 21:22

येसुडे़ॽ पत्‍रुस लुसु, “का मे़लेङ्‌लोरो खो हिङ्‌डुघे़ॽलो लुनुङ के़ॽ मिडुङ्‌होङ्‌सो हे़न इमाङ खाँचोडे ?” हे़न चाहिँ कानुङ राप्‍से।

१ कोरिन्‍थि 15:23

तर चोप ताङ्‌बा ताङ्‌बामि पालो लेङ्‌इये, चोप्‍पाङ याक्‍लो हिङ्‌बोक्‍पॽआ खिरिस्‍टनोॽ ले़ये। मोडोक्‍नोॽ फेरि खो लेम्‍माबेॽ खोबेॽ बिस्‍वास ले़ःॽखुबाजि हिङ्‌बोक्‍इम्‍मे।

१ कोरिन्‍थि 4:5

मोडोगे़ॽ हे़निङे़ॽ असामिसो न्‍याय ए़ले़टानुमे, परभु मे़लेङ्‌रो हुक्‍सानुमे। खोसे़ॽ सेन्‍जुगुप्‍पेॽ चुम्‌युङ्‌बॽआ खा खाङ्‌मुन्‍डुहानुङ याॽमिमि निवाहोङ्‌सिॽयुहा खा खाङ्‌मुन्‍डुहा। मोबा चोप याॽमिजिडे़ॽ चुप्‍मा खे़ये ओहाक निवाहाङ्‌बाङ चुप्‍मिन्‍डुजे।

फिलिप्‍पि 2:16

मोबा हे़निङे़ॽ चुप्‍पॽआ हिङ्‌मवा पिघुबा सुसमाचार निवाबेॽ हुप्‍नुङ युक्‍सानुमे। इडोॽ ले़टानुमहोङ के़ॽ खेः आङ्‌मानुङ ले़ःॽपॽआ योम्‍बोक मोडोक्‍नोॽ मे़के़न्‍डिखडा लुनुङ खिरिस्‍ट लेङ्‌इये याकपेॽ के़ॽ गरब ले़टोॽइन्‍डुङ।

फिलिप्‍पि 4:1

मोडोगे़ॽ के़हा वावानिसानुङ नानुसाजि, हे़निङ्‌नोॽ के़ॽ बेॽलो नम्‍नम ले़ःॽपॽआजि ले़न्‍डानिङ, मोबा हे़निङ चुप्‍मा सारोनोॽ मिॽइनिम्‍ने़। हे़निङे़ॽ का साप्‍थाङ्‌मेॽटानिङ, हे़निङ काङ्‌मि योम्‍बोकमि इनाम ले़न्‍डानिङे। हे़निङ इडोक्‍नोॽ परभुबेॽ सानिङ बोलियो लिनुङ हिक्‍सानिङे।

१ थेस्‍लोनिकि 2:20

चइबानोॽ हे़निङ्‌नोॽ कानिङ्‌मि हाङ्‌हाङ्‌नुङ आदर ले़न्‍डानिङे।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 4:15

कानिङ्‌मि परभुडे़ॽ इःॽपॽआ सिक्‍छेनोॽ कानिङे़ॽ हे़निङ पिनिम्‍ने़। परभु लेम्‍मे याकठोक कानिङ हिङ्‌घुबाजिडे़ॽ माहा याक्‍लो सिघे़ॽपॽआजिबाङ पोम्‍बेॽ यङ्‌घडिङ्‌मानि।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

२ थेस्‍लोनिकि 1:4

मोडोक्‍नोॽ हे़निङे़ॽ चुङ्‌जामा खेःनुङ दुःख आङ्‌साङ्‌सो बिस्‍वासनुङ भरोसाबेॽ बोलियो ले़न्‍डानिङे इगोमि टुम्‍बेॽ कानिङे़ॽ हाइखा मन्‍डलिबेॽसो साप्‍थाङ्‌मानुङ लुहे़न्‍डुङ्‌मा।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

२ थेस्‍लोनिकि 2:1

वावानिसानुङ नानुसाजि, कानिङ्‌मि परभु येसु फेरि लेङ्‌इये लुमे खामि टुम्‍बेॽनुङ खो चुप्‍सिॽ कानिङ चोप सुम्‍इन्‍डिङ्‌मा लुमे खामि टुम्‍बेॽ हे़निङ बिन्‍ति ले़निम्‍ने़।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

याकुब 5:7

मोडोगे़ॽ वावानिसानुङ नानुसाजि, परभु मे़लेङ्‌रो हुङ्‌जाहेमे लिनुङ पेनानिङे। खाक्‍सानुमे खेति ले़ःॽखुबे़ॽ अन्‍न चे़ःॽमामि इन्‍डोक हुङ्‌इन्‍डुए बरखानुङ हिउँदोमि वारि आङ्‌इन्‍डुए।

याकुब 5:8

हे़निङ्‌सो मोडोक्‍नोॽ हुङ्‌जाहेघुबा लिनुङ पेनानिङे। टाङ्‌बे़ॽ ले़ःॽपॽआ आसाबेॽ बोलियो लिसानिङे परभु लेम्‍मे याक के़क्‍पेॽनोॽ टुये।

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।

२ पत्‍रुस 3:4

“इमा खिरिस्‍टडे़ॽ का लेङ्‌इङे़ लुबॽआ ने़ॽने ? इन्‍ढोङ्‌होङ कानिङ्‌मि टुबालाबाजि सिघडामि, तर मक्‍खाम्‍डेममि सिरिस्‍टि लिनुङ आयुरोसो मोडोक्‍नोॽ टुसिइ।”

१ युहन्‍ना 2:28

के़हा नानिजि, खोमि बिस्‍वासबेॽ सानिङ पेनानिङे, खो खाङ्‌मुमाबेॽ कानिङे़ॽ बोल चुप्‍मिन्‍डुङ्‌मे, मोबा खो लेम्‍मे याकपेॽ खोमि पोम्‍बेॽ कानिङ ङेसिमा पाप्‍निबा।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।

परकास 22:12

“खेप्‍सानुमे, का चान्‍डोनोॽ लेम्‍मे़ॽनिङ्‌सिङे, चोप याॽमिजिडे़ॽ ले़ःॽपॽआ नुबानुङ मङे़हा योम्‍बोकमि इनाम कानुङ टुहा।