१ थेस्‍लोनिकि 2:12 - याम्फु

¹² हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

१ थेस्‍लोनिकि 2:12 Iomraidhean Croise

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

रोमि 8:30

असा असाजि निवाहाङ्‌डे़ॽ याक्‍लोएबाङ सेनुजि, माहाजि खोसे़ॽ के़डुजि, मोबा टाङ्‌बामि पोम्‍बेॽ माहाजि धरमिसो टोक्‍सुजि, असा असाजि धरमि टोक्‍सुजि, माहाजि खोसे़ॽ महिमानुङ्‌हाजिसो टोक्‍सुजि।

१ कोरिन्‍थि 1:9

निवाहाङ बिस्‍वासनुङ्‌मा ले़ये, मोडोगे़ॽनोॽ खोमि पसा परभु येसु खिरिस्‍टमि सङ्‌गतिबेॽ हे़निङ के़ए़टे़।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

गलाति 5:16

मोडोगे़ॽ के़ॽ लुनिम्‍ने़, पबित्‍रा होङ्‌निवाडे़ॽ लुबॽआ रामबेॽ राप्‍सानिङे, टाङ्‌बामि हिङाडे़ॽ मिॽपॽआ खाबेॽ ए़राप्‍सानिङे।

एफिसि 4:1

मोडोगे़ॽ परभुमि योम्‍बोकमि लागि तिरिङ्‌गा खिमबेॽ से़क्‍सिघे़ॽपॽआ का पावलडे़ॽ हे़निङ्‌नुङ बिन्‍ति ले़निम्‍ने़, निवाहाङ्‌डे़ॽ हे़निङ इमा योम्‍बोकमि लागि के़ए़टे़ मोमि लागिनोॽ हिक्‍सानिङे।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

एफिसि 5:8

याक्‍लो हे़निङ्‌सो सेन्‍जुगुप्‍पेॽ टुसानिङ, तर हागो हे़निङ परभुमि पसाजि लिनुङ खोमि जोतिबेॽ टुन्‍डानिङे। मोडोगे़ॽ खोमि जोतिबेॽ राम्‍खुबा याॽमि लिनुङ हिक्‍सानिङे।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

कलस्‍सि 1:10

मोडोॽ ले़ःॽमाहोङ निवाहाङ्‌डे़ॽ नेन्‍जामारोमा योम्‍बोक ले़ःॽनुङ खो साप्‍थाङ्‌मेन्‍डुङ्‌मे। चोप नुबा योम्‍बोकपेॽ हे़निङ आसिसित लिन्‍डानिङे, मोबा हे़निङ निवाहाङ्‌मि निवाबेॽ वाबोक्‍इन्‍डानिङे।

कलस्‍सि 2:6

इन्‍डोॽ हे़निङे़ॽ खिरिस्‍ट येसु परभु मिॽनुङ बिस्‍वास ले़ए़टानुमे, मोडोक्‍नोॽ हे़निङ खोबेॽ हिक्‍सानिङे।

१ थेस्‍लोनिकि 4:1

हागो वावानिसानुङ नानुसाजि, हे़निङे़ॽ निवाहाङ्‌डे़ॽ नेन्‍जामारोमा हिङ्‌मवा इन्‍डोक्‍टे हिङ्‌मे लुमे खा कानिङ्‌बाङ चिङ्‌इटानुमे। चइबानोॽ कानिङ्‌बाङ चिम्‍बॽआ चाल चलन हे़निङे़ॽ ले़ःॽमे़ॽनिङ्‌सिन्‍डानुमे, मोबा अक्‍खा चाल चलन छना नुरोॽ ले़ःॽखे़ॽटानुमे लुनुङ बिन्‍ति ले़न्‍निम्‍ने़।

१ थेस्‍लोनिकि 4:12

इडोॽ ले़ःॽटानुमहोङ याॽमिजिडे़ॽसो हे़निङ आदर ले़म्‍मे। मोबा हे़निङ पाप्‍मिहा खामि लागि हाइखा याॽमिजिबेॽ आसा ले़ःॽमा पाप्‍नि।

१ थेस्‍लोनिकि 5:24

हे़निङ के़ःॽखुबा निवाहाङ बिस्‍वासनुङ्‌मा ले़ये, मोबा खोसे़ॽ इघा खा चइबानोॽ ले़न्‍डुहा।

२ थेस्‍लोनिकि 1:10

इघा चोप खा परभु येसु लेम्‍मा यिडे़ॽ लिहा। मो यिडे़ॽ खोमि पबित्‍रा याॽमिजिनुङ खोबेॽ बिस्‍वास ले़ःॽखुबाजि चोप बिस्‍वासिजिबाङ ओहाङ्‌नुङ आदर चुप्‍मिन्‍डुए। मोडोक्‍पेॽ हे़निङ्‌सो मोबेॽ टुन्‍डानिङे इन्‍ढोङ्‌होङ हे़निङ कानिङे़ॽ परचार ले़ःॽपॽआ सुसमाचारबेॽ बिस्‍वास ले़टानुम।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

१ पत्‍रुस 3:9

हे़निङ मङे़ॽमा ले़ःॽखुबा हाइखा याॽमिजि हे़निङे़ॽसो मङे़ॽमा ए़ले़टानुमे, खोजिडे़ॽ चापहिमिहोङ्‌सो हे़निङे़ॽ चाहिँ खोजि मोडोक्‍नोॽ ए़ले़टानुमे। बोरु मोमि साटो आसिस पिसानुमे, इन्‍ढोङ्‌होङ निवाहाङ्‌डे़ॽ हे़निङ आसिस पिमामि लागिनोॽ के़ॽपॽआ ले़ये।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

१ युहन्‍ना 2:6

का निवाहाङ्‌मि ले़ङे काघुबा याॽमिडे़ॽ खिरिस्‍टमिनोॽ चालबेॽ राम्‍मा खे़ये।

३ युहन्‍ना 1:6

खोजिडे़ॽ मन्‍डलिमि पोम्‍बेॽ येःप्‍नुङ हे़ने़ॽ याॽमिजि ले़ःॽपॽआ नम्‍नममि साक्‍छि पिटुजे। निवाहाङ्‌डे़ॽ नेन्‍जामारोहा लिनुङ खोजि हाइको ठाउँबेॽ खे़ॽमामि लागि नुरोॽ बन्‍दोबस्‍तो ले़ःॽपेॽटाजे।