१ थेस्‍लोनिकि 2:1 - याम्फु

¹ वावानिसानुङ नानुसाजि, हे़निङ्‌नुङ चुप्‍पॽआ खा योम्‍बोक मे़ॽनिङ्‌मा मे़लिसा। इगो खागो हे़निङे़ॽसो लेन्‍डानुमे।

१ थेस्‍लोनिकि 2:1 Iomraidhean Croise

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 15:2

मो सुसमाचारबाङ हे़निङे़ॽ छुट्‌कारा चुप्‍मिन्‍डानुमे। के़ॽ हे़निङ खेम्‍मेॽपॽआ सुसमाचारबेॽ सानिङ बिस्‍वास ले़टानुमहोङ मोसे़ॽ हे़निङ सानिङ हिङ्‌इन्‍डानिङे। ने़ॽनिहोङ्‌गो हे़निङ्‌मि बिस्‍वास योम्‍बोक मे़ॽनिङ्‌मा लिये।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

२ कोरिन्‍थि 6:1

कानिङ निवाहाङ्‌नुङ सोरि योम्‍बोक ले़ःॽखुबाजि लिबॽआसे़ॽ हे़निङ बिन्‍ति ले़निम्‍ने़, हे़निङे़ॽ निवाहाङ्‌बाङ चुप्‍पॽआ अनुग्‍रहा खेरो ए़क्‍खे़ॽमेॽटानुमे।

गलाति 2:2

निवाहाङ्‌डे़ॽ खडे लुनुङ का सेन्‍जिसेम्‍माङ्‌बेॽ लुबॽआसे़ॽ का मोबेॽ खडिङ। के़ॽ याक्‍लोएम्‍बाङ अयहुदिजि बेॽलोखेॽ सुसमाचार खेम्‍मेॽपेटुङ्‌हाजि मोडोॽ खेम्‍मेॽपॽआ सुसमाचार मे़ङ्‌के़न्‍डिॽखे़ॽलो लुनुङ के़ॽ मोमि टुम्‍बेॽ मोबेॽहा मन्‍डलिमि डायोङ्‌बाजिरेॽ चुप्‍नुङ इःबेॽटुङ्‌जि।

गलाति 4:11

का इडोॽ मिङ्‌इङे, के़ॽ हे़निङ्‌मि लागि ले़ःॽपॽआ दुःख माङ माङ के़न्‍डिॽखडे़ ?

फिलिप्‍पि 2:16

मोबा हे़निङे़ॽ चुप्‍पॽआ हिङ्‌मवा पिघुबा सुसमाचार निवाबेॽ हुप्‍नुङ युक्‍सानुमे। इडोॽ ले़टानुमहोङ के़ॽ खेः आङ्‌मानुङ ले़ःॽपॽआ योम्‍बोक मोडोक्‍नोॽ मे़के़न्‍डिखडा लुनुङ खिरिस्‍ट लेङ्‌इये याकपेॽ के़ॽ गरब ले़टोॽइन्‍डुङ।

१ थेस्‍लोनिकि 2:13

कानिङे़ॽ निवाहाङ्‌मि बचन इःॽमाबेॽ हे़निङे़ॽ मो खा याॽमिबाङ्‌ए ने़ॽनि निवाहाङ्‌मिनोॽ मिॽनुङ खेप्‍सानुम। चइबानोॽ इगो खा निवाहाङ्‌बाङ्‌एनोॽ ले़टे़। मो सिक्‍छेडे़ॽ आयुसो हे़निङ बिस्‍वासिजिमि हिङ्‌मवाबेॽ योम्‍बोक ले़ःॽमे़ॽनिङ्‌सिन्‍डुए। मो खामि लागि कानिङे़ॽ निवाहाङ सानिङ्‌नोॽ ओहाक पिन्‍डुङ्‌मे।

१ थेस्‍लोनिकि 3:5

के़ॽ हाइखा बेॽलो याक मे़हुङ्‌हेसुङ इन्‍ढोङ्‌होङ रेम्‍एङ्‌घुबा सैतानडे़ॽ हे़निङ्‌मि बिस्‍वास नासि ले़टुएन्‍डे मिॽनुङ का बेॽलो किस्‍सिडिङा। मोडोगे़ॽ हे़निङ्‌मि बिस्‍वास इन्‍डोॽ ले़ये लुनुङ लेडोक्‍मामि लागि के़ॽ तिमोथि हे़निङ्‌बेॽ पाक्‍सुङ।

२ थेस्‍लोनिकि 1:10

इघा चोप खा परभु येसु लेम्‍मा यिडे़ॽ लिहा। मो यिडे़ॽ खोमि पबित्‍रा याॽमिजिनुङ खोबेॽ बिस्‍वास ले़ःॽखुबाजि चोप बिस्‍वासिजिबाङ ओहाङ्‌नुङ आदर चुप्‍मिन्‍डुए। मोडोक्‍पेॽ हे़निङ्‌सो मोबेॽ टुन्‍डानिङे इन्‍ढोङ्‌होङ हे़निङ कानिङे़ॽ परचार ले़ःॽपॽआ सुसमाचारबेॽ बिस्‍वास ले़टानुम।

२ थेस्‍लोनिकि 3:1

चोप्‍पाङ ए़क्‍साङ, वावानिसानुङ नानुसाजि, हे़निङे़ॽ निवाहाङ्‌मि सुसमाचार सम्‍मान ले़टिडोॽ हाइखा चोप ठाउँबेॽ निवाहाङ्‌मि बचन फोप्‍पुक्‍नुङ चोप याॽमिजिडे़ॽ सम्‍मान ले़ःॽहेसुजिरो लुनुङ कानिङ्‌मि लागि पारथना ले़ःॽपेॽमा।