१ थेस्‍लोनिकि 1:4 - याम्फु

⁴ वावानिसा नानुसाजि, कानिङे़ॽ इगो खा लेन्‍डुङ्‌मे़, निवाहाङ्‌डे़ॽनोॽ नम्‍नम ले़ःॽनुङ हे़निङ खोमि याॽमि लिमामि लागि से़ङ्‌इटे़।

१ थेस्‍लोनिकि 1:4 Iomraidhean Croise

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 9:25

निवाहाङ्‌डे़ॽ लुबॽआ खा होसे लुमे अगमबक्‍ताडे़ॽ इडोॽ साप्‍मिटुए- “असाजि के़हा याॽमिजि मे़ले़टामि, माहाजिनोॽ के़ॽ काङ्‌मि याॽमिजि टोङ्‌इनुङ्‌हाजि। असाजि के़ॽ नम्‍नम मे़ले़टुङ्‌जिङ माहाजिनोॽ ‘के़ॽ नम्‍नम लेनुङ्‌हाजि’।”

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

२ थेस्‍लोनिकि 2:13

परभुडे़ॽ नम्‍नम ले़ःॽपॽआ वावानिसानुङ नानुसाजि, हे़निङ्‌मि लागि कानिङे़ॽ सानिङ्‌नोॽ निवाहाङ ओहाक पिमानोॽ खे़ये, इन्‍ढोङ्‌होङ याक्‍लोएम्‍बाङ्‌नोॽ पबित्‍रा होङ्‌निवे़ॽ चोखो टोङ्‌बॽआ योम्‍बोकबाङ मोबा चाइबमा खामि बिस्‍वासबाङ हिङ्‌मामि लागि निवाहाङ्‌डे़ॽ हे़निङ से़ङ्‌इटे़।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

२ पत्‍रुस 1:10

मोडोगे़ॽ वावानिसानुङ नानुसाजि, निवाहाङ्‌डे़ॽ हे़निङ के़ःॽपॽआनुङ से़म्‍बॽआ खा पक्‍का टोङ्‌मामि बोल ले़टानुमे। हे़निङे़ॽ इडोॽ ले़टानुमहोङ हे़निङ्‌मि बिस्‍वास इन्‍डोक्‍पेॽसो काङ्‌घे़ॽनिबा।