१ थेस्‍लोनिकि 1:3 - याम्फु

³ हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 1:3 Iomraidhean Croise

युहन्‍ना 14:15

“हे़निङे़ॽ का नम्‍नम ले़न्‍डानिङ्‌होङ काङ्‌मि आग्‍या पालना ले़न्‍डानुमे।

युहन्‍ना 15:10

के़ॽ काङ्‌मि पाबामि आग्‍या पालना ले़ःॽनुङ खोमि नम्‍नमबेॽ टुडिडोक्‍नोॽ हे़निङे़ॽसो के़ए़ आग्‍या पालना ले़टानुमहोङ के़ए़ नम्‍नमबेॽ सानिङ पेङ्‌इन्‍डानिङे।

एप्‍पा चोङ्‌सा 10:31

मोबा का लुसिङ, ‘होउ करनेलियस, हे़ने़ॽ ले़ःॽपॽआ पारथना निवाहाङ्‌डे़ॽ खेम्‍इटुए, मोबा हे़ने़ॽ इमाङ मे़ङ्‌काप्‍खुबाजि नम्‍नावा ले़ःॽपॽआसो निवाहाङ्‌डे़ॽ मिॽइटुए।

एप्‍पा चोङ्‌सा 3:19

मोडोगे़ॽ हागोनोॽ हे़निङ टाङ्‌बा टाङ्‌बामि पाप लेॽपेनुङ निवाहाङ्‌बेॽ टेसानिङे। खोसे़ॽ हे़निङ्‌मि चोप पापमि आम्‍लाङ पिये मोबा हे़निङे़ॽ निवाहाङ्‌बाङ होङ्‌निवामि सान्‍ति चुप्‍मिन्‍डानुमे।

रोमि 12:12

हे़निङे़ॽ निवाहाङ्‌बाङ चुप्‍पॽआ आसाबेॽ हाङ्‌हाङ ले़टानिङे, खेः आङ्‌मा सिॽमाबेॽ योङ आङ्‌हेखुबा लिनुङ सानिङ पारथना ले़टानुमे।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 15:4

याक्‍लो याक्‍लो साप्‍पॽआ धारमिक नेॽचिराबेॽहा खाडे़ॽ चाहिँ कानिङ सिक्‍छे पिमामि लागि साप्‍पॽआ ले़टा। धारमिक नेॽचिराबाङ कानिङे़ॽ आङ्‌हेमे बोलनुङ हौसला चुप्‍मिहा, मोबा निवाहाङ्‌डे़ॽ हे़म्‍बॽआ हेन्‍ज्‍रुङ पुरा लिये लुनुङ कानिङे़ॽ खोबेॽ आसा ले़न्‍डुङ्‌मा।

रोमि 16:26

तर हागो येसु खिरिस्‍टमि टुम्‍बेॽहा खा अगमबक्‍ताजि साप्‍मेॽनुङ छे़ङ्‌गै टोङ्‌इटुए। मोबा इगो सुसमाचारबाङ्‌नोॽ चोप याॽमिजिडे़ॽ खोबेॽ बिस्‍वास ले़ःॽनुङ खोमि आग्‍या पालना ले़टुजिरो लुनुङ इन्‍डोक्‍पेॽसो सिघे़ॽनिबा निवाहाङ्‌डे़ॽ चोप याॽमिजिबेॽ मोबा चोप ठाउँबेॽ इगो सुसमाचार परचार ले़ःॽमामि आग्‍या ले़टा।

रोमि 16:6

हे़निङ्‌मि लागि बेॽलो निवा टिनुङ सेवामि योम्‍बोक ले़ःॽखुबा मरियमसो काङ्‌मि सेवायो लुबेॽमाजे।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

१ कोरिन्‍थि 13:13

हागो बिस्‍वास, आसानुङ नम्‍नम सानिङ टुडुङ्‌घे़ये। तर इघा सुम्‍जि खाबेॽ चोप्‍पाङ महान चाहिँ नम्‍नमनोॽ ले़ये।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

गलाति 1:4

इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

गलाति 6:9

भलाइमि योम्‍बोक ले़ःॽमामि लागि याःक्‍चाघे़ॽमा फे़न्‍निबा, इन्‍ढोङ्‌होङ भलाइ ले़टुङ्‌घे़ॽमाहोङ निवाहाङ्‌मि बेलाबेॽ आसिस चुप्‍मिये।

१ थेस्‍लोनिकि 3:6

तर तिमोथि हे़निङ चुप्‍नुङ इगोबेॽ हागोनोॽ लेङ्‌इटे़। हे़निङ्‌बेॽ हागोसो बेॽलो नम्‍नमनुङ बिस्‍वास टुहा लुमे नुबा खा खेम्‍मेॽटा। मोबा हे़निङे़ॽ सानिङ्‌नोॽ कानिङ नम्‍नम ले़ःॽनुङ मिॽयुङ्‌इटानिङे ले़ए़ लुमे खासो खोसे़ॽ का खेम्‍मेॽटा।

२ थेस्‍लोनिकि 1:11

मोडोगे़ॽ निवाहाङ्‌डे़ॽ हाम्‍बे हिङ्‌मवामि लागि हे़निङ के़ॽपॽआ ले़ये, मो हिङ्‌मवाबेॽ योग्‍य टोङ्‌मामिनुङ खोमि सक्‍तिडे़ॽ नुबा योम्‍बोक ले़ःॽमे निवा, मोबा बिस्‍वासमि योम्‍बोक पुरा ले़ःॽमाराप्‍लो लुनुङ कानिङ हे़निङ्‌मि लागि सानिङ्‌नोॽ पारथना ले़न्‍डिङ्‌मा।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ तिमोथि 1:14

काबेॽ कानिङ्‌मि परभुमि अनुग्‍रहा के़ॽलो युङ्‌बेॽटा, मोबा खिरिस्‍टबेॽ टुये बिस्‍वासनुङ नम्‍नमसो खोसे़ॽनोॽ का पिसिङा।

१ तिमोथि 2:3

इडोॽ ले़ःॽपॽआ कानिङ्‌मि मुक्‍तिदाङ्‌बा निवाहाङ्‌डे़ॽसो नेन्‍जोन्‍डुए।

हिब्‍रु 10:36

निवाहाङ्‌डे़ॽ नेन्‍जाबॽआ योम्‍बोक ले़ःॽमानुङ खोसे़ॽ हेन्‍ज्‍रुङ हे़म्‍बॽआ खा चुप्‍मामि लागि हे़निङ पक्‍का लिसानिङे।

हिब्‍रु 11:17

निवाहाङ्‌डे़ॽ अब्‍राहाममि बिस्‍वासमि जाँच लिमाबेॽ अब्‍राहामडे़ॽसो टाङ्‌बामि बिस्‍वासबाङ्‌नोॽ खोमपसा इसहाक बलि पिमामि लागि पोरोगु। निवाहाङ्‌डे़ॽ खो खोमि पसा इसहाकबाङ्‌नोॽ हे़ने़हा पसाजि लिम्‍मे लुनुङ हेन्‍ज्‍रुङ हे़म्‍बॽआ ले़टारोसो, अब्‍राहामडे़ॽ खोमि इक्‍कोमा पसा बलि पिमा पोरोगा।

हिब्‍रु 13:21

हे़निङ चोप खालहा नुबा खाबेॽ पक्‍का लिमामि सहायात ले़ःॽरो, मोबा निवाहाङ्‌डे़ॽ नेन्‍जोन्‍डुए खा येसु खिरिस्‍टबाङ खोसे़ॽ हे़निङ्‌बेॽ पुरा लिरो। खोमि महिमा युग युगठोक लिरो। आमेन।

हिब्‍रु 4:11

मोडोगे़ॽ कानिङ मो नाजामे ठाउँबेॽ पे़खे़ॽमामि बोल ले़ःॽमा, मोबा निवाहाङ्‌मि खा मे़ङ्‌खेम्‍खुबा इस्‍राएलिजि नास लिडिडोॽ कानिङ असासो नासि ए़ॽलिमा।

हिब्‍रु 6:15

अब्‍राहामडे़ॽ आङ्‌नुङ हुक्‍सु, मोबा निवाहाङ्‌डे़ॽ हेन्‍ज्‍रुङ हे़म्‍बॽआ आसिस चुप्‍टु।

१ पत्‍रुस 3:4

तर हे़निङ्‌मि निवाहोङ्‌सिॽयु चाहिँ नुबा नुबा खाडे़ॽ चागानुमे। हे़निङ्‌मि निवा सानिङ टुडुङ्‌घे़ये भलोनुङ सान्‍तिडे़ॽ चागानुमे, इगो चाहिँ निवाहाङ्‌मि लागि बेॽलो मोलनुङ्‌मा ले़ये।

१ युहन्‍ना 3:18

के़हा नानिजि, कानिङ्‌मि नम्‍नम चाहिँ याबुकबाङ्‌रेॽनोॽ खाङ्‌मुनुङ के़ॽनिबा, तर कानिङे़ॽ चाइबमा नम्‍नम ले़ःॽमा खे़येनुङ योम्‍बोकबाङ खाङ्‌मुमा खे़ये।

१ युहन्‍ना 3:21

के़हा लङ्‌गामजि कानिङ्‌मि निवाडे़ॽ कानिङ आप्‍टिक मे़न्‍टिहोङ निवाहाङ्‌मि पोम्‍बेॽ खे़ॽमा आट चुप्‍मिये।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।

१ युहन्‍ना 5:3

निवाहाङ्‌मि आग्‍या पालना ले़ःॽमानोॽ खो नम्‍नम ले़ःॽपॽआ लिये। खोमि आग्‍या पालना ले़ःॽमा मोढे़ॽलो छाक्‍निबा,

परकास 2:19

हे़निङे़ॽ ले़ःॽपॽआ योम्‍बोक के़ॽ लेनुङ्‌हा, हे़निङे़ॽ ले़ःॽपॽआ नम्‍नम, हे़निङ्‌मि बिस्‍वासनुङ सेवा, मोबा हे़निङ्‌मि हुङ्‌हेमे सक्‍तिमि टुम्‍बेॽ के़ॽ लेनुङे़। हे़निङे़ॽ याक्‍लोएबाङ्‌सो आयु छना बेॽलो सेवा ले़न्‍डानुमे लुमे खासो के़ॽ लेनुङ्‌हा।

परकास 3:10

हे़निङे़ॽ चोप खालहा खेः आङ्‌मा सिॽमाबेॽसो बचन पालना ले़ःॽपॽआसे़ॽ, इगो मक्‍खाम्‍डेमबेॽहा चोप याॽमिजिमि जाँच ले़ःॽसिॽ लेङ्‌इये बेॽएम्‍मा खेःबाङ के़ॽ हे़निङ जोगा ले़न्‍निम्‍ने़।