१ थेस्‍लोनिकि 1:10 - याम्फु

¹⁰ मोबा सिघे़ॽपॽआबाङ निवाहाङ्‌डे़ॽ हिङ्‌बोक्‍पॽआ खोमि पसा येसु थाङ्‌सिरिबाङ लेङ्‌इये लुनुङ हे़निङे़ॽ खोमि राम खाङ्‌इन्‍डानुम्‍रो। अथबा खोनोॽ कानिङ न्‍यायमि याकपेॽ निवाहाङ्‌मि सुरिकबाङ जोगा ले़ःॽखुबा ले़ये।

१ थेस्‍लोनिकि 1:10 Iomraidhean Croise

मत्‍ति 1:21

हागो मरियमडे़ॽ इक्‍को पसा टोइन्‍डुए, मो ओङे़कमि निङ हे़ने़ॽ येसु युङ्‌मे, इन्‍ढोङ्‌होङ खोसे़ॽ खोमि याॽमिजि पापबाङ छुट्‌कारा पिन्‍डुजे।”

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मत्‍ति 16:28

चइबानोॽ के़ॽ हे़निङ लुनिम्‍ने़, इगोबेॽ टुघुबाजिबेॽ इन्‍डोक याॽमिजिडे़ॽ याॽमिमि पसा खोमि राज्‍यबेॽ उङ्‌मे़ॽसिबॽआ मे़ङ्‌खाङ्‌डोक्‍लो सिघे़ॽमिने।”

मत्‍ति 3:7

तर फरिसिनुङ सदुकिजि लुमे निच्‍चि धारमिक हुलबेॽहा बेॽलो याॽमिजिसो युहान्‍नाबाङ बप्‍तिस्‍मा लासिॽ आप्‍मे़ॽनिङ्‌सिबॽआ खाङ्‌डोक्‍नुङ युहन्‍नाडे़ॽ लुसुजि, “होउ, पुसे़ॽमि पसाजि, निवाहाङ्‌मि दन्‍डाबाङ चिःॽमा हे़निङ असे़ॽटे इःडानिङे ?

लुका 2:25

मोडोक्‍पेॽ सिमियोन निङ ले़ःॽखुबा याॽमि यरुसलेमबेॽ पेने़। खो धरमि ले़टे़, निवाहाङ्‌मि खा नुरोॽ खेम्‍खुबा ले़टे़। खोसे़ॽ इस्‍राएलिजि मुक्‍ति पिघुबा इक्‍को याॽमि ले़ङ्‌इये लुनुङ राम खाङ्‌मे़ॽनिङ्‌सिडुए। खोनुङ पबित्‍रा होङ्‌निवा टुसे़।

लुका 3:7

मोडोगे़ॽ बेॽलो याॽमिजि युहन्‍नाबेॽ बप्‍तिस्‍मा लासिॽ लेस्‍सामि। तर युहन्‍नाडे़ॽ माहाजि लुसुजि, “हे़निङ सिक्‍चानुङ्‌हा पुसे़ॽमि पसाजि! ‘निवाहाङ्‌मि न्‍यायबाङ चिॽखे़ॽहेन्‍डिङ्‌मा’ लुनुङ हे़निङ आसे़ॽटे इःडानिङे ?

एप्‍पा चोङ्‌सा 1:11

“होउ गालिलबेॽहा याॽमिजि, इन्‍ढोङ नान्‍द्‌रुङ्‌माबेॽ खाङ्‌मे़ॽनिङ्‌सिडानुमे ? हे़निङे़ॽ येसु थाङ्‌सिरिॽटु ठेॽपोक्‍खे़ॽपॽआ खाङ्‌इटानुमे मोडोक्‍नोॽ खो इक्‍याक फेरि लेङ्‌इये।”

एप्‍पा चोङ्‌सा 17:31

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि न्‍याय ले़ःॽमे याक पक्‍का ले़पेटुए। मो यिडे़ॽ खोसे़ॽ से़न्‍बॽआ याॽमिबाङ मक्‍खाम्‍डेमबेॽहा याॽमिजिमि न्‍याय ले़न्‍डुए। चोप याॽमिजि न्‍याय ले़ःॽमे अधिकार खोबेॽ टुये लुमे खा पक्‍का ले़ःॽमेॽमामि लागिनोॽ निवाहाङ्‌डे़ॽ खो सिघे़ॽपॽआबाङ हिङ्‌बोइटुए।”

एप्‍पा चोङ्‌सा 2:24

“तर निवाहाङ्‌डे़ॽ येसु सिघे़ॽपॽआबाङ हिङ्‌बोॽइटुए। इन्‍ढोङ्‌होङ खो सिमवाडे़ॽ मे़से़क्‍हेसु।

एप्‍पा चोङ्‌सा 2:32

“मोनोॽ येसु निवाहाङ्‌डे़ॽ फेरि हिङ्‌रिक टोङ्‌इटुए मो खा खाङ्‌खुबा कानिङ चोप साक्‍छिजि टुन्‍डिङ्‌मा।

एप्‍पा चोङ्‌सा 3:15

इडोॽ हे़निङे़ॽ हिङ्‌मवा पिघुबा सेॽनेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌रिक टोक्‍सु मो खामि कानिङ साक्‍छि ले़न्‍डिङ्‌मा।

एप्‍पा चोङ्‌सा 3:21

तर पबित्‍रा अगमबक्‍ताजिडे़ॽ याक्‍लोनोॽ लुडिडोॽ निवाहाङ्‌डे़ॽ चोप खा चोङ मे़न्‍टोङ्‌लो येसु थाङ्‌सिरिबेॽनोॽ टुमा खे़ये।

एप्‍पा चोङ्‌सा 4:10

हागो हे़निङ्‌नुङ इस्‍राएलबेॽहा चोप याॽमिजिडे़ॽ इगो खा लेसानुमे। हे़निङ्‌मि पोम्‍बेॽ येःप्‍मिये इगो याॽमि नासरतमि येसुमि निङ्‌बेॽ नुबोक्‍इटे़। हे़निङे़ॽ चाहिँ येसुगो काप्‍सिङ सोक्‍पेॽ किङ्‌नेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌बोक्‍इटुए।

रोमि 1:4

पबित्‍रा होङ्‌निवामि सक्‍तिडे़ॽ खो निवाहाङ्‌मि पसा ले़ये लुनुङ खाङ्‌मुसा। इगो खा येसु सिघे़ॽनुङ्‌सो हिङ्‌बोक्‍पॽआ खाडे़ॽ खाङ्‌मुये। खोनोॽ कानिङ्‌मि परभु येसु खिरिस्‍ट ले़ये।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 4:25

येसु कानिङ्‌मि पापमि लागि सिमा खडा, मोबा कानिङ धरमि ठरबा ले़ःॽमामि लागि खो निवाहाङ्‌डे़ॽ हिङ्‌बोगु।

रोमि 8:34

मोडोगे़ॽ हे़निङ दन्‍डामि आग्‍या पिघुबा असाडे ? हे़निङ्‌मि लागि सिघुबा येसु खिरिस्‍ट खो सिबॽआबाङ निवाहाङ्‌डे़ॽ हिङ्‌बोगु आयु निवाहाङ्‌मि चुप्‍थिङ्‌लाम टुये, मोबा खोसे़ॽ कानिङ्‌मि लागि निवाहाङ्‌नुङ बिन्‍ति ले़ःॽमे़निङ्‌सिन्‍डुए।

१ कोरिन्‍थि 1:7

मोडोगे़ॽ कानिङ्‌मि परभु येसु खिरिस्‍टमि राम खाङ्‌साङ हुङ्‌माबेॽ हे़निङ इमाङ बरदानमिसो खाँचो सिॽनिबा।

गलाति 3:13

खिरिस्‍टडे़ॽ कानिङ्‌मि लागि चापहिमा खिघे़ॽनुङ काप्‍सिङ्‌बेॽ सिघडा, मोसे़ॽनोॽ कानिङ यहुदि धारमिक नियममि चापहिमाबाङ छुट्‌कारा ले़टा। इन्‍ढोङ्‌होङ धारमिक नेॽचिराडे़ॽ लुये “सिङ्‌बुबेॽ किङ्‌नेबॽआ चोपबेॽ चापहिमा सिॽइये।”

फिलिप्‍पि 3:20

तर कानिङ्‌गो थाङ्‌सिरिबेॽहा याॽमिजि ले़न्‍डिङ्‌मा। थाङ्‌सिरिबाङ लेङ्‌घुबा मुक्‍तिदाङ्‌बा, परभु येसु खिरिस्‍टमि राम हुङ्‌मे़ॽनिङ्‌सिन्‍डुङ्‌मे।

कलस्‍सि 1:18

मन्‍डलि चाहिँ खिरिस्‍टमि हिङा ले़ये, खो मन्‍डलिमि निन्‍डवाँ ले़ये। खोनोॽ याक्‍लोमा ले़ये, खोनोॽ चोप खासोक्‍पेॽ एप्‍पा लिरो लुनुङ सिबॽआजिबाङ हिङ्‌बोक्‍पॽआजिबेॽ चोप्‍पाङ खो टुम्‍इये।

१ थेस्‍लोनिकि 1:7

मोडोगे़ॽ हे़निङ माकेडोनिया ठाउँनुङ अखैया ठाउँबेॽ टुखुबा बिस्‍वासिजिमि लागि नुबा नमुना लिसानिङ।

१ थेस्‍लोनिकि 2:16

अक्‍खाजिडे़ॽ कानिङ हाइखा जातिहा याॽमिजि सुसमाचार मे़ङ्‌खेम्‍मेॽटामि। इडोॽ माहाजिडे़ॽ पापसोक्‍पेॽ पाप येडुजि। तर ए़क्‍साङ निवाहाङ्‌मि सुरिक खोजिसोक्‍पेॽ ओप्‌युसा।

१ थेस्‍लोनिकि 2:7

तर पिच्‍छाजि नुरोॽ कुघुबानुङ खाङ्‌घुबा मामाडोॽ कानिङ्‌सो हे़निङ्‌मि रुम्‍बेॽ लिसिङ्‌मा।

१ थेस्‍लोनिकि 5:9

इन्‍ढोङ्‌होङ निवाहाङ्‌डे़ॽ कानिङ्‌सोक्‍पेॽ सुरिक ओप्‍एम्‍मामि लागि ने़ॽनि, तर परभु येसु खिरिस्‍टबाङ मुक्‍ति पिमामि कानिङ से़ङ्‌इटे़।

२ तिमोथि 4:1

निवाहाङ्‌मि पोम्‍बेॽ मोबा सिघे़ॽपॽआजिनुङ हिङ्‌रिकजिमि न्‍याय ले़ःॽसिॽ लेङ्‌खुबा खिरिस्‍ट येसुमि पोम्‍बेॽ मोबा खिरिस्‍ट लेङ्‌इये खानुङ खोमि राज्‍य निवाबेॽ मिॽसाङ के़ॽ हे़न इडोॽ आग्‍या ले़न्‍ने़,

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 10:27

तर मोडोक्‍मा किस्‍सिमारोमा न्‍यायमिनुङ निवाहाङ्‌मि सतुर दन्‍डा पिढाम खेःलोकरेॽ ए़ङ्‌इये।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:21

खोबाङ हे़निङे़ॽ निवाहाङ्‌बेॽ बिस्‍वास ले़टानुम। निवाहाङ्‌डे़ॽ खिरिस्‍ट सिबॽआबाङ हिङ्‌बोक्‍नुङ महिमानुङ्‌मा टोक्‍सु, मोडोगे़ॽ हे़निङ्‌मि बिस्‍वासनुङ आसा निवाहाङ्‌बेॽ युङ्‌इन्‍डानुमे।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।

१ पत्‍रुस 2:21

इन्‍ढोङ्‌होङ इगोमि लागिनोॽ हे़निङ निवाहाङ्‌डे़ॽ से़ङ्‌इटे़। खिरिस्‍टडे़ॽसो हे़निङ्‌मि लागि बेॽलो खेः आक्‍सु, मोबा हे़निङ्‌मि लागि खोसे़ॽ आङ्‌बॽआ खेःनोॽ नमुनामि लागि ले़ये, मोबा हे़निङे़ॽसो खोसे़ॽ राम्‍बॽआ रामबेॽ राम्‍मा खे़ये।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

२ पत्‍रुस 3:12

हे़निङ निवाहाङ लेङ्‌इये याक हुङ्‌माबेॽ इगो याक चान्‍डो लिरो लुनुङ ले़ःॽमा खे़ये योम्‍बोक ले़टानुमे। मो याक नान्‍द्‌रुङ्‌मा, मोबा मोबेॽ टुहा चोप हिॽखे़हानुङ साङ्‌गे, ला चोप कुहाङ रापबेॽ वाइम्‍घे़ये।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

परकास 1:18

हिङ्‌रिक लिघुबा चाहिँ कानोॽ ले़ङे। का सिबॽआ ले़टिङे, तर खाक्‍सानुमे, हागो का सानिङ्‌मि लागि हिङ्‌रिक लिटिङे। मोबा सिमवानुङ पाताल से़क्‍ठाम साँचो कानुङ टुहा।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।