१ थेस्‍लोनिकि 1:1 - याम्फु

¹ निवाहाङ पाबानुङ परभु येसु खिरिस्‍टबेॽ बिस्‍वास ले़ःॽखुबा थेस्‍लोनिकिबेॽ टुहा मन्‍डलिबेॽहा चोप याॽमिजि कानिङ पावल, सिलासनुङ तिमोथि सुम्‍बाङ्‌डे़ॽ इगो पत्‍रा साप्‍मे़ॽनिङ्‌सिन्‍डुङ्‌मे। निवाहाङ्‌डे़ॽ हे़निङ चोप अनुग्‍रहानुङ सान्‍ति पिरो।

१ थेस्‍लोनिकि 1:1 Iomraidhean Croise

एप्‍पा चोङ्‌सा 15:22

मोडोगे़ॽ एप्‍पा चोङ्‌साजिनुङ मन्‍डलिबेॽहा एल्‍डरजिडे़ॽ परभुबेॽ बिस्‍वास ले़ःॽखुबा वावानिसाजिनुङ टोङ्‌नुङ निप्‍पाङ याॽमि से़नुजि। मोबा खोजिडे़ॽ मो निप्‍पाङ याॽमिजि पावलनुङ, बारनाबासनुङ सोरि एन्‍टिओखिया सहरबेॽ पाङ्‌मे निधो ले़टुजि। मो निप्‍पाङ याॽमिजि बारसाबास लुमे यहुदानुङ सिलास ले़टाजे। परभुबेॽ बिस्‍वास ले़ःॽखुबजिबेॽ खोजि निप्‍पाङ चाहिँ अगुवा ले़टाजे।

एप्‍पा चोङ्‌सा 15:27

इगोजिनुङ्‌नोॽ कानिङे़ॽ यहुदानुङ सिलाससो हे़निङ्‌बेॽ पाङ्‌इटुङ्‌मे। कानिङे़ॽ साप्‍पॽआ खा खोजिडे़ॽसो हे़निङ इःबेम्‍मे।

एप्‍पा चोङ्‌सा 15:40

मोबा पावलडे़ॽ चाहिँ खोमि लागि लङ्‌गाम सिलास से़नु। मोबा ए़क्‍साङ खोजि बिस्‍वासि वावानिसाजिडे़ॽ परभुमि अनुग्‍रहाबेॽ युक्‍सुजि मोबाङ खोजि बिदा लिनुङ खडाजि।

एप्‍पा चोङ्‌सा 16:19

तर खोमि मायोङ्‌बाजिमि याङ टोङ्‌मे राम मे़ःखे़ॽपॽआ लेडोक्‍टुजि, मोबा माहाजिडे़ॽ पावलनुङ सिलास राःप्‍नुङ सेॽसाङ मो सहरमि सासकजिबेॽ लाघे़ॽटुजि।

एप्‍पा चोङ्‌सा 16:25

सेन्‍डा पावलनुङ सिलास पारथना ले़ःॽसाङ निवाहाङ्‌मि सेम सेम्‍लुसाङ ओहाङ ले़ःॽमे़ॽनिङ्‌सिडाजि। हाइखा कैदिजिडे़ॽ चाहिँ खेम्‍मे़ॽनिङ्‌सिडामे।

एप्‍पा चोङ्‌सा 16:29

इडोक्‍मा खा खेम्‍नुङ मो एप्‍पा उःप्‍चिरा ङाःक्‍नुङ पिन्‍साङ होङ्‌सिॽयु आबा मोबा खो किस्‍सिमे़ॽ योङ्‌साङ पावलनुङ सिलासमि सराङ्‌बेॽ उःक्‍मानुङ सेवा मुसु।

एप्‍पा चोङ्‌सा 17:11

मो बेरिया लुमे ठाउँबेॽहा याॽमिजि थेस्‍लोनिकि ठाउँबेॽहा याॽमिजिबाङ बेॽलो नुबा ले़टामि। माहाजिडे़ॽ निवाहाङ्‌मि बचन सारोनोॽ नुबा मिॽनुङ नुरोॽ खेप्‍सुजि। पावलडे़ॽ लुबॽआ खा धारमिक नेॽचिराबेॽहा खानुङ टोङ्‌इहाडे टोङ्‌निहा लुनुङ सानिङ्‌नोॽ नेॽनुङ खोजिडे़ॽ जाँच ले़टुजे।

एप्‍पा चोङ्‌सा 18:5

सिलासनुङ तिमोथि माकेडोनिया लुमे ठाउँबाङ मोबेॽ लेस्‍साजि, पावलडे़ॽ चाहिँ सानिङ्‌नोॽ परचारमि योम्‍बोक ले़टु। खोसे़ॽ यहुदिजि “येसुनोॽ पापबाङ छुट्‌कारा पिघुबा हाङ्‌बा खिरिस्‍ट ले़ये” लुमे साक्‍छि पिसुजि।

एप्‍पा चोङ्‌सा 19:22

मोबाङ ए़क्‍साङ खो योम्‍बोक ले़ःॽमाराप्‍खुबा तिमोथिनुङ इरास्‍तस माकेडोनियाबेॽ पाक्‍सुजि। तर खो चाहिँ इक याक नियाक एसियाबेॽनोॽ पेना।

एप्‍पा चोङ्‌सा 20:4

मोडोक्‍पेॽ खोनुङ मन्‍डलिबेॽहा हाइखा बेॽलो वावानिसाजि योम्‍बोक ले़टामे। माहा वावानिसाजिबेॽ बेरिया सहरबेॽ पेङ्‌खुबा सोपात्‍रोस लुमे पुरसमि पसा, थेस्‍लोनिकि सहरबेॽ पेङ्‌खुबा अरिस्‍तारखसनुङ सिकन्‍दस निङ ले़ःॽखुबा, डरबि सहरबेॽ पेङ्‌खुबा गायसनुङ तिमोथि मोबा एसिया ठाउँबाङ लेम्‍बॽआ तुखिकसनुङ तोरफिमस ले़टामे।

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

१ कोरिन्‍थि 1:2

कोरन्‍थिबेॽ टुहा निवाहाङ्‌मि बिस्‍वासिजि इगो पत्‍रा पाङ्‌मे़ॽनिङ्‌सिन्‍जुङे, हे़निङ निवाहाङ्‌मि पबित्‍रा याॽमिजि लिमामि के़ए़टे़। मोबा खोसे़ॽनोॽ चोप ठाउँबेॽ परभु येसु खिरिस्‍टमि पुकारा ले़ःॽखुबाजिडोॽ हे़निङ्‌सो पबित्‍रा टोङ्‌इटे़। खो काजिङ्‌मिनुङ माहाजिमि परभु ले़ये।

२ कोरिन्‍थि 1:1

निवाहाङ्‌डे़ॽ मिॽटिडोक्‍नोॽ खिरिस्‍ट येसुमि एप्‍पा चोङ्‌सा लिबॽआ का पावलनुङ कानिङ्‌मि निसा तिमोथिबाङ, निवाहाङ्‌बेॽ बिस्‍वास ले़ःॽखुबा कोरिन्‍थि सहरबेॽ पेङ्‌घुबा याॽमिजि, मोबा अखैया मुलुकबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिन्‍जुङे।

२ कोरिन्‍थि 1:19

इन्‍ढोङ्‌होङ सिलास, तिमोथिनुङ के़ॽ हे़निङ्‌मि रुम्‍बेॽ परचार ले़ःॽपॽआ निवाहाङ्‌मि पसा येसु खिरिस्‍टमि टुम्‍बेॽ लुबॽआ खा चाहिँ भरोसा ले़ःॽमारोमा ले़ये। खोसे़ॽ लिये लुबॽआ खा इन्‍डोॽहोङ्‌सो लियेनोॽ।

गलाति 1:2

इगोबेॽ कानुङ सोरि टुघुबा चोप वावानिसाजिमिराम्‍बाङ गलातिबेॽहा मन्‍डलिबेॽ टुघुबा चोप याॽमिजि कानिङ्‌मि सेवायो।

गलाति 1:22

मोडोक्‍रो यहुदियाबेॽहा मन्‍डलिबेॽहा वावानिसानुङ नानुसाजि के़ॽ मे़न्‍चुप्‍पॽआ ले़टामे।

एफिसि 1:2

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

फिलिप्‍पि 1:1

फिलिप्‍पि सहरबेॽ टुघुबा पबित्‍रा याॽमिजि, मन्‍डलि रेखदेख ले़ःॽखुबा अगुवाजि, डिकनजिनुङ बिस्‍वासिजिमि लागि काजिङ येसु खिरिस्‍टमि सेउतेजि पावलनुङ तिमोथिडे़ॽ इगो पत्‍रा साप्‍हाङ्‌मे़ॽसिन्‍जुङे।

कलस्‍सि 1:1

निवाहाङ्‌डे़ॽ मिॽपॽआबाङ खिरिस्‍ट येसुमि एप्‍पा चोङ्‌सा लिबॽआ का पावलनुङ कानिङ्‌मि निसा तिमोथिबाङ,

२ थेस्‍लोनिकि 1:1

कानिङ्‌मि निवाहाङ पाबानुङ परभु येसु खिरिस्‍टमि थेस्‍लोनिकिबेॽ टुघुबा मन्‍डलिबेॽहा याॽमिजि कानिङ पावल, सिलासनुङ तिमोथिडे़ॽ इगो पत्‍रा साप्‍मे़ॽनिङ्‌सिन्‍डुङ्‌मे।

१ तिमोथि 1:2

काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

२ तिमोथि 1:2

के़ए़न्‍नोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। कानिङ्‌मि निवाहाङ पाबानुङ परभु येसु खिरिस्‍टडे़ॽ अनुग्‍रहा, किरपानुङ सान्‍ति हे़न पिरो।

हिब्‍रु 13:23

कानिङ्‌मि निसा तिमोथि से़क्‍सिघे़ॽपॽआबाङ लेॽपेबॽआ खा हे़निङ लुनिम्‍ने़। तिमोथि चान्‍डोनोॽ इगोबेॽ लेङ्‌होङ खोसो कानुङ्‌सोरि हे़निङ्‌बेॽ चिॽआप्‍मिनुङे।

१ पत्‍रुस 5:12

बिस्‍वासनुङ्‌मा के़ए़ निसा सिलास इगो ए़डे़म्‍मा पत्‍रा साप्‍मेटुङे। के़ॽ इगो पत्‍रा चाहिँ निवाहाङ्‌मि चाइबमा अनुग्‍रहामि साक्‍छि पिमामिनुङ साहस पिमामि साप्‍मिटुङे। हे़निङ इगो अनुग्‍रहाबेॽ बोलियो लिनुङ पेनानिङे।

१ युहन्‍ना 1:3

कानिङ्‌मि सङ्‌गति चाहिँ निवाहाङ पाबानुङ खोमि पसा येसु खिरिस्‍टनुङ टुये। मोडोगे़ॽ हे़निङ्‌सो कानिङ्‌नुङ सङ्‌गति ले़टानिङे लुनुङ्‌नोॽ कानिङे़ॽ खाङ्‌बॽआनुङ खेम्‍बॽआ मो खा हे़निङ लुमे़ॽनिङ्‌सिन्‍डुङ्‌मे।

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।