१ पत्‍रुस 5:13 - याम्फु

¹³ निवाहाङ्‌डे़ॽ हे़निङ्‌डोक्‍नोॽ से़म्‍बॽआ बेबिलोनबेॽए मेन्‍डलिबेॽहाजिडे़ॽ हे़निङ सेवायो लुटामे। काङ्‌मिन्‍नोॽ पसाडोॽमा मरकुसडे़ॽसो हे़निङ सेवायो लुटे़।

१ पत्‍रुस 5:13 Iomraidhean Croise

एप्‍पा चोङ्‌सा 12:12

इगो खा पत्‍रुसडे़ॽ लेडोक्‍नुङ मरकुस लुमे युहन्‍नामि मामा मरियममि खिमबेॽ खडा। मोबेॽ बेॽलो बिस्‍वासि याॽमिजि सुम्‍नुङ पारथना ले़ःॽमे़ॽनिङ्‌सिडामे।

एप्‍पा चोङ्‌सा 12:25

बारनाबासनुङ सावल खोजिमि योम्‍बोक येॽनुङ यरुसलेमबाङ एन्‍टिओखिया सहरबेॽ टेसाजि। खोजि टेमाबेॽ मरकुस लुमे युहन्‍नासो खडा।

एप्‍पा चोङ्‌सा 15:37

मोबा बारनाबासडे़ॽ मरकुस लुमे युहन्‍नासो सोरि चिॽखे़ॽमा मिॽटु।

एप्‍पा चोङ्‌सा 15:39

मो खाबेॽ पावलनुङ बारनाबासमि रुम्‍बेॽ बेॽलोनोॽ खा लिसा मोबा खोजि फक्‍खडाजि। बारनाबासडे़ॽ चाहिँ मरकुस चिक्‍मानुङ माहोङ्‌मामि राम लिसाङ साइपरस लुमे पोङ्‌बोङ्‌मालाम खडा।

कलस्‍सि 4:10

कानुङ सोरि तिरिङ्‌गा खिमबेॽ से़क्‍सिघे़ॽखुबा अरिस्‍तारखसडे़ॽ हे़निङ सेवायो लुहाङ्‌इटे़। बारनाबासमि येस्‍सबा मरकुसडे़ॽसो सेवा पाङ्‌इटे़। खोमि टुम्‍बेॽ के़ॽ असिॽनोॽ हे़निङ लुबेनिम। खो हे़निङ्‌बेॽ लेङ्‌होङ नुरोॽ सेवा ले़ःॽमेयो।

फिलेमोन 1:24

मोडोक्‍नोॽ कानुङ योम्‍बोक ले़ःॽखुबा मरकुस, अरिस्‍तारखस, डेमास मोबा लुकाडे़ॽसो सेवायो लुटामे।

२ युहन्‍ना 1:1

मन्‍डलिबेॽए एल्‍डरबाङ से़न्‍बॽआ मेॽनामिॽनुङ खोमि पसाजि इगो पत्‍रा साप्‍मे़ॽसिङ्‌सिनुङे, के़ॽ हे़निङ चइबानोॽ नम्‍नम ले़ःॽनिम्‍ने़। के़ॽरेॽनोॽ ने़ॽनि चाइबमा खा लेघुबाजि चोबे़ॽनोॽ नम्‍नम ले़म्‍मे।

२ युहन्‍ना 1:13

निवाहाङ्‌डे़ॽ से़म्‍बॽआ हे़ने़ए़ सम्‍समा निसामि पसाजिडे़ॽसो हे़न सेवा पाङ्‌इटामे।

परकास 17:5

मोमि तुरुवाबेॽ लेमा छॽइये इक्‍को निङ साप्‍पॽआ ले़टा, “बेॽए सहर बेबिलोन, मक्‍खाम्‍डेमबेॽ बेभिचार ले़ःॽखुबाजिमिनुङ चिक्‍चिमिॽमारोहा खामि मामा।”

परकास 18:2

मो वोमानुङ इडोॽ कासा, “बेॽएम्‍मा सहर बेबिलोन नासि लिसा, मो सहर हागो मङे़हा चापजिमि पेन्‍ढाम, चोप असुद्‌ध होङ्‌निवानुङ चोप चिक्‍चिमिॽमारोहा असुद्‌ध सोङाजिमि पेन्‍ढाम हु लिटे़।