१ पत्‍रुस 4:2 - याम्फु

² हागोएम्‍बाङ हे़निङ हिङ्‌रो याॽमिडे़ॽ मिॽटिडोॽ ने़ॽनि, तर निवाहाङ्‌डे़ॽ मिॽपॽआडोॽ हे़निङ्‌मि हिङ्‌मवाबेॽ ले़टानिङे।

१ पत्‍रुस 4:2 Iomraidhean Croise

मत्‍ति 12:50

इन्‍ढोङ्‌होङ असा असाजिडे़ॽ थाङ्‌सिरिॽटुए पाबामि खा खेम्‍नुङ खोमि आग्‍या पालना ले़न्‍डुजे, माहाजिनोॽ काङ्‌मि मामा, निसानुङ नानाजि ले़म्‍मे।”

मत्‍ति 20:4

मोबा खोसे़ॽ माहाजि लुसुजि, ‘हे़निङ्‌सो के़ए़ सोङ्‌राबेॽ योम्‍बोक ले़ःॽसिॽ खडानिङे, हे़निङ्‌मि नमयाक पिनिम्‍ने़। मोबा खोजि योम्‍बोक ले़ःॽसिॽ खडामि।’

मत्‍ति 21:31

हागो इगो निप्‍पाङ पसाजिबेॽ हाम्‍बेसे़ॽ चाहिँ खोम्‍बामि खा खेप्‍सुए ?” माहाजिडे़ॽ लुसुजि, “याक्‍लोए पसाडे़ॽ।” येसुडे़ॽ माहाजि लुसुजि, “चइबानोॽ, के़ॽ हे़निङ लुनिम्‍ने़, मे़क्‍चेन लाघुबाजिनुङ बेस्‍याजि हे़निङ्‌बाङ्‌सो याक्‍लो निवाहाङ्‌मि राज्‍यबेॽ रुॽइम्‍मे।

मत्‍ति 7:21

“का ‘परभु परभु’ लुघुबाजि चोप याॽमिजि थाङ्‌सिरिमि राज्‍यबेॽ पे़खे़ॽहेमिनि। थाङ्‌सिरिॽटु पेङ्‌खुबा के़ए़ पाबाडे़ॽ मिॽपॽआडोॽ योम्‍बोक ले़ःॽखुबाजिरेॽ निवाहाङ्‌मि राज्‍यबेॽ पे़खे़ॽहेम्‍मे।

मरकुस 3:35

इन्‍ढोङ्‌होङ निवाहाङ्‌डे़ॽ लुबॽआडोॽ ले़ःॽखुबाजिनोॽ के़हा मामानुङ निसाजि ले़म्‍मे।”

मरकुस 7:21

इन्‍ढोङ्‌होङ चोप खालहा मङे़हा खा निवा होङ्‌सिॽयुरामनोॽ लेङ्‌इहा मोबा मोसे़ॽ याॽमि मङे़हा योम्‍बोक ले़ःॽमेये, मङे़हा योम्‍बोक लुबॽआ फुङ्‌सया याक्‍लोए बेभिचार, याॽमि सेॽमे,

युहन्‍ना 1:13

माहाजि पाबा मामाबाङ ने़ॽनि, याॽमिडे़ॽ मिॽपॽआडोक्‍सो टोक्‍पॽआ ने़ॽनि, तर निवाहाङ्‌बाङ टोक्‍पॽआजि लिम्‍मे।

युहन्‍ना 7:17

निवाहाङ्‌डे़ॽ नेन्‍जाबॽआ खा पालना ले़ःॽमा योक्‍खुबा याॽमि ले़म्‍मिहोङ, काङ्‌मि सिक्‍छे निवाहाङ्‌बाङ ले़येन्‍डे काबाङ ले़ये लुनुङ लेन्‍डुहा।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 14:7

कानिङ असासो टाङ्‌बामि लागि हिक्‍सिङ्‌मानि, मोबा असासो टाङ्‌बामि लागिनोॽ सिसिङ्‌मानि।

रोमि 6:11

इडोक्‍नोॽ हे़निङ्‌सो टाङ्‌बामि पापमि लागि सिबॽआनुङ निवाहाङ्‌मि लागि खिरिस्‍टनुङ सोरि हिङ्‌बोक्‍पॽआ मिॽमा खे़ये।

रोमि 6:2

आक्‍टोॽ ने़ॽनि, कानिङ पापमि लागि सिघे़टिङ्‌मे, मोडोगे़ॽ हागोसो कानिङे़ॽ इन्‍ढोङ पाप ले़टुङ्‌घे़ॽमे़ ?

रोमि 7:4

मोडोगे़ॽ के़हा वावानिसानुङ नानुसाजि, हे़निङ्‌सो खिरिस्‍टमि हिङानुङ सोरि धारमिक नियममि अधिनबाङ फुक्‍का लिटानिङे। हागोएम्‍बाङ हे़निङ हाइको याॽमि लिटानिङे, अथबा हे़निङ्‌सो सिबॽआबाङ हिङ्‌बोक्‍पॽआ खिरिस्‍टनुङ इक्‍को लिनुङ हिङ्‌बोगानिङे मोबा कानिङ निवाहाङ्‌मि लागि नेन्‍जामारोहा याॽमिजि लिमा।

२ कोरिन्‍थि 5:15

खो चोप याॽमिजिमि लागि सिसा, हागो खोबेॽ बिस्‍वास ले़ःॽखुबा चोप याॽमिजि खोजिमि लागि सिनुङ हिङ्‌बोक्‍खुबामि लागि हिङ्‌मा खे़ये।

एफिसि 2:3

माहाजिडे़ॽ ले़टिडोक्‍नोॽ याक्‍लो कानिङे़ॽसो टाङ्‌बामि हिङानुङ निवाडे़ॽ मिॽपॽआ मङे़ॽमा योम्‍बोक ले़ःॽसाङ हिक्‍सिङ्‌मा। कानिङ्‌मि चोप आनिबानि हाइखा याॽमिजिमिडोक्‍नोॽ ले़ःॽपॽआसे़ॽ निवाहाङ्‌मि सुरिकपेॽ सिॽमारोमा ले़टिङ्‌मा।

एफिसि 4:17

हागो के़ॽ परभुबाङ्‌ए अधिकारबाङ नुरोॽ लुनिम्‍ने़, हे़निङ निवाहाङ्‌बेॽ बिस्‍वास मे़ले़ःॽखुबा याॽमिजिडोॽ ए़ले़टानिङे। खोजिडे़ॽको योम्‍बोक मे़ॽनिङ्‌हा निवा खिन्‍डुजे।

एफिसि 5:17

मोडोगे़ॽ उम्‍बरिङ ए़ॽलिसानिङे, तर परभुडे़ॽ हे़निङे़ॽ इमा ले़ःॽपॽआ नेन्‍जोन्‍डुए मो खा नुरोॽ लेसानुमे।

एफिसि 6:6

हे़निङे़ॽ योम्‍बोक ले़ःॽमाबेॽ हे़निङ्‌मि मायोङ्‌बामि पोम्‍बेॽ खाङ्‌मुमामि लागिरेॽ योम्‍बोक ए़ले़टानुमे, तर खिरिस्‍टमि सेउतेडोॽ लिनुङ निवा होङ्‌सिॽयुबाङ निवाहाङ्‌डे़ॽ नेन्‍जबॽआ योम्‍बोक ले़टानुमे।

कलस्‍सि 1:9

मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।

कलस्‍सि 3:3

इन्‍ढोङ्‌होङ हे़निङ सिघे़टानिङे, हे़निङ्‌मि हिङ्‌मवा निवाहाङ्‌बेॽ खिरिस्‍टनुङ चुम्‌युङ्‌बॽआ ले़हा।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 5:18

दुःख सुख इन्‍डोक्‍पेॽहोङ्‌सो निवाहाङ ओहाङ पिसानुमे, इन्‍ढोङ्‌होङ येसु खिरिस्‍टबेॽ बिस्‍वास ले़ःॽखुबा चोबे़ॽ इडोक्‍नोॽ ले़ःॽपॽआ निवाहाङ्‌डे़ॽ नेन्‍जोन्‍डुए।

हिब्‍रु 13:21

हे़निङ चोप खालहा नुबा खाबेॽ पक्‍का लिमामि सहायात ले़ःॽरो, मोबा निवाहाङ्‌डे़ॽ नेन्‍जोन्‍डुए खा येसु खिरिस्‍टबाङ खोसे़ॽ हे़निङ्‌बेॽ पुरा लिरो। खोमि महिमा युग युगठोक लिरो। आमेन।

याकुब 1:18

खोसे़ॽ टाङ्‌बे़ॽ मिॽपॽआडोॽ चाइबमा बचनबाङ कानिङ सिरिस्‍टि ले़टा। कानिङ खोमि सिरिस्‍टिमि याक्‍लो किङ्‌बॽआ चाडोक्‍नोॽ लिहेसिरो।

१ पत्‍रुस 1:14

लुबॽआ खा नुरोॽ ले़ःॽखुबा पिच्‍छाडोॽ लिबॽआसे़ॽ बिस्‍वास ले़ःॽमा याक्‍लो ले़ःॽपॽआ मङे़हा खाबेॽ हे़निङ हागो ए़राप्‍सानिङे।

१ पत्‍रुस 2:1

मोडोगे़ॽ चोप खालहा दुस्‍ट खाबाङ, चोप रेम्‍सिङ, कप्‍टि, चेजेवानुङ याॽमि सिःक्‍चामे खाबाङ ओः पेनानिङे।

१ युहन्‍ना 2:17

मक्‍खाम्‍डेमनुङ मोबेॽहा चोप थोकमि नोङ्‌सिमा नासि लिघे़हा, तर निवाहाङ्‌डे़ॽ मिॽपॽआ खा पुरा ले़ःॽखुबा चाहिँ सानिङ्‌मि लागि हिङ्‌इये।