१ पत्‍रुस 4:14 - याम्फु

¹⁴ खिरिस्‍टबेॽ बिस्‍वास ले़ःॽमाबेॽ बेजेत लिहोङ टाङ्‌बा ओहाकमा मिडानुमे, इन्‍ढोङ्‌होङ निवाहाङ्‌मि महिमानुङ्‌मा होङ्‌निवा हे़निङ्‌बेॽ टुये।

१ पत्‍रुस 4:14 Iomraidhean Croise

मत्‍ति 5:11

“हे़निङ याॽमिजिडे़ॽ सिःक्‍चामिहोङ, चुङ्‌जामिहोङ, हे़निङ मे़ःॽनोॽहा आप्‍टिक टिमिहोङ साप्‍थक्‍सानिङे।

मत्‍ति 5:16

इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

लुका 6:22

“का याॽमिमि पसाबेॽ बिस्‍वास ले़ःॽपॽआसे़ॽ याॽमिजिडे़ॽ हे़निङ हेला ले़ःॽमिहोङ, खिम्‍डेमबाङ यिक्‍मिहोङ, सिःक्‍चामिहोङ, हे़निङ्‌मि बदनाम ले़ःॽमिहोङ हे़निङे़ॽ आसिस चुप्‍मिन्‍डानुमे।

युहन्‍ना 15:21

इडोॽ खोजिडे़ॽ हे़निङ के़ॽ ले़ःॽमे़ चुङ्‌जाम्‍मे, इन्‍ढोङ्‌होङ खोजिडे़ॽ का पाङ्‌घुबा लेसुजिने।

युहन्‍ना 8:48

यहुदिजिडे़ॽ येसु लुसुजि, “कानिङ्‌मि खा चाइबमा ले़ये, हे़न सामरि ले़ये, हे़न मङे़ॽमा चाबे़ॽ राःप्‍मिटे़।”

युहन्‍ना 9:28

इगो खा खेम्‍नुङ फरिसिजिडे़ॽ खो योप्‍साङ लुसुजि, “हे़नगोरे मोमि चोङ्‌सा लिटे़, तर कानिङ्‌गो मोसामि चोङ्‌साजि ले़न्‍डिङ्‌मा।

युहन्‍ना 9:34

मोबा माहा फरिसिजिडे़ॽ खो लुसुजि, “हे़न पापबेॽ टोॽइटे़नुङ पापबेॽनोॽ वाबुक्‍पॽआ याॽमिडे़ॽ कानिङ खा इःॽमा योॽइये ?” लुसाङ माहाजिडे़ॽ खो पाखे़ॽयु यिॽहाक्‍सुजि।

एप्‍पा चोङ्‌सा 13:45

तर यहुदि एप्‍पाजिडे़ॽ मोढे़ःॽलो याॽमिजि सुम्‍बॽआ खाङ्‌नुङ चेजेवा ले़ःॽसाङ पावलडे़ॽ लुबॽआ खामि बिरोध ले़ःॽसाङ पावल वोबुजि।

एप्‍पा चोङ्‌सा 18:6

तर माहाजिडे़ॽ पावल बिरोध ले़ःॽनुङ खो योबुजि। पावलडे़ॽ खोजिमि बिरोधबेॽ खोमि चेॽपेॽहा धुलो फाप्‍साङ माहाजि इडोॽ लुसुजि, “हे़निङ्‌मि पापमि आप्‍टिक हे़निङ सोक्‍पेॽनोॽ सिॽरो। मोमि आप्‍टिक कासोक्‍पेॽ सिॽनिबा। हागोएम्‍बाङ का अयहुदिहा याॽमिजिबेॽ खे़ए़ङे।”

एप्‍पा चोङ्‌सा 28:22

तर कानिङ हे़ने़हा निवाबेॽहा खा खेम्‍मा मिङ्‌इन्‍डिङ्‌मे इन्‍ढोङ्‌होङ हे़ने़हा याॽमिजिमि बिरोधबेॽ लिबॽआ खा हाम्‍बेॽको हाम्‍बेॽ कानिङे़ॽ खेम्‍इटुङ्‌मे।”

एप्‍पा चोङ्‌सा 5:41

मोबा एप्‍पा चोङ्‌साजि न्‍यायधिसजिमि सभाबाङ ओम्‍फिॽयु खडामि। मोबा खोजि इडोॽ कासामि, “येसुमि निङ्‌बेॽ खेः आङ्‌मारोमा लिटिङ्‌मे़ कासाङ” बेॽलो साप्‍थाक्‍सामि।

२ कोरिन्‍थि 12:10

मोडोगे़ॽ खिरिस्‍टमि लागि का कमजोर ले़ःॽमाबेॽ, हेलाबेॽ सिॽमाबेॽ, अप्‍ठ्‌यारोबेॽ सिॽमाबेॽ, चुङ्‌जामाबेॽ मोबा दुःख आङ्‌मा सिॽमाबेॽ साप्‍थाङ्‌इङे, इन्‍ढोङ्‌होङ का कमजोर लिमाबेॽ छना बेॽलो परभुमि बोलनुङ्‌मा लिङे।

२ कोरिन्‍थि 4:10

येसुमिडोॽमा हिङ्‌मवा कानिङ्‌बेॽ खाङ्‌मुरो लुनुङ खोसे़ॽ आङ्‌बॽआडोॽमा खेः सानिङ कानिङ्‌मि हिङ्‌मवाबेॽ आङ्‌इन्‍डुङ्‌मे।

२ कोरिन्‍थि 4:16

मोडोगे़ॽ कानिङ हरेस चासिङ्‌मानि। कानिङ्‌मि हिङा नासि लिघे़ॽहोङ्‌सो कानिङ्‌मि होङ्‌निवा चाहिँ सानिङ चोङ चोङ लिमे़ॽनिङ्‌सिये।

गलाति 1:24

खोजिडे़ॽ काङ्‌मि टुम्‍बेॽ खा खेम्‍नुङ निवाहाङ ओहाङ पिसुजि।

हिब्‍रु 11:26

मिस्‍रा देसबेॽहा याङ्‌सरावाबाङ नुबा खा चाहिँ खिरिस्‍टमि लागि सिॽचामा खेः आङ्‌मानोॽ नुबा मिॽटु। इन्‍ढोङ्‌होङ मोसाडे़ॽ खोमि निवा ए़क्‍साङ चुप्‍मे इनामबेॽ टिबॽआ ले़टे़।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

याकुब 5:11

खाक्‍सानुमे, हुङ्‌जाहेघुबाजि ओहाक लुन्‍डुङ्‌मे। हे़निङे़ॽ अय्‍युबडे़ॽ ले़ःॽपॽआ हुङ्‌जाहेमे खामि टुम्‍बेॽ खेम्‍इटानुमे, मोबा परभुडे़ॽ खो आसिस पिबॽआ खासो लेन्‍डानुमे। परभु नम्‍नावानुङ्‌मा ले़ये।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 3:14

तर नुबा योम्‍बोक ले़ःॽमाबेॽसो दुःख आङ्‌मासिॽहोङ, हे़निङ आसिसित ले़न्‍डानिङे। हे़निङ असानुङ्‌सो ए़क्‍किसिडानिङे, मोबा सुरता ए़ले़टानिङे।

१ पत्‍रुस 3:16

तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।

१ पत्‍रुस 4:16

तर खिरिस्‍टियान लिबॽआसे़ॽ दुःख आङ्‌मासिॽहोङ ए़ङेसिडानिङे। तर खिरिस्‍टमि लिडोक्‍पॽआसे़ॽ निवाहाङ ओहाक पिसानुमे।

२ पत्‍रुस 2:2

माहाजिडे़ॽ ले़ःॽपॽआ चिक्‍चिमिॽमारोहा मङे़हा योम्‍बोक हाइखा बेॽलो याॽमिजिडे़ॽसो ले़न्‍डुजे, मोबा माहाजिमि योम्‍बोकडे़ॽ ले़ःॽमे़ॽ याॽमिजिडे़ॽ चाइबमा मराममि बिरोध ले़न्‍डुजे।