१ पत्‍रुस 4:11 - याम्फु

¹¹ यामुमे बरदान चुप्‍खुबे़ॽ निवाहाङ्‌मि बचन यामुसुजिरो, सेवा ले़ःॽखुबे़ॽ निवाहाङ्‌मि सक्‍तिबाङ सेवा ले़टुरो। मोडोक्‍नोॽ येसु खिरिस्‍टबेॽ चोप खाबाङ निवाहाङ्‌मिन्‍नोॽ महिमा लिरो। सानिङ खोमिन्‍नोॽ चोप्‍पाङबेॽए आदरनुङ माहिमा लिरो। आमेन।

१ पत्‍रुस 4:11 Iomraidhean Croise

मत्‍ति 6:13

कानिङ पापि योम्‍बोकपेॽ ए़सिॽमेॽमा, तर दुस्‍टबाङ जोगा ले़ःॽमा। [इन्‍ढोङ्‌होङ राज्‍य, बोलनुङ महिमा सानिङ्‌नोॽ हे़ने़ए़न्‍नोॽ ले़ये] आमेन।’

युहन्‍ना 13:31

यहुदा पाखे़ॽयु खेप्‍पेनुङ ए़क्‍साङ येसुडे़ॽ लुसु, “हागो याॽमिमि पसा महिमित लिनुङ, खोबेॽ निवाहाङ महिमित लिटे़।

एप्‍पा चोङ्‌सा 7:38

मोसा इस्‍राएलिजि रे़क्‍रे़क्‍मा ठाउँबेॽ सुम्‍माबेॽ माहाजिनुङ टुसे़। खोनुङ सिनै लुमे सुम्‍लाखाबेॽ यामुखुबा थाङ्‌सिरिदुत टुसेनुङ मो थाङ्‌सिरिदुत कानिङ्‌मि टुबालाबाजिनुङ यामुबॽआ ले़टे़। मो मोसाबाङ्‌नोॽ कानिङ हिङ्‌रिक बचन पिबॽआ ले़टे़।

रोमि 11:36

इन्‍ढोङ्‌होङ चोप थोकको खोसे़ॽनोॽ टोङ्‌बॽआ ले़हा। माहा चोप थोक खोबाङ, खोमि लागिनोॽ ले़ये। खोमिनोॽ सानिङ ओहाङ लिडुङ्‌घे़ॽरो! आमेन।

रोमि 12:3

निवाहाङ्‌डे़ॽ का ले़ःॽपॽआ अनुग्‍रहाबाङ के़ॽ हे़निङ लुनिम्‍ने़, हे़निङे़ॽ टाङ्‌बा इन्‍डोक्‍मा मिॽमा खे़ये, मोबाङ बेॽए ए़ॽमिडानुमे, तर निवाहाङबेॽ बिस्‍वास ले़ःॽखुबाजि पिबॽआ बरदान इन्‍डोक बेॽलो टुये मोडोक्‍रेॽ मिडानुमे।

रोमि 16:27

इक्‍कोमानुङ चोप्‍पाङ बेॽए निवादाङ्‌बा निवाहाङ्‌मि ओहाङ येसु खिरिस्‍टबाङ सानिङ्‌मु लिरो! आमेन।

रोमि 3:2

बेॽलो खामि लागि इघा खा नुबा ले़हा। चोपबाङ याक्‍लो निवाहाङ्‌डे़ॽ यहुदिजि खोमि पबित्‍रा बचन पिसुजि।

१ कोरिन्‍थि 10:31

मोडोगे़ॽ हे़निङे़ॽ चामाबेॽसो, उङ्‌माबेॽसो अथबा इमाङ ले़ःॽमाबेॽसो माहा चोपनोॽ निवाहाङ्‌मिनोॽ महिमामि लागि ले़टानुमे।

१ कोरिन्‍थि 12:4

पबित्‍रा होङ्‌निवामि बरदान बेॽलो खालहा टुहा। तर बरदान पिघुबा पबित्‍रा होङ्‌निवा इक्‍कोरेॽनोॽ टुये।

१ कोरिन्‍थि 3:10

निवाहाङ्‌डे़ॽ का पिबॽआ अनुग्‍रहाडे़ॽ ले़ःॽमे़ॽ सिपालु करमिडे़ॽ गारो सोक्‍टिडोॽ के़ॽ खिममि जग एन्‍डुङ। मोबा हाइखाजिडे़ॽ मो जगसोक्‍पेॽ गारो सोक्‍खे़न्‍डुजे, तर माहा खिम आङ्‌खुबाजिडे़ॽ इन्‍डोॽ आङ्‌घे़ॽमा खे़ये लुमे खाबेॽ नुरोॽ निवा टिमा खे़ये।

१ कोरिन्‍थि 6:20

हे़निङ निवाहाङ्‌डे़ॽ मोल फोङ्‌नुङ इम्‍बॽआ ले़ये। मोडोगे़ॽ हे़निङे़ॽ टाङ्‌बामि हिङाडे़ॽ निवाहाङ्‌मि महिमा ले़टानुमे।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

२ कोरिन्‍थि 9:13

इडोक्‍हा योम्‍बोकबाङ हे़निङ इन्‍डोक्‍हा याॽमिजि ले़न्‍डानिङे लुनुङ खाङ्‌मुये। खिरिस्‍टमि सुसमाचारमि लागि हे़निङे़ॽ भक्‍तिनुङ नुबा निवाडे़ॽ हाइखाजिमि लागि पिबॽआ खाङ्‌नुङ याॽमिजिडे़ॽ निवाहाङ ओहाङ ले़न्‍डुजे।

एफिसि 1:19

मोबा हे़निङ खिरिस्‍टबेॽ बिस्‍वास ले़ःॽखुबाजिडे़ॽ खोमि महान सक्‍ति इन्‍डोक बेॽए ले़ये लुमे खा लेहेसानुमे लुनुङ पारथना ले़नुङे।

एफिसि 4:29

हे़निङ्‌मि याबुकबाङ मङे़हा खा यामुमा लेडानुमे बोरु नुबानुङ भलाइ लिये खारेॽ यामुसानिङे, मो खा खेम्‍खुबाजिडे़ॽ आसिस चुप्‍टुजिरो।

एफिसि 5:20

सानिङ्‌नोॽ चोप खामि लागि कानिङ्‌मि परभु येसुमि निङ्‌बेॽ निवाहाङ पाबा ओहाक पिसानुमे।

एफिसि 6:10

हागो काङ्‌मि ए़क्‍साङ्‌ए खा लुनिम्‍ने़, खोमि बेॽए सक्‍तिडे़ॽ बोलियो लिसानिङे।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

फिलिप्‍पि 2:11

मोबा चोबे़ॽ निवाहाङ पाबानोॽ ओहाङ पिमामि लागि येसु खिरिस्‍टनोॽ परभु ले़ये लुनुङ स्‍विकार ले़ःॽमा खे़ये।

कलस्‍सि 4:6

युमडे़ॽ चामा खेङ चानुये टोङ्‌डिडोॽ हे़निङे़ॽसो सानिङ नम्‍नावानुङ्‌हा बोलि बचन ले़ःॽमे। हे़निङ चोप याॽमिजिनुङ चनुहा यामुसानुमे।

१ थेस्‍लोनिकि 2:4

निवाहाङ्‌डे़ॽ कानिङ बिस्‍वास ले़ःॽनुङ सुसमाचार खेम्‍मेॽमे योम्‍बोक पिसा। मोडोगे़ॽ कानिङे़ॽ याॽमिजि ने़ॽनि कानिङ्‌मि निवा नुरोॽ लेघुबा निवाहाङ साप्‍थाङ्‌मेॽमामि लागि यामुसिङ्‌मा।

१ तिमोथि 1:17

हागो सानिङ्‌ए हाङ्‌बा सानिङ हिङ्‌इयेनुङ सानिङ खाङ्‌डोक्‍खुबा इक्‍कोरेॽ निवाहाङ्‌मि सानिङ्‌नोॽ आदरनुङ सम्‍मान लिरो, आमेन।

१ तिमोथि 6:16

निवाहाङ्‌रेॽ इन्‍डोक्‍पेॽसो सिघे़ॽनिबा, खो जोतिबेॽ पेङ्‌इयेनुङ मोमि के़क्‍पेॽ असासो खे़ॽहेनिबा। खो असे़ॽसो मे़ङ्‌खाङ्‌डिटुजे, खो असे़ॽसो खाङ्‌हेसुजिनेनुङ सानिङ्‌मि लागि खो आदरनुङ मान लिरो। आमेन।

तितस 2:1

तर हे़ने़ॽ चाहिँ टाङ्‌बे़ॽ चिम्‍बॽआ चाइबमा खारेॽ इःॽमे।

तितस 2:15

हे़ने़ॽ इघा खा पुरा अधिकारनुङ अरति पिमाहाजिनुङ योप्‍माहाजि, इघा खा इःॽमाबेॽ असे़ॽसो हे़न हेला मे़ले़ःॽहेमिरो।

हिब्‍रु 13:7

याक्‍लो हे़निङ निवाहाङ्‌मि बचन इःॽखुबा अगुवाजि मिडानुमे। बिस्‍वासबेॽ हिङ्‌मानुङ खोजिडे़ॽ ले़ःॽपॽआ नुबा खा मिडानुमे, मोबा खोजिडे़ॽ इन्‍डोक इगो मक्‍खाम्‍डेम याःॽयासुजे। हे़निङे़ॽसो मोडोक्‍नोॽ ले़टानुमे।

हिब्‍रु 5:12

आयुरोगो हे़निङ हाइखा याॽमिजि इःॽखुबाजि लिसेॽमा खडानिङे, तर आयुरोसो हे़निङ निवाहाङ्‌मि सिक्‍छे पिच्‍छाजि इःॽपॽआडोॽ इःॽमा खे़न्‍डानिङ। हागोसो हे़निङ चामा ने़ॽनि डुडु उङ्‌घुबा ओङे़कडोॽ ले़न्‍डानिङे।

याकुब 1:19

के़हा वावानिसानुङ नानुसाजि, इघा खा हे़निङ्‌मि निवाबेॽ नुरोॽ युक्‍सानुमे। हे़निङ खेम्‍माबेॽ चङ्‌खो, नुरोॽ मिॽनुङ यामुमा खे़ये मोबा टाःम सुरके़ॽमा खे़ये।

याकुब 1:26

टाङ्‌बा धरमि ले़ङे लुनुङ मिॽखुबे़ॽ खोमि रेम अधिनबेॽ मे़युक्‍सुहोङ, खोसे़ॽ टाङ्‌बानोॽ धोका पिन्‍डुए मोबा खोमि धरमि योम्‍बोक इनामा लिये।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 2:5

हे़निङ्‌सो हिङ्‌रिक रुङ्‌गोॽवाडोॽ लिनुङ खडानिङे मोबा निवाहाङ्‌मि मन्‍दिर लिमामि लागि टाङ्‌बा चेॽटिबेसानुमे। मोबेॽ हे़निङे़ॽ येसु खिरिस्‍टमि राम्‍बाङ निवाहाङ्‌डे़ॽ नेन्‍जामारोमा आत्‍मिक बलि चेॽटिखुबा पबित्‍रा याडाङ्‌बामि योम्‍बोक ले़न्‍डानुमे।

१ पत्‍रुस 4:10

निवाहाङ्‌मि अनुग्‍रहाबाङ चोपजिडे़ॽ खाल खालहा बरदान चुप्‍पॽआ ले़ये। टाङ्‌बे़ॽ चुप्‍पॽआ माहा बरदान हाइखाजिमि भलाइमि योम्‍बोकपेॽ टिसानुमे।

१ पत्‍रुस 4:16

तर खिरिस्‍टियान लिबॽआसे़ॽ दुःख आङ्‌मासिॽहोङ ए़ङेसिडानिङे। तर खिरिस्‍टमि लिडोक्‍पॽआसे़ॽ निवाहाङ ओहाक पिसानुमे।

१ पत्‍रुस 5:11

चोप सक्‍ति सानिङ खोमिन्‍नोॽ लिरो। आमेन

यहुदा 1:25

खोनोॽ इक्‍कोमा निवाहाङ, कानिङ्‌मि मुक्‍तिदाङ्‌बा येसु खिरिस्‍ट कानिङ्‌मि परभु ले़ये। खोबेॽ आदर, महिमा, सक्‍ति, अधिकार याक्‍लोएबाङ आयुठोकनुङ सानिङ टुडुङ्‌घे़ॽरो। आमेन।