१ पत्‍रुस 4:10 - याम्फु

¹⁰ निवाहाङ्‌मि अनुग्‍रहाबाङ चोपजिडे़ॽ खाल खालहा बरदान चुप्‍पॽआ ले़ये। टाङ्‌बे़ॽ चुप्‍पॽआ माहा बरदान हाइखाजिमि भलाइमि योम्‍बोकपेॽ टिसानुमे।

१ पत्‍रुस 4:10 Iomraidhean Croise

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

मत्‍ति 24:14

मोबा राज्‍यमि इगो सुसमाचार मक्‍खाम्‍डेमबेॽहा चोप जातिजिमि लागि साक्‍छि लिरो लुनुङ परचार लिये, मोबा ए़क्‍साङ मक्‍खाम्‍डेम नास लिमे याक लेङ्‌इये।

मत्‍ति 24:21

इन्‍ढोङ्‌होङ मोडोक्‍पेॽ लेङ्‌इये बेॽए खेःगो, आयुरो इगो मक्‍खाम्‍डेमबेॽ मे़लिडिॽ, फेरि ए़क्‍साङ इन्‍डोक्‍पेॽसो लिनिबा।

मत्‍ति 24:45

“बिस्‍वासनुङ्‌मानुङ चेन्‍दुबा सेउते लुबॽआ चाहिँ असाडे ? मो सेउते खोमि मायोङ्‌बाडे़ॽ टाङ्‌बामि खिमबेॽहा याॽमिजि ठिक बेलाबेॽ चामा पिसुरो लुनुङ युङ्‌इटुए।

मत्‍ति 25:17

मोडोक्‍नोॽ निच्‍चि मुन्‍डा चुप्‍खुबे़ॽसो हाइखा निच्‍चि मुन्‍डा टोक्‍सु।

मत्‍ति 25:44

“मोबा खोजिडे़ॽसो इडोॽ लुसाङ सिम्‍इन्‍डुजे, ‘परभु, इन्‍डोक्‍पेॽ कानिङे़ॽ हे़न सगे़ॽ सिबॽआ, वाइॽमे़ॽ सिबॽआनुङ परदेसि लिबॽआ, उक्‍चुङ्‌रे़क ले़ःॽपॽआ, तिरिङ्‌गा खिमबेॽ से़क्‍सिघे़ॽपॽआ खाङ्‌नुङ्‌सो हे़न ले़ख्‍खो मे़ले़टुङ्‌मे़ ?’

मरकुस 10:45

इन्‍ढोङ्‌होङ याॽमिमि पसा हाइखाजिबाङ सेवा चुप्‍सिॽ ने़ॽनि, तर हाइखाजि सेवा ले़ःॽसिॽनुङ टाङ्‌बामि सोःक्‍मा पिनुङ बेॽलो याॽमिजि पापबाङ छुट्‌कारा पिमामि लागि लेङ्‌इटे़।”

लुका 12:42

परभुडे़ॽ लुसु, “निवादाङ्‌बानुङ भरोसानुङ्‌मा भन्‍डारे चाहिँ इन्‍डोक्‍मा याॽमिडे लिये ? मायोङ्‌बाडे़ॽ खोमि खिमबेॽहा चोप योम्‍बोकमि जिम्‍मा पियेम्‍बाङ निवादाङ्‌बानुङ भरोसानुङ्‌मा भन्‍डारेडे़ॽ चाहिँ हाइखा योम्‍बोक ले़ःॽखुबाजि माक्‍मि, लेन्‍डानुङ युडा नुरोॽ चामा उङ्‌मामि टुङ्‌गो ले़ःॽपेन्‍डुजे।

लुका 19:13

खो खे़ॽमा याक्‍लो खोमि इक्‍पोङ जना सेउतेजि के़डुजि। मोबाङ इक्‍को इक्‍को सुनामि मुन्‍डा पिसाङ इडोॽ लुसुजि, ‘का टेजामाबेॽ इगो मुन्‍डाबाङ ब्यापार ले़ॽनुङ हाइखा बेॽलो याङ टोङ्‌युक्‍सानुमो।’

लुका 8:3

हेरोद हाङ्‌बामि भन्‍डारे खुजासमि बनिमा योअन्‍ना, सुसन्‍नानुङ हाइखाजिसो बेॽलो मेॽनामिॽचि टुसामे, माहाजिडे़ॽ येसुनुङ खोमि चोङ्‌साजि याङ्‌सरावा पिनुङ सहायता ले़टुजे।

रोमि 15:25

तर का याक्‍लो यरुसलेमबेॽहा खिरिस्‍टमि पबित्‍रा याॽमिजि सहायता ले़ःॽसिॽ खे़ॽमे़ॽनिङ्‌सिङे।

रोमि 15:27

इघा भेटि खोजिडे़ॽ साप्‍थाङ्‌मानुङ सुम्‍इटुजे, चइबानोॽ लुमाहोङ माहा पिघुबा बिस्‍वासिजिडे़ॽ इघा यरुसलेमबेॽहा पबित्‍रा याॽमिजि पिमासो खे़ये, इन्‍ढोङ्‌होङ माहाजिबाङ लेम्‍बॽआ होङ्‌निवाबाङ पिबॽआ आसिस इघा अयहुदिजिडे़ॽ चुप्‍इटुजे। इडोक्‍नोॽ हाइखा याॽमिजिडे़ॽसो खाँचोबेॽ सिॽपॽआजि सहायता पिमा खे़म्‍मे।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 3:10

निवाहाङ्‌डे़ॽ का पिबॽआ अनुग्‍रहाडे़ॽ ले़ःॽमे़ॽ सिपालु करमिडे़ॽ गारो सोक्‍टिडोॽ के़ॽ खिममि जग एन्‍डुङ। मोबा हाइखाजिडे़ॽ मो जगसोक्‍पेॽ गारो सोक्‍खे़न्‍डुजे, तर माहा खिम आङ्‌खुबाजिडे़ॽ इन्‍डोॽ आङ्‌घे़ॽमा खे़ये लुमे खाबेॽ नुरोॽ निवा टिमा खे़ये।

१ कोरिन्‍थि 4:7

असे़ॽ हे़निङ हाइखा याॽमिजिबाङ्‌सो बेॽए टोक्‍से़ ? इमा हे़निङ्‌नुङ टुहा चोप खा निवाहाङ्‌डे़ॽनोॽ हे़निङ पिबॽआ ने़ॽने ? मोडोक्‍होङ इन्‍ढोङ माहा चोप हे़निङ टाङ्‌बे़ॽ चे़ःॽपॽआडोॽ काङायोङ्‌बा रे़ङ्‌इन्‍डानिङे ?

२ कोरिन्‍थि 6:1

कानिङ निवाहाङ्‌नुङ सोरि योम्‍बोक ले़ःॽखुबाजि लिबॽआसे़ॽ हे़निङ बिन्‍ति ले़निम्‍ने़, हे़निङे़ॽ निवाहाङ्‌बाङ चुप्‍पॽआ अनुग्‍रहा खेरो ए़क्‍खे़ॽमेॽटानुमे।

२ कोरिन्‍थि 9:1

यहुदिया मुलुकबेॽ टुघुबा खिरिस्‍टमि पबित्‍रा याॽमिजि पिबॽआ भेटिमि टुम्‍बेॽ के़ॽ इगोबेॽ हे़निङ साप्‍मा पाप्‍निबा।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

एफिसि 4:11

खोसे़ॽ इन्‍डोक जना याॽमिजि खोमि एप्‍पा चोङ्‌साजि, अगमबक्‍ताजि, सुसमाचार खेम्‍मेॽखुबाजि, मन्‍डलि खाङ्‌खुबा अगुवाजि मोबा सिक्‍छे इःॽखुबाजि इडोॽ खाल खालहा बरदान पिसुजि।

२ तिमोथि 1:18

खिरिस्‍ट लेम्‍माबेॽ परभुडे़ॽ खो किरपा ले़ःॽरो। हे़ने़ॽ इगो खा नुरोक्‍नोॽ लेन्‍डुए, का एफिससबेॽ टुमाबेॽ खोसे़ॽ का बेॽलो सहायोग ले़टा।

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

१ पत्‍रुस 5:12

बिस्‍वासनुङ्‌मा के़ए़ निसा सिलास इगो ए़डे़म्‍मा पत्‍रा साप्‍मेटुङे। के़ॽ इगो पत्‍रा चाहिँ निवाहाङ्‌मि चाइबमा अनुग्‍रहामि साक्‍छि पिमामिनुङ साहस पिमामि साप्‍मिटुङे। हे़निङ इगो अनुग्‍रहाबेॽ बोलियो लिनुङ पेनानिङे।