१ पत्‍रुस 3:7 - याम्फु

⁷ बनिबाजि, हे़निङे़ॽसो टाङ्‌बामि बनिमाजि हे़निङबाङ कमजोर ले़म्‍मे लुमे खा निवाबेॽ नुरोॽ युक्‍सानुमे। हे़निङे़ॽसो खोजि आदर ले़ःॽमा खे़म्‍मे, इन्‍ढोङ्‌होङ खोजिडे़ॽसो हे़निङ्‌नुङ सोरि हिङ्‌मवामि अनुग्‍रहा चुप्‍मिटुजे। इडोॽ हे़निङ्‌मि पारथनाबेॽ इमा बाधा मे़लेङ्‌रो लुनुङ बनिबानुङ बनिमा निप्‍पाङ नुरोॽ टोङ्‌जामा खे़ये।

१ पत्‍रुस 3:7 Iomraidhean Croise

मत्‍ति 18:19

मोबा के़ॽ हे़निङ लुनिम्‍ने़, माक्‍खामडेमबेॽ निप्‍पाङे़ॽ इक्‍को निवा टोङ्‌नुङ इमाङ थोक ङाःगानुमहोङ्‌सो, मो थोक थाङ्‌सिरिबेॽ पेङ्‌घुबा के़ए़ पाबाडे़ॽ हे़निङ पिये,

१ कोरिन्‍थि 7:3

वडाङ्‌पसे़ॽ ले़ःॽमे योम्‍बोक येॽपेसुरो, मेॽनामिॽडे़ॽसो ताङ्‌बामि योम्‍बोक पुरा ले़टुरो, इडोॽ निप्‍पाङेॽनोॽ खोजि टाङ्‌बा पाप्‍मिहा पिघुसे़ॽचुमिरो।

एफिसि 3:6

मो लेमा छॽइये खा लुबॽआ चाहिँ इगो ले़ये, सुसमाचारबाङ्‌नोॽ अयहुदि जातिजिडे़ॽसो यहुदिजिडे़ॽ चुप्‍पॽआ आसिसमि अधिकार चुप्‍मिन्‍डुजे, मोबा अयहुदि जातिहा याॽमिजिसो इक्‍को हिङामि अङ्‌ग लिम्‍मे, मोबा खिरिस्‍ट येसुबाङ निवाहाङ पाबाडे़ॽ हे़म्‍बॽआ हे़न्‍ज्‍रुङ्‌मि हकदारसो लिम्‍मे।

एफिसि 4:30

निवाहाङ्‌मि पबित्‍रा होङ्‌निवा दुःखि ए़टोक्‍सानुमे, इन्‍ढोङ्‌होङ पबित्‍रा होङ्‌निवानोॽ हे़निङ इक्‍याक निवाहाङ्‌डे़ॽ छुट्‌कारा ले़ये लुनुङ पिबॽआ चिङ्‌ग ले़ये।

एफिसि 5:33

इगो नियम हे़निङे़ॽसो पालना ले़ःॽमा खे़ये। मोडोगे़ॽ चोप बनिबाजिडे़ॽ आम्‍निमि बनिमाजि टाङ्‌बामि हिङाडोक्‍नोॽ नम्‍नम ले़ःॽमा खे़ये, मोबा चोप बनिमाजिडे़ॽसो आम्‍निमि बनिबाजि आदर ले़ःॽमा खे़ये।

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

कलस्‍सि 3:19

बनिबाजिओ, टाङ्‌बामि बनिमाजि नम्‍नम ले़टानुमेनुङ खोजिनुङ नम्‍नम मे़ॽनिङ्‌हा बेभार ए़ले़टानुमे।

१ थेस्‍लोनिकि 4:4

पबित्‍रा, आदरनुङ टाङ्‌बामि हिङा अधिनबेॽ युङ्‌मे खा हे़निङ चोबे़ॽ लेमा खे़ये।

तितस 3:7

मोबा खोमि अनुग्‍रहाडे़ॽ कानिङ निवाहाङ्‌मि पोम्‍बेॽ धरमि लिहेसिङ्‌मा। मोबा कानिङे़ॽ आसा ले़ःॽपॽआ ए़ॽसिघे़ॽमे हिङ्‌मवा चुप्‍हेघुबाजिसो लिहेसिङ्‌मा।

हिब्‍रु 1:14

तर माहा थाङ्‌सिरिदुतजिगो निवाहाङ्‌डे़ॽ मुक्‍ति पिबॽआ याॽमिजिमि सेवा ले़ःॽसिॽ पाङ्‌बॽआ होङ्‌निवाजिरेॽ ले़म्‍मे।

१ पत्‍रुस 3:1

बनिमाजि, हे़निङ्‌मि बनिबाजिमि अधिनबेॽ पेम्‍मा खे़ये। मोडोॽ ले़ःॽमाहोङ निवाहाङ्‌बेॽ बिस्‍वास मे़ले़ःॽखुबा बनिबाडे़ॽ हे़निङ्‌मि चाल चलन खाङ्‌नुङ्‌सो बिस्‍वास ले़न्‍डुए। हे़निङे़ॽ लुमा पाप्‍निबा खोजिटाङ्‌बे़ॽ खोजिमि निवा फेङ्‌इन्‍डुजे।