१ पत्‍रुस 3:5 - याम्फु

⁵ इन्‍ढोङ्‌होङ निवाहाङ्‌बेॽ आसा युङ्‌खुबा याक्‍लोहा मेॽनामिॽचि इडोॽ निवाहोङ्‌सिॽयु चागामेनुङ, टाङ्‌बामि बनिबामि अधिनबेॽ पेनामे।

१ पत्‍रुस 3:5 Iomraidhean Croise

लुका 2:37

मोडोक्‍पेॽ खो चाउरासि निङ याक्‍खे़ॽपॽआ ले़टे़। खो मन्‍दिरबाङ हाम्‍बेॽसो मे़ङखाडे़, खोसे़ॽ मे़न्‍चारेॽ निवाहाङ्‌नुङ सानिङ पारथना ले़ःॽसाङ सेन्‍डा लेन्‍डा ओहाङ ले़टुए।

एप्‍पा चोङ्‌सा 1:14

माहाजि चोप सोरि पेन्‍नुङ सानिङ्‌नोॽ निवाहाङ्‌नुङ पारथना ले़टामे। माहाजिबेॽ येसुमि मामा मरियमनुङ हाइखा सम्‍समा नानुसाजि, मोबा येसुमि निसाजिसो टुसामे।

एप्‍पा चोङ्‌सा 9:36

योप्‍पा लुमे सहरबेॽ तबिता निङ ले़ःॽखुबा इक्‍को परभुबेॽ बिस्‍वास ले़ःॽखुबा मेॽनामिॽ टुसे़। खोमि निङ डोरकास ले़टे़। खोसे़ॽ सानिङ्‌नोॽ इमाङ मे़ङ्‌काप्‍खुबाजि सहायोग ले़ःॽमे योम्‍बोक ले़टुए।

एफिसि 5:33

इगो नियम हे़निङे़ॽसो पालना ले़ःॽमा खे़ये। मोडोगे़ॽ चोप बनिबाजिडे़ॽ आम्‍निमि बनिमाजि टाङ्‌बामि हिङाडोक्‍नोॽ नम्‍नम ले़ःॽमा खे़ये, मोबा चोप बनिमाजिडे़ॽसो आम्‍निमि बनिबाजि आदर ले़ःॽमा खे़ये।

१ तिमोथि 2:10

तर निवाहाङ्‌मि ओहाङ ले़ःॽखुबा मेॽनामिॽचिडे़ॽ नुबा योम्‍बोकरेॽनोॽ ले़टुजिरो।

१ तिमोथि 2:15

मेॽनामिॽजि सानिङ्‌नोॽ ए़डेम्‍मा लिनुङ बिस्‍वासबेॽ नुबा, नम्‍नमनुङ पबित्‍रा लिनुङ पेम्‍मिहोङ ओङेक टोक्‍माबेॽ खोजि हिङ्‌इम्‍मे।

१ तिमोथि 5:10

खो नुबा नुबा योम्‍बोक ले़ःॽनुङ आदरनुङ्‌मा लिमा खे़ये। खोसे़ॽ पसाजि नुरोॽ कुबॽआ, चाबाङ्‌जि नुरोॽ सेवा ले़ःॽपॽआ, निवाहाङ्‌मि याॽमिजिमि सराङ वसोक्‍पॽआ, दुःखबेॽ सिॽपॽआ याॽमिजिमि सेवा ले़ःॽपॽआ, खो सानिङ्‌नोॽ नुबा नुबा योम्‍बोक ले़ःॽयाङ लिमा खे़ये।

१ तिमोथि 5:5

तर टाङ्‌बाङ मे़ॽनिङ्‌हा चाइबमानोॽमा राङ्‌मिॽमाडे़ॽ चाहिँ निवाहाङ्‌बेॽ आसा ले़न्‍डुए। खोसे़ॽ लेन्‍डा, सेन्‍डा सानिङ्‌नोॽ निवाहाङ्‌नुङ पारथना ले़न्‍डुए।

हिब्‍रु 11:11

बिस्‍वासमि भोरबेॽनोॽ साराडे़ॽ मोढे़ॽलो ठाॽमा लिबेमाबेॽसो पसा टोक्‍मे सक्‍ति चुप्‍हेसु। इन्‍ढोङ्‌होङ निवाहाङ्‌डे़ॽ लुबॽआ खाबेॽ अब्‍राहामडे़ॽ बिस्‍वास ले़ःॽपॽआ ले़टे़।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।