१ पत्‍रुस 3:4 - याम्फु

⁴ तर हे़निङ्‌मि निवाहोङ्‌सिॽयु चाहिँ नुबा नुबा खाडे़ॽ चागानुमे। हे़निङ्‌मि निवा सानिङ टुडुङ्‌घे़ये भलोनुङ सान्‍तिडे़ॽ चागानुमे, इगो चाहिँ निवाहाङ्‌मि लागि बेॽलो मोलनुङ्‌मा ले़ये।

१ पत्‍रुस 3:4 Iomraidhean Croise

मत्‍ति 11:29

के़ए़ जुवा खिसानुमेनुङ कानुङ चिनानुमे, इन्‍ढोङ्‌होङ का नम्‍रानुङ नम्‍नावादाङ्‌बा ले़ङे, मोबा हे़निङ्‌मि होङ्‌निवाडे़ॽ नाजाडोक्‍इन्‍डुए।

मत्‍ति 21:5

“सियोनबेॽ पेङ्‌घुबाजि लुसाजे, ‘खाक्‍सानुमे, हे़निङ्‌मि हाङ्‌बा हे़निङ्‌बेॽ आप्‍मे़ॽनिङ्‌सिये, ए़डे़म्‍मा लिनुङ गधा नुनिबेॽ साङ्‌नुङ आप्‍मे़ॽनिङ्‌सिये, खो गधामि नुनिसोक्‍पेॽनोॽ साङ्‌नुङ आप्‍मे़ॽनिङ्‌सिये’।”

मत्‍ति 23:26

होउ मिक्‍सुरुम्‍बा फरिसिजि, याक्‍लो खोरियानुङ थालामि होङ्‌सिॽयु वसोगानुमे, मोबा मोमि ए़ङ्‌गुवालामसो वासोगानुमे।

मत्‍ति 5:5

ए़डे़म्‍मा लिघुबाजिडे़ॽ आसिस चुप्‍मिन्‍डुजे, इन्‍ढोङ्‌होङ मक्‍खाम्‍डेमनुङ मोबेॽहा चोप थोकबेॽ अधिकार चुप्‍मिन्‍डुजे।

लुका 11:40

हे़निङ उम्‍बरिङ्‌जि, हे़निङे़ॽ लेसानुम्‍ने़, हे़निङ्‌मि हिङा टोङ्‌खुबा निवाहाङ्‌डे़ॽनोॽ हे़निङ्‌मि होङ्‌सिॽयुए निवासो टोङ्‌बॽआ ने़ॽनेन्‍डे ?

लुका 16:15

मोबा येसुडे़ॽ माहाजि लुसुजि, “हे़निङ याॽमिजिमि पोम्‍बेॽ नुबा रे़ङ्‌इन्‍डानिङे तर निवाहाङ्‌डे़ॽ हे़निङ्‌मि निवा लेन्‍डुए। इन्‍ढोङ्‌होङ याॽमिडे़ॽ बेॽए मिप्‍पॽआ खा निवाहाङ्‌डे़ॽ सिॽचोन्‍डुहा।

रोमि 1:23

मोबा माहाजिडे़ॽ इन्‍डोक्‍पेॽसो नासि मे़लिघुबा निवाहाङ महिमा पिमामि साटो, नासि लिघे़म्‍मे याॽमिमि, सोङाजिमि, जिवातजिमिनुङ पेरसेॽवा से़ॽटुघुबा जिवातजिमि मुरति टोङ्‌नुङ ओहाङ ले़टुजि।

रोमि 2:29

निवाहोङ्‌बाङ्‌नोॽ धारमिक नियम पालना ले़ःॽखुबा चाहिँ चाइबमा यहुदि लिये, मोडोक्‍नोॽ निवाहोङ्‌बाङ लिबॽआ खतना चाहिँ चाइबमा खतना ले़ये। इडोक्‍मा खतना ले़ःॽखुबा याॽमिमि ओहाङ याॽमिजिबाङ ने़ॽनि, निवाहाङ्‌बाङ लिये।

रोमि 6:6

कानिङे़ॽ लेन्‍डुङ्‌मे़, कानिङ्‌मि याक्‍लोमा हिङ्‌मवा खिरिस्‍टनुङ सोरि काप्‍सिङ्‌बेॽ सिसा, इन्‍ढोङ्‌होङ कानिङ्‌मि पापि हिङ्‌मवा सिरो, मोबा हागोएम्‍बाङ मिॽयु मो पापमि अधिनबेॽ पेम्‍मा मे़न्‍सिॽलो।

रोमि 7:22

काङ्‌मि होङ्‌निवा चाहिँ निवाहाङ्‌मि नियमबेॽ साप्‍थाङ्‌इये।

२ कोरिन्‍थि 10:1

का पावल, हे़निङ्‌मि पोम्‍बेॽ ए़डेम्‍मा लिङेरो, तर ओः टुमाबेॽ याटेवा ले़ङेरो लुमे खा मुॽइटे़ले़। खिरिस्‍टडोक्‍नोॽ ए़डेम्‍मा लिनुङ, नम्‍नावानुङ्‌मा लिनुङ हे़निङ बिन्‍ति ले़निम्‍ने़।

२ कोरिन्‍थि 4:16

मोडोगे़ॽ कानिङ हरेस चासिङ्‌मानि। कानिङ्‌मि हिङा नासि लिघे़ॽहोङ्‌सो कानिङ्‌मि होङ्‌निवा चाहिँ सानिङ चोङ चोङ लिमे़ॽनिङ्‌सिये।

गलाति 5:23

ए़डेम्‍मा लिमा, टाङ्‌बा अधिनबेॽ युङ्‌मा, इडोक्‍हा योम्‍बोकमि बिरोधबेॽ इमाङ्‌सो नियम माॽआ।

एफिसि 4:2

सानिङ्‌नोॽ ए़डेॽमा लिसानिङे, सुधोनुङ सहनसिल लिसानिङे। मोबा हे़निङ टाङ्‌बा इक्‍कोसे़ॽ हाइको नम्‍नम ले़ःॽसाङ सहबा ले़टानुमे।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

कलस्‍सि 3:3

इन्‍ढोङ्‌होङ हे़निङ सिघे़टानिङे, हे़निङ्‌मि हिङ्‌मवा निवाहाङ्‌बेॽ खिरिस्‍टनुङ चुम्‌युङ्‌बॽआ ले़हा।

१ थेस्‍लोनिकि 4:11

हागोसो हे़निङ लुनिम्‍ने़, सान्‍तिमि हिङ्‌मवाबेॽ निवा टिसानुमे। मोबा टाङ्‌बामि योम्‍बोकपेॽ निवा टिनुङ नुरोॽ ले़चासानिङे।

२ थेस्‍लोनिकि 3:12

हागो कानिङे़ॽ इडोक्‍हा याॽमिजि परभु येसु खिरिस्‍टमि निङ्‌बेॽ आग्‍यानुङ अरति पिन्‍डुङ्‌मे। माहाजिडे़ॽ योङ उःक्‍नुङ योम्‍बोक ले़टुजिरो मोबा टाङ्‌बामि हुगे़ॽनोॽ योम्‍बोक ले़ःॽनुङ चे़ॽपॽआ खा चानुङ हिङ्‌मिरो।

१ तिमोथि 2:2

हाङ्‌बाजिमिनुङ सरकारबेॽहा याॽमिजिमि लागिसो पारथना ले़ःॽमे़। खोजि चोप नुबा लिमिहोङ कानिङे़ॽ सानिङ्‌नोॽ सुख सान्‍तिनुङ निवाहाङ्‌मि ओहाङ ले़ःॽसाङ हिङ्‌डोक्‍इन्‍डे।

२ तिमोथि 2:25

खो टाङ्‌बामि बिरोधि याॽमिजि चानुये खाडे़ॽ चोप्‍हेखुबा लिमा खे़ये। मोडोक्‍होङ्‌रेॽ निवाहाङ्‌डे़ॽ खोजि पापि मरामबाङ टेआप्‍नुङ चाइबमा खा लेहेमे निवा पिन्‍डुजेन्‍डे,

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

याकुब 1:21

मोडोगे़ॽ इडोक्‍हा चोप मङे़हा खाबाङ्‌नुङ दुस्‍ट निवा हे़निङे़ॽ लेॽपेसानुमे। ए़डे़म्‍मा लिनुङ हे़निङ्‌मि निवाबेॽ युङ्‌बॽआ निवाहाङ्‌मि बचनडे़ॽ लुडिडोॽ ले़टानुमे मोसे़ॽनोॽ हे़निङ हिङ्‌मवा पिये।

१ पत्‍रुस 1:23

निवाहाङ्‌मि हिङ्‌रिकनुङ सानिङ टुडुङ्‌घे़ये बचनबाङ चोङ लिनुङ हे़निङ फेरि टोॽइटानिङे। हे़निङ नासि लिघुबा पाबामि पसाजि ने़ॽनि, तर नासि लिनिबा पाबामि पसाजि लिटानिङे।

१ पत्‍रुस 3:15

तर टाङ्‌बामि निवाबाङ खिरिस्‍टमि आदर ले़टानुमे, खोनोॽ टाङ्‌बामि हिङ्‌मवामि मायोङ्‌बा मिडानुमे। हे़निङ्‌बेॽ टुये आसामि टुम्‍बेॽ हाइखाजिडे़ॽ सिम्‍मिहोङ मो याॽमि नुरोॽ इःबेॽमे।