१ पत्‍रुस 3:21 - याम्फु

²¹ इगो योङानोॽ आइ याॽमिजिडे़ॽ लामे बप्‍तिस्‍मामि चिङ्‌गा ले़ये, मोसे़ॽ हे़निङ हिङ्‌माराप्‍मिये। इगो हिङामि मिक्‍नुवा वासोक्‍पॽआडोॽमा ने़ॽनिबा, तर इगो चोखो निवाडे़ॽ निवाहाङ्‌नुङ ले़ःॽपॽआ बेॽए हेन्‍ज्‍रुङ ले़ये। येसु खिरिस्‍ट सिबॽआबाङ हिङ्‌बोक्‍पॽआसे़ॽ बप्‍तिस्‍माडे़ॽ हे़निङ हिङ्‌मेन्‍डानिङे।

१ पत्‍रुस 3:21 Iomraidhean Croise

मत्‍ति 28:19

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे।

मरकुस 16:16

बिस्‍वास ले़ःॽनुङ बप्‍तिस्‍मा लाघुबाजिडे़ॽ मुक्‍ति चुप्‍मिन्‍डुजे, तर बिस्‍वास मे़ले़ःॽखुबाजि दन्‍डाबेॽ सिॽइम्‍मे।

युहन्‍ना 13:9

मोबा सिमोन पत्‍रुसडे़ॽ येसु लुसु, “परभु, मोडोक्‍होङ्‌गो काङ्‌मि सराङ्‌रेॽ ने़ॽनि, तर हुकनुङ निन्‍डवाँसो वासोक्‍पेॽमा।”

एप्‍पा चोङ्‌सा 16:33

मोबा ए़क्‍साङ मो एप्‍पाडे़ॽ सेन्‍डानोॽ पावलनुङ सिलास चिक्‍खे़ॽनुङ खोजिमि हुवा वासोक्‍पेॽटु। खोनुङ खोमि खिमबेॽहाजि चोबे़ॽ बप्‍तिस्‍मा लासुजि।

एप्‍पा चोङ्‌सा 2:38

मोबा पत्‍रुसडे़ॽ लुसुजि, “हे़निङ्‌मि पापबाङ आम्‍लाङ टोक्‍मामि लागि पाप ले़ःॽमा लेडानुमे, मोबा येसु खिरिस्‍टमि निङ्‌बेॽ बप्‍तिस्‍मा लासानुमे! मोबा हे़निङे़ॽ निवाहाङ्‌बाङ पबित्‍रा होङ्‌निवामि बरदान चुप्‍मिन्‍डानुमे।

एप्‍पा चोङ्‌सा 22:16

मोडोगे़ॽ हागो इमाङ हुङ्‌इन्‍डुए ? येःपोक्‍नुङ बप्‍तिस्‍मा लासे मोबा येसुमि निङ लानुङ टाङ्‌बामि पापबाङ चोखो लिसे’।

एप्‍पा चोङ्‌सा 8:36

मोबा खोजि मो मरामबेॽ राम्‍साङ खे़ॽमाबेॽ योङा टुढामबेॽ रुक्‍टाजु। मोबा मो मेस्‍रे़ॽवाडे़ॽ फिलिप सिप्‍सु, “खाक्‍से इगोबेॽ योङा टुउ हागो का बप्‍तिस्‍मा लामाबाङ असे़ॽ से़क्‍हेम्‍मे ?”

एप्‍पा चोङ्‌सा 8:37

[फिलिपडे़ॽ मो लुसु, “हे़ने़ए़ निवाडे़ॽ येसुबेॽ बिस्‍वास ले़टुहोङ बप्‍तिस्‍मा लाहेन्‍डुए।” मो मेस्‍रे़ॽवाडे़ॽ लुसु, “येसु खिरिस्‍ट निवाहाङ्‌मि पसा ले़ये लुनुङ के़ॽ बिस्‍वास ले़पेटुङे।”]

रोमि 5:14

आदमबाङ धारमिक नियम साप्‍खुबा मोसाठोक सिमवाडे़ॽ याॽमिजिसोक्‍पेॽ अधिन ले़टु। माहा याॽमिजिडे़ॽ आदमडे़ॽ ले़ःॽपॽआडोॽमा पाप ले़ःॽपॽआगो मे़ले़टा, तरसो माहाजि सिमा खडामि। आदमडे़ॽ ले़ःॽपॽआ पापि योम्‍बोकमि दन्‍डा चोबे़ॽ चुप्‍टिडोॽ खिरिस्‍टडे़ॽ ले़ःॽपॽआ योम्‍बोकबाङ्‌ए मुक्‍तिसो चोबे़ॽ चुप्‍मिन्‍डुजे। मो आदम चाहिँ खिरिस्‍टमि नमुना ले़ये।

१ कोरिन्‍थि 12:13

कानिङ बिस्‍वासिजिसो इक्‍कोनोॽ हिङाडोॽ ले़न्‍डिङ्‌मा, इन्‍ढोङ्‌होङ यहुदिहोङ्‌सो, गिरिक होङ्‌सो, सेउतेहोङ्‌सो, फुक्‍का होङ्‌सो कानिङ चोबे़ॽ इक्‍कोनोॽ पबित्‍रा होङ्‌निवाबाङ इक्‍कोनोॽ हिङाबेॽ बप्‍तिस्‍मा लाटुङ्‌मे़, मोबा चोबे़ॽ इक्‍कोनोॽ पबित्‍रा होङ्‌निवा चुप्‍मिटुङ्‌मे़।

१ कोरिन्‍थि 4:6

वावानिसानुङ नानुसाजि, हे़निङे़ॽ “धारमिक नेॽचिराडे़ॽ लुडिडोॽ” नुरोॽ लेसानुमे लुनुङ्‌नोॽ के़ॽ अपोल्‍लोसनुङ काङ्‌मि टुम्‍बेॽहा खा इःसाङ पत्‍राबेॽ साप्‍मिटुङे। हे़निङे़ॽ धारमिक नेॽचिराडे़ॽ लुडिडोक्‍नोॽ ले़टानुमे। मोबा हे़निङ असे़ॽसो इक्‍कोमि पक्‍छेबेॽ काङायोङ्‌बा लिनुङ हाइके हेला ए़ले़टानुमे।

२ कोरिन्‍थि 1:12

मक्‍खाम्‍डेमबेॽहा याॽमिजिनुङ मोबाङ्‌सो बेॽलो हे़निङ्‌नुङ सोरि पेम्‍माबेॽ कानिङ्‌मि चाल चलन चोखो युङ्‌नुङ इमान्‍दार हिङ्‌बॽआ खा निवाबाङ इमाङ मे़मिॽलेॽ लुहेन्‍डुङ्‌मा। इघा खाबेॽ कानिङ ओहाक कान्‍डिङ्‌मे़। इगो चाइबमा निवा कानिङे़ॽ निवाहाङ्‌बाङ चुप्‍मिटुङ्‌मे। इगो निवाहाङ्‌मि अनुग्‍रहाबाङ चुप्‍पॽआ ले़ये, तर याॽमिमि निवा ने़ॽनिबा।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

गलाति 3:27

खिरिस्‍टमि निङ्‌बेॽ बप्‍तिस्‍मा लाबॽआ चोप याॽमिजि खिरिस्‍टडोॽ लिनुङ खोनुङ हिङ्‌इम्‍मे।

एफिसि 5:26

खिरिस्‍टडे़ॽ मन्‍डलि पबित्‍रा टोङ्‌मामि लागि योङाडे़ॽ वासोक्‍नुङ खोमि बचनबाङ चोखो टोक्‍सु।

कलस्‍सि 2:12

इन्‍ढोङ्‌होङ बप्‍तिस्‍मा लामाबेॽ हे़निङ्‌सो खोनुङ हुप्‍सानिङे। मोबा सिबॽआबाङ खिरिस्‍ट हिङ्‌बोक्‍खुबा निवाहाङ्‌मि सक्‍तिबेॽ बिस्‍वास ले़ःॽपॽआसे़ॽ हे़निङ्‌सो खिरिस्‍टनुङ्‌नोॽ हिङ्‌बोॽइटानिङे।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

१ तिमोथि 6:12

हे़ने़ए़ बिस्‍वासमि लागि नुरोॽ ङे ले़टेनुङ ए़ॽसिघे़ॽमे हिङ्‌मवा नुरोॽ जोगा ले़टे। इन्‍ढोङ्‌होङ इगोमि लागिनोॽ हे़न निवाहाङ्‌डे़ॽ के़ए़टे़। मोडोक्‍पेॽ हे़ने़ॽ खिरिस्‍टबेॽ टुये बिस्‍वासमि टुम्‍बेॽ बेॽलो साक्‍छिजिमि पोम्‍बेॽ लुटुए।

हिब्‍रु 10:22

कानिङ्‌मि निवाहोङ्‌सिॽयुहा मङे़हा खा चोखो लिटहा, मोबा खिरिस्‍टमि हरिडे़ॽ कानिङ्‌मि हिङा वासोक्‍इटुए, मोडोगे़ॽ चोखो निवा, चाइबमा बिस्‍वासडे़ॽ ढुक्‍का लिनुङ कानिङ निवाहाङ्‌मि पोम्‍बेॽ खे़ॽमा।

हिब्‍रु 11:19

निवाहाङ्‌डे़ॽ इसाहाक सिबॽआबाङ्‌सो हिङ्‌बुक्‍हेन्‍डुए लुमे खाबेॽ अब्‍राहामडे़ॽ बिस्‍वास ले़टु, मोबा चइबानोॽ निवाहाङ्‌डे़ॽ लुबॽआडोॽ बलि पिसिॽपोरोक्‍माबेॽ सिघे़ॽपॽआबाङ हिङ्‌बोक्‍पॽआडोॽ अब्‍राहामडे़ॽ खोमपसा चुप्‍टु।

हिब्‍रु 13:18

कानिङ्‌मि लागि पारथना ले़टानुमे। कानिङे़ॽ बिस्‍वास ले़न्‍डुङ्‌मे, कानिङ्‌मि होङ्‌सिॽयुए निवा चोखो ले़ये, इन्‍ढोङ्‌होङ कानिङे़ॽ सानिङ नुबा योम्‍बोक ले़ःॽमारेॽ मिॽइन्‍डुङ्‌मे़।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

हिब्‍रु 9:24

खिरिस्‍ट याॽमिमि हुगे़ॽ टोङ्‌बॽआ पबित्‍रा थानाहोङ्‌सिॽयु खे़ॽपॽआ ने़ॽनि, मोगो चाइबमा पबित्‍रा थानामि नक्‍कलरेॽनोॽ ले़टा, तर खोगो थाङ्‌सिरिहोङ्‌सिॽयुनोॽ पे़खडा, खो आयु कानिङ्‌मि लागि निवाहाङ्‌मि पोम्‍बेॽ टुये।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।

१ पत्‍रुस 3:16

तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।