१ पत्‍रुस 3:20 - याम्फु

²⁰ माहा होङ्‌निवाजि चाहिँ नोआडे़ॽ योङा जहाज टोङ्‌बॽआ बेलाबेॽ पापबाङ टेआप्‍मिम्‍मेन्‍डे लुनुङ निवाहाङ्‌डे़ॽ हुङ्‌बॽआ होङ्‌निवाजि ले़टामे। तर माहाजिडे़ॽ निवाहाङ्‌मि खा मे़ङ्‌खेप्‍सुजि। योङा जहाजबेॽ आक्‍चि जना याॽमिरेॽनोॽ बेॽए वाडुमबाङ हिक्‍सामि।

१ पत्‍रुस 3:20 Iomraidhean Croise

मत्‍ति 7:14

इन्‍ढोङ्‌होङ हिङ्‌मवाबेॽ रुक्‍ठाम राम्‍डेम ए़डे़म्‍मा ले़ये मोबेॽ राम्‍मा छॽइये। मो रामबेॽ राम्‍घुबाजि ए़डेॽवारेॽ टुम्‍मे।

लुका 12:32

येसुडे़ॽ फेरिसो लुसु, “होउ के़हा चोङ्‌साजि, हे़निङ ए़डे़म्‍मा बगालडोॽ ले़न्‍डानिङे, हे़निङ ए़ॽकिसिसानिङे! इन्‍ढोङ्‌होङ निवाहाङ्‌डे़ॽ खोमि राज्‍य हे़निङ पिमा मिॽइटुए।

एप्‍पा चोङ्‌सा 2:41

बेॽलो याॽमिजिडे़ॽ पत्‍रुसमि खा खेम्‍नुङ बिस्‍वास ले़टुजि मोबा मो याकनोॽ बप्‍तिस्‍मा लाघुबा याॽमिजि सुम्‍बोङ हजारडोॽ लिसामि।

रोमि 9:22

मोडोक्‍नोॽ निवाहाङ्‌मि सुरिगे़ॽनुङ सक्‍तिडे़ॽ नास ले़ःॽमे़ अधिकार टुये, तरसो नासि लिसिॽपोरोक्‍पॽआ याॽमिजिमि लागि खो सारोनोॽ सहनसिल लिनुङ योङ्‌मेन्‍डुहोङ, कानिङे़ॽ इमा ले़ःॽमे़ ?

एफिसि 5:26

खिरिस्‍टडे़ॽ मन्‍डलि पबित्‍रा टोङ्‌मामि लागि योङाडे़ॽ वासोक्‍नुङ खोमि बचनबाङ चोखो टोक्‍सु।

हिब्‍रु 11:7

बिस्‍वास ले़ःॽनुङ्‌नोॽ नोआडे़ॽ निवाहाङ्‌मि चेतावनि खेप्‍सु। खाङ्‌नोॽ मे़ङ्‌खाङ्‌बॽआ तर ए़क्‍साङ लिये खामि टुम्‍बेॽ निवाहाङ्‌डे़ॽ खो लुबॽआ ले़टे़। खोसे़ॽ निवाहाङ्‌डे़ॽ लुबॽआ खा खेम्‍नुङ इक्‍को बेॽएम्‍मा सिङ्‌बुमि योङा जाहाज टोक्‍सु, मोबा मो होङ्‌सिॽयु खोमि जहानजि युङ्‌नुङ जोगबा ले़टुजि। इडोॽ खोसे़ॽ मक्‍खाम्‍डेममि आप्‍टिक खाङ्‌मुसु। टाङ्‌बा चाहिँ निवाहाङ्‌मि पोम्‍बेॽ धरमि याॽमि ठहरबा लिसा।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 1:9

इन्‍ढोङ्‌होङ हे़निङे़ॽ येसुबेॽ बिस्‍वास ले़ःॽपॽआसे़ॽ हे़निङ टाङ्‌बामि होङ्‌निवाडे़ॽ मुक्‍ति चुप्‍मिन्‍डुए।

१ पत्‍रुस 2:25

इन्‍ढोङ्‌होङ हे़निङ याक्‍लो सामुजिडोॽ छरपस्‍ट लिनुङ टुप्‍खे़ॽपॽआ ले़टानिङे, तर हागो हे़निङ्‌मि होङ्‌निवामि गोठ्‌ला, मोबा हे़निङ रच्‍छे ले़ःॽखुबाबेॽ टेजाटानिङे।

१ पत्‍रुस 3:19

खोसे़ॽ मो होङ्‌निवामि सक्‍तिडे़ॽ माहा से़क्‍सिघे़ॽपॽआ होङ्‌निवाजिबेॽ खे़ॽनुङ परचार ले़टु।

१ पत्‍रुस 4:19

मोडोगे़ॽ निवाहाङ्‌मि याॽमिजि लिमाबेॽ दुःख आङ्‌घुबाजिडे़ॽ सानिङ्‌नोॽ नुबा योम्‍बोक ले़ःॽमा खे़ये, मोबा सिरिस्‍टिदाङ्‌बा निवाहाङ्‌बेॽ चोप भरोसा ले़ःॽमा खे़ये। खोसे़ॽ हे़म्‍बॽआ हेन्‍ज्‍रुङ सानिङ पुरा ले़न्‍डुए।

२ पत्‍रुस 2:5

निवाहाङ्‌डे़ॽ याक्‍लोए मक्‍खाम्‍डेमसो मे़लेडु। निवाहाङ्‌मि खा मे़ङ्‌खेम्‍खुबा याॽमिजि चोप बेॽए वाडुमडे़ॽ नासि ले़टुजि। धारमिक खा परचार ले़ःॽखुबा नोआनुङ खोमि खिमबेॽहा याॽमिजिरेॽ हिक्‍सामि।

२ पत्‍रुस 3:15

परभुडे़ॽ हे़निङ पापबाङ हिङ्‌मेॽमामि खो इन्‍डोक धैरियनुङ्‌मा ले़ये, मो खा नुरोॽ मिडानुमे। कानिङ्‌मि निसा पावलडे़ॽसो खो निवाहाङ्‌डे़ॽ पिबॽआ निवाबाङ हे़निङ इघा खानोॽ साप्‍पॽआ ले़टा।