१ पत्‍रुस 3:17 - याम्फु

¹⁷ मङे़हा योम्‍बोक ले़ःॽनुङ दुःख आङ्‌मा नुबा खा ने़ॽनिबा, तर निवाहाङ्‌डे़ॽ मिॽपॽआडोॽहा नुबा योम्‍बोक ले़ःॽनुङ दुःख आङ्‌मा चाहिँ बेॽलो नुबा खा ले़ये।

१ पत्‍रुस 3:17 Iomraidhean Croise

मत्‍ति 26:39

मोबा येसु चाहिँ ए़डे़ॽ मेॽयोङ खे़ॽनुङ भुइबेॽ उःक्‍नुङ पारथना ले़ःॽपुगा, “हे काङ्‌मि पाबा, नुयेहोङ, इगो खेःमि खोरिया काबाङ सेम्‍बेॽमा ना, तर के़ॽ मिप्‍पॽआडोॽ ने़ॽनि, हे़ने़ॽ मिप्‍पॽआ खा पुरा लिरो।”

मत्‍ति 26:42

हाइके खेॽसो खो खे़ॽनुङ पारथना ले़टु, “के़ए़ पाबा, के़ॽ इगो दुःखमि कुक्‍लिक उङ्‌मानोॽ खे़येहोङ, हे़ने़ॽ मिप्‍पॽआ खानोॽ पुरा लिरो।”

एप्‍पा चोङ्‌सा 18:21

पावल इडोॽ कासाङ माहाजिनुङ बिदा लिसा, “निवाहाङ्‌डे़ॽ मिॽटुहोङ फेरि का हे़निङ्‌बेॽ लेङ्‌इङे़।” मोबा ए़क्‍साङ खो जहाज साङ्‌नुङ एफिससबाङ खडा।

एप्‍पा चोङ्‌सा 21:14

कानिङे़ॽ पावल मे़से़क्‍हेसुङ्‌मा मोडोगे़ॽ कानिङे़ॽ खो “निवाहाङ्‌मि हुकपेॽ युङ्‌नुङ” योङ उगिङ्‌मा।

१ पत्‍रुस 1:6

इगो खामि लागि हे़निङ साप्‍थाक्‍सानिङे, तर हागो इॽछोॽमि लागि हे़निङे़ॽ खाल खालहा दुःखनुङ खेः आङ्‌मा खे़ये।

१ पत्‍रुस 2:15

इन्‍ढोङ्‌होङ हे़निङे़ॽ ले़ःॽपॽआ नुबा योम्‍बोकडे़ॽ उम्‍बरिङ याॽमिजिमि याबुक योङ उक्‍मेॽपॽआ निवाहाङ्‌डे़ॽ नेन्‍जोन्‍डुए।

१ पत्‍रुस 2:20

मङे़ॽमा योम्‍बोक ले़ःॽनुङ दन्‍डा चुप्‍मागो खे़ये, तर नुबा योम्‍बोक ले़ःॽनुङ्‌सो दुःख आङ्‌इन्‍डानुमहोङ निवाहाङ्‌डे़ॽ आसिस पिये।

१ पत्‍रुस 3:14

तर नुबा योम्‍बोक ले़ःॽमाबेॽसो दुःख आङ्‌मासिॽहोङ, हे़निङ आसिसित ले़न्‍डानिङे। हे़निङ असानुङ्‌सो ए़क्‍किसिडानिङे, मोबा सुरता ए़ले़टानिङे।

१ पत्‍रुस 4:15

तर हे़निङ असे़ॽसो याॽमि सेॽखुबा, खुघुबा, मङे़हा योम्‍बोक ले़ःॽखुबा, हाइखाजिमि योम्‍बोकपेॽ बाधा ले़ःॽखुबा याॽमिडे़ॽ आङ्‌बॽआडोॽ दुःख ए़आक्‍सानुमे।

१ पत्‍रुस 4:19

मोडोगे़ॽ निवाहाङ्‌मि याॽमिजि लिमाबेॽ दुःख आङ्‌घुबाजिडे़ॽ सानिङ्‌नोॽ नुबा योम्‍बोक ले़ःॽमा खे़ये, मोबा सिरिस्‍टिदाङ्‌बा निवाहाङ्‌बेॽ चोप भरोसा ले़ःॽमा खे़ये। खोसे़ॽ हे़म्‍बॽआ हेन्‍ज्‍रुङ सानिङ पुरा ले़न्‍डुए।