१ पत्‍रुस 3:16 - याम्फु

¹⁶ तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।

१ पत्‍रुस 3:16 Iomraidhean Croise

मत्‍ति 5:11

“हे़निङ याॽमिजिडे़ॽ सिःक्‍चामिहोङ, चुङ्‌जामिहोङ, हे़निङ मे़ःॽनोॽहा आप्‍टिक टिमिहोङ साप्‍थक्‍सानिङे।

एप्‍पा चोङ्‌सा 24:16

मोडोगे़ॽ का निवाहाङ्‌नुङ याॽमिजिमि पोम्‍बेॽ के़ए़ निवा चोखो युङ्‌मा मिॽइनुङे।

एप्‍पा चोङ्‌सा 28:22

तर कानिङ हे़ने़हा निवाबेॽहा खा खेम्‍मा मिङ्‌इन्‍डिङ्‌मे इन्‍ढोङ्‌होङ हे़ने़हा याॽमिजिमि बिरोधबेॽ लिबॽआ खा हाम्‍बेॽको हाम्‍बेॽ कानिङे़ॽ खेम्‍इटुङ्‌मे।”

रोमि 9:1

हागो के़ॽ खिरिस्‍टमि निङ्‌बेॽ चाइबमा खा इःमे़ॽनिङ्‌सिनुङे़, रेम्‍डेॽपॽआ ने़ॽनि। पबित्‍रा होङ्‌निवामि पोम्‍बेॽ टुये काङ्‌मि नुबानुङ मङे़ॽमा खा लेघुबा निवाडे़ॽ इगो खामि साक्‍छि पिये।

२ कोरिन्‍थि 1:12

मक्‍खाम्‍डेमबेॽहा याॽमिजिनुङ मोबाङ्‌सो बेॽलो हे़निङ्‌नुङ सोरि पेम्‍माबेॽ कानिङ्‌मि चाल चलन चोखो युङ्‌नुङ इमान्‍दार हिङ्‌बॽआ खा निवाबाङ इमाङ मे़मिॽलेॽ लुहेन्‍डुङ्‌मा। इघा खाबेॽ कानिङ ओहाक कान्‍डिङ्‌मे़। इगो चाइबमा निवा कानिङे़ॽ निवाहाङ्‌बाङ चुप्‍मिटुङ्‌मे। इगो निवाहाङ्‌मि अनुग्‍रहाबाङ चुप्‍पॽआ ले़ये, तर याॽमिमि निवा ने़ॽनिबा।

२ कोरिन्‍थि 4:2

कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

१ तिमोथि 1:19

मोडोक्‍पेॽ हे़ने़ॽ आमटाङ्‌बामि बिस्‍वास, मोबा नुबानुङ मङे़ॽमा लेमे निवा नुरोॽ हुप्‌युङ्‌मे़। मो निवाडे़ॽ लुबॽआ खा मे़ङ्‌खे़म्‍खुबाजिडे़ॽ टाङ्‌बामि बिस्‍वासनोॽ मे़चोबेसुजि।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

२ तिमोथि 1:3

के़ॽ काङ्‌मि नुबानुङ मङे़ॽमा लेघुबा निवाडे़ॽ सेवा ले़ःपॽआ निवाहाङ ओहाक पिनुङे़, याक्‍लो खो के़हा टुबालाबाजिडे़ॽ सेवा ले़टुजे। के़ॽ सानिङ्‌नोॽ के़ए़ पारथनाबेॽ हे़न मिॽइन्‍ने़।

तितस 2:8

हे़ने़ॽ इःॽमाबेॽ चाइबमानुङ ठिक खा इःडाजे, मोबा असे़ॽसो सिःक्‍चाडोक्‍टुजिने। मोबा कानिङ्‌मि सतुरजिडे़ॽ कानिङ्‌मि टेडिघरिक्‍हा खा इमाङ्‌सो मे़चुप्‍नुङ ङेसिमाबेॽ सिॽइम्‍मे।

हिब्‍रु 13:18

कानिङ्‌मि लागि पारथना ले़टानुमे। कानिङे़ॽ बिस्‍वास ले़न्‍डुङ्‌मे, कानिङ्‌मि होङ्‌सिॽयुए निवा चोखो ले़ये, इन्‍ढोङ्‌होङ कानिङे़ॽ सानिङ नुबा योम्‍बोक ले़ःॽमारेॽ मिॽइन्‍डुङ्‌मे़।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 2:15

इन्‍ढोङ्‌होङ हे़निङे़ॽ ले़ःॽपॽआ नुबा योम्‍बोकडे़ॽ उम्‍बरिङ याॽमिजिमि याबुक योङ उक्‍मेॽपॽआ निवाहाङ्‌डे़ॽ नेन्‍जोन्‍डुए।

१ पत्‍रुस 2:19

निवाहाङ मिॽसाङ असे़ॽहोङ्‌सो अन्‍यायनुङ्‌मा खेः आक्‍सुहोङ निवाहाङ्‌डे़ॽ खो आसिस पिये।

१ पत्‍रुस 3:21

इगो योङानोॽ आइ याॽमिजिडे़ॽ लामे बप्‍तिस्‍मामि चिङ्‌गा ले़ये, मोसे़ॽ हे़निङ हिङ्‌माराप्‍मिये। इगो हिङामि मिक्‍नुवा वासोक्‍पॽआडोॽमा ने़ॽनिबा, तर इगो चोखो निवाडे़ॽ निवाहाङ्‌नुङ ले़ःॽपॽआ बेॽए हेन्‍ज्‍रुङ ले़ये। येसु खिरिस्‍ट सिबॽआबाङ हिङ्‌बोक्‍पॽआसे़ॽ बप्‍तिस्‍माडे़ॽ हे़निङ हिङ्‌मेन्‍डानिङे।

१ पत्‍रुस 4:4

इडोॽ हे़निङ खोजिनुङ मङे़हा योम्‍बोकपेॽ मे़राम्‍बॽआ खाङ्‌नुङ खोजि खरि मिङ्‌इम्‍मे, मोबा हे़निङ्‌मि बेजेत ले़म्‍मे।