१ पत्‍रुस 3:14 - याम्फु

¹⁴ तर नुबा योम्‍बोक ले़ःॽमाबेॽसो दुःख आङ्‌मासिॽहोङ, हे़निङ आसिसित ले़न्‍डानिङे। हे़निङ असानुङ्‌सो ए़क्‍किसिडानिङे, मोबा सुरता ए़ले़टानिङे।

१ पत्‍रुस 3:14 Iomraidhean Croise

मत्‍ति 10:28

हे़निङ्‌मि होङ्‌निवा मे़न्‍सेॽहेघुबानुङ ए़क्‍किसिडानिङे माहाजिडे़ॽको हे़निङ्‌मि हिङारेॽ सेॽहेन्‍डुजे। बोरु हे़निङ्‌मि हिङानुङ होङ्‌निवा निच्‍चिनोॽ सेॽनेहेघुबा निवाहाङ्‌नुङ किस्‍सिडानिङे।

मत्‍ति 10:31

मोडोगे़ॽ हे़निङ ए़क्‍किसिडानिङे! हे़निङ्‌गो माहा ओॽवाजिबाङ छना महङ्‌गो ले़न्‍डानिङे।

मत्‍ति 10:39

असे़ॽ खोमि हिङ्‌मवा जोगा ले़न्‍डुए, मोसे़ॽ मो मे़पेन्‍डुए, तर असे़ॽ काङ्‌मि लागि टाङ्‌बामि हिङ्‌मवा पिन्‍डुए मोसे़ॽ मो चुप्‍मिन्‍डुए।

मत्‍ति 16:25

असे़ॽ खोमि हिङ्‌मवा जोगाबा ले़ःॽमा योॽइन्‍डुए, मोसे़ॽ मे़चोबेन्‍डुए। तर असे़ॽ खोमि हिङ्‌मवा काङ्‌मि लागि पिन्‍डुए, मोसे़ॽ मो चुप्‍मिन्‍डुए।

मत्‍ति 19:29

असा असे़ॽ के़ए़ लागि टाङ्‌बामि, वावानिसाजि, नानाजि, पाबा मामाजि, पसाजि, रोपा, खिम, सोङ्‌रा याःॽयोटुजे, मोसे़ॽ मोमि सये गुना चुप्‍मिन्‍डुएनुङ ए़ॽसिमे हिङ्‌मवामि हक चुप्‍मिन्‍डुए।

मरकुस 10:29

येसुडे़ॽ लुसुजि, “चइबानोॽ हे़निङ लुनिम्‍ने़, कानुङ सुसमाचारमि लागि टाङ्‌बामि पाबा मामा, पसाजि, वावानिसानुङ नानुसाजि, खिम जग्‍गा जमिन चोप लेप्‍पेखुबे़ॽ

मरकुस 8:35

इन्‍ढोङ्‌होङ असे़ॽ खोमि सोःक्‍मा जोगबा ले़न्‍डुए, मोसे़ॽ मो मे़चोबेन्‍डुए, तर काङ्‌मि लागिनुङ सुसमाचारमि लागि खोमि सोःक्‍मा पिघुबाडे़ॽ मो चुप्‍मिन्‍डुए।

युहन्‍ना 14:1

येसुडे़ॽ चोङ्‌साजि लुसुजि, “हे़निङे़ॽ सुरता ए़ले़टानुमे। निवाहाङ्‌बेॽनुङ काबेॽ बिस्‍वास ले़टानुमे।

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

एप्‍पा चोङ्‌सा 9:16

के़ए़ लागि आक्‍कोसे़ॽ इन्‍डोक खेः आङ्‌मा खे़ये मो के़ॽ खाङ्‌मुनुङे।”

२ कोरिन्‍थि 12:10

मोडोगे़ॽ खिरिस्‍टमि लागि का कमजोर ले़ःॽमाबेॽ, हेलाबेॽ सिॽमाबेॽ, अप्‍ठ्‌यारोबेॽ सिॽमाबेॽ, चुङ्‌जामाबेॽ मोबा दुःख आङ्‌मा सिॽमाबेॽ साप्‍थाङ्‌इङे, इन्‍ढोङ्‌होङ का कमजोर लिमाबेॽ छना बेॽलो परभुमि बोलनुङ्‌मा लिङे।

फिलिप्‍पि 1:29

इन्‍ढोङ्‌होङ हे़निङे़ॽ खिरिस्‍टबेॽ बिस्‍वासरेॽनोॽ ले़ःॽमे ने़ॽनि, तर खोमि लागि दुःख आङ्‌साङ खोमि सेवा ले़ःॽमे नुबा मौकासो चुप्‍मिटानुमे।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

याकुब 5:11

खाक्‍सानुमे, हुङ्‌जाहेघुबाजि ओहाक लुन्‍डुङ्‌मे। हे़निङे़ॽ अय्‍युबडे़ॽ ले़ःॽपॽआ हुङ्‌जाहेमे खामि टुम्‍बेॽ खेम्‍इटानुमे, मोबा परभुडे़ॽ खो आसिस पिबॽआ खासो लेन्‍डानुमे। परभु नम्‍नावानुङ्‌मा ले़ये।

१ पत्‍रुस 3:6

साराडे़ॽ अब्‍राहाम टाङ्‌बामि खिमदाङ्‌बा लुनुङ खोमि आग्‍या पालना ले़ट्रए। हे़निङे़ॽसो इमाङ खाबेॽसो मे़ङ्‌किस्‍सिरेॽ नुबा योम्‍बोक ले़टानुमहोङ हे़निङ्‌सो खोमिन्‍नोॽ पसाजि लिन्‍डानिङे।