१ पत्‍रुस 3:13 - याम्फु

¹³ मोबा हे़निङ भलाइमि योम्‍बोक ले़ःॽमामि पोरोइन्‍डानिङेहोङ, हे़निङ असे़ॽ नोक्‍सानि ले़ये ?

१ पत्‍रुस 3:13 Iomraidhean Croise

रोमि 13:3

इन्‍ढोङ्‌होङ नुबा योम्‍बोक ले़ःॽखुबाजि सासकबाङ किस्‍सिमा पाप्‍निबा, तर मङे़हा योम्‍बोक ले़ःॽखुबाजि चाहिँ किस्‍सिमा खे़म्‍मे। इमा हे़निङ सासकनुङ मे़ङ्‌किस्‍सिरेॽ हिङ्‌मा मिङ्‌इन्‍डानिङे ? मोडोॽ मिङ्‌इन्‍डानिङ्‌होङ नुबा योम्‍बोक ले़टानुमे, मोबा हे़निङे़ॽ माहाजिबाङ ओहाक चुप्‍मिन्‍डानुमे।

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

१ कोरिन्‍थि 14:1

मोडोगे़ॽ हे़निङ चाहिँ नम्‍नम ले़ःॽखुबाजि लिमा खे़ये। मोबा होङ्‌निवामि बरदान चुप्‍मा बेॽलो मिनानिङे, मोबाङ्‌सो बेॽलो चाहिँ अगमबानि इःमे बरदानमि लागि बोल ले़टानिङे।

एफिसि 5:1

हे़निङ निवाहाङ्‌डे़ॽ नम्‍नम ले़ःॽपॽआ पसाजि ले़न्‍डानिङ मोडोगे़ॽ खोडोक्‍नोॽ लिमा योगानिङे।

१ थेस्‍लोनिकि 5:15

हे़न दुःख पिमिहोङ हे़ने़ॽसो खोसे़ॽडोक्‍नोॽ ए़ले़टे। सानिङ हे़निङ टाङ्‌बानुङ चोप याॽमिजिनुङ नुबा बेबहार ले़टानुमे।

१ तिमोथि 5:10

खो नुबा नुबा योम्‍बोक ले़ःॽनुङ आदरनुङ्‌मा लिमा खे़ये। खोसे़ॽ पसाजि नुरोॽ कुबॽआ, चाबाङ्‌जि नुरोॽ सेवा ले़ःॽपॽआ, निवाहाङ्‌मि याॽमिजिमि सराङ वसोक्‍पॽआ, दुःखबेॽ सिॽपॽआ याॽमिजिमि सेवा ले़ःॽपॽआ, खो सानिङ्‌नोॽ नुबा नुबा योम्‍बोक ले़ःॽयाङ लिमा खे़ये।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

३ युहन्‍ना 1:11

के़ए़ निसा, मङे़हा योम्‍बोक असाबाङ्‌सो ए़ॽचिम्‍मे़, तर भलाइमि योम्‍बोकरेॽ चिम्‍मे़। भलाइ ले़ःॽखुबा निवाहाङ्‌बाङ्‌ए ले़ये, मङे़हा योम्‍बोक ले़ःॽखुबाडे़ॽ निवाहाङ लेनोॽ लेसुनिबा।