१ पत्‍रुस 3:11 - याम्फु

¹¹ खो मङे़हा योम्‍बोक लेॽनुङ नुबा योम्‍बोकलाम टेमा खे़ये। खोसे़ॽ सान्‍तिनुङ्‌मा रामबेॽ राम्‍मा खे़ये।

१ पत्‍रुस 3:11 Iomraidhean Croise

मत्‍ति 5:45

इडोॽ ले़टानुमहोङ हे़निङ थाङ्‌सिरिमि पाबामि पसा लिन्‍डानिङे। इन्‍ढोङ्‌होङ निवाहाङ्‌डे़ॽ नुबानुङ मङे़ॽमा निप्‍पाङ्‌मि लागिनोॽ नम पिन्‍डुजे। मोबा पापिनुङ धरमि निप्‍पाङ्‌मि लागिनोॽ वारि पिये।

मत्‍ति 5:9

चोप याॽमिजिनुङ टोङ्‌जाखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ खोजि निवाहाङ्‌मि पसाजि लुनुङ याॽमिजिडे़ॽ लेन्‍डुजे।

मत्‍ति 6:13

कानिङ पापि योम्‍बोकपेॽ ए़सिॽमेॽमा, तर दुस्‍टबाङ जोगा ले़ःॽमा। [इन्‍ढोङ्‌होङ राज्‍य, बोलनुङ महिमा सानिङ्‌नोॽ हे़ने़ए़न्‍नोॽ ले़ये] आमेन।’

मरकुस 14:7

इन्‍ढोङ्‌होङ गरिबजिगो सानिङ्‌नोॽ हे़निङ्‌नुङ्‌नोॽ टुम्‍मे, हे़निङे़ॽ इन्‍डोक्‍पेॽहोङ्‌सो खोजिमि लागि नुबा योम्‍बोक ले़ःॽहेन्‍डानुमे, तर कागो सानिङ हे़निङ्‌नुङ टुङानि।

लुका 1:79

मोबा सेन्‍जुगुपबेॽ पेङ्‌घुबाजिनुङ सिसिॽपोरोक्‍पॽआ याॽमिजि हिङ्‌मवामि उज्‍यालो पिन्‍डुजे। मोबा मो उज्‍यालोडे़ॽनोॽ कानिङ सान्‍तिमि रामबेॽ राम्‍मराप्‍मिये।”

लुका 6:35

“तर आक्‍टोक ने़ॽनि हे़निङ सिःक्‍चाघुजि नम्‍नम ले़टानुमे, चोपनोॽ नुरोॽ ले़टानुमे, सिङि ङाःक्‍खुबाजिनुङ फिरता ए़ङाःक्‍मे निवाडे़ॽ पिसानुमे। मोडोॽ ले़टानुमहोङ हे़निङे़ॽ बेॽए इनाम चुप्‍मिन्‍डानुमेनुङ निवाहाङ्‌मि पसाजि लिन्‍डानिङे। निवाहाङ्‌डे़ॽको बैगुनिनुङ दुस्‍टा याॽमिजिसो नम्‍नम ले़न्‍डुजे।

लुका 6:9

मोबा येसुडे़ॽ माहा याॽमिजि लुसुजि, “हागो लुङानिङे, कानिङ्‌मि यहुदि धारमिक नियमडे़ॽ नाजामे याकपेॽ इमाङ्‌डे ले़ःॽमा नुये लुटे़ ? भलाइ ले़ःॽमेन्‍डे सुजामे ? हिङ्‌मे़ॽमे लुयेन्‍डे ? सेॽनेमे लुये ?”

युहन्‍ना 17:15

माहाजि मक्‍खाम्‍डेमबाङ लाघे़ॽटे लुनुङ्‌गो बिन्‍ति ले़ःॽटुङ्‌नि, तर खोजि दुस्‍टा सैतानबाङ जोगा ले़टे लुनुङे।

रोमि 12:18

हेःरो चोप याॽमिजिनुङ टोङ्‌जासानिङे।

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 14:19

मोडोगे़ॽ कानिङे़ॽ इक्‍कोसे़ॽ हाइको बिस्‍वासबेॽ वाबुक्‍माराप्‍मे खानुङ सान्‍ति पिमे खाबेॽरेॽ सानिङ निवा टिमा।

रोमि 5:1

मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

रोमि 7:19

इन्‍ढोङ्‌होङ के़ॽ ले़ःॽमा मिॽपॽआ नुबा योम्‍बोक ले़टुङ्‌निबा, तर के़ॽ ले़ःॽमा मे़मिॽपॽआ मङे़हा योम्‍बोक चाहिँ ले़टुङ्‌घे़नुङे।

रोमि 7:21

इडोॽ इक्‍को नियमडे़ॽ योम्‍बोक ले़ःॽपॽआ के़ॽ चुप्‍मिनुङे। के़ॽ नुबा योम्‍बोक ले़ःॽमा मिॽमारोनोॽ मङे़हा योम्‍बोक ले़टिङ्‌बॽआ चुप्‍मिनुङे।

रोमि 8:6

इडोॽ पापि बानि बेहोराबेॽ निवा टिमाबेॽ चाहिँ सिमवाबेॽ रुॽइये, तर पबित्‍रा होङ्‌निवाबेॽ निवा टिमाबेॽ चाहिँ हिङ्‌मवानुङ सान्‍ति चुप्‍मिये।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

१ तिमोथि 6:18

नुबा योम्‍बोक ले़ःॽखुबाजि, बेॽलो नुबा योम्‍बोकमि टाङायोङ्‌बाजि, निवादाङ्‌बाजिनुङ हाइखाजिनुङ हाःजाखुबाजि लिमे लुनुङ आग्‍या पिसाजे।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

हिब्‍रु 13:16

इक्‍कोसे़ॽ हाइकोमि लागि भलाइमि योम्‍बोक ले़ःॽमा ए़लेडानुमे, मोबा टाङ्‌बानुङ टुहा खा हाःजासानुमे, इन्‍ढोङ्‌होङ निवाहाङ्‌डे़ॽ नेन्‍जाबॽआ बलिदान इगोनोॽ ले़ये।

याकुब 4:17

मोडोगे़ॽ असे़ॽ भलाइ ले़ःॽमा खे़ये लुमे खा लेनुङ्‌सो ले़टुनिबा, मोसे़ॽ पाप ले़न्‍डुए।

१ पत्‍रुस 3:12

इन्‍ढोङ्‌होङ निवाहाङ्‌डे़ॽको खोमि पोम्‍बेॽ धरमि हिङ्‌मवा हिङ्‌घुबाजि खाङ्‌इन्‍डुजे, मोबा माहाजिमि पारथना सानिङ खेम्‍इन्‍डुए, तर परमपरभु निवाहाङ्‌मि पोम्‍बेॽ मङे़हा योम्‍बोक ले़ःॽखुबाजि खोसे़ॽ बिरोध ले़न्‍डुजे।

३ युहन्‍ना 1:11

के़ए़ निसा, मङे़हा योम्‍बोक असाबाङ्‌सो ए़ॽचिम्‍मे़, तर भलाइमि योम्‍बोकरेॽ चिम्‍मे़। भलाइ ले़ःॽखुबा निवाहाङ्‌बाङ्‌ए ले़ये, मङे़हा योम्‍बोक ले़ःॽखुबाडे़ॽ निवाहाङ लेनोॽ लेसुनिबा।