१ पत्‍रुस 3:1 - याम्फु

¹ बनिमाजि, हे़निङ्‌मि बनिबाजिमि अधिनबेॽ पेम्‍मा खे़ये। मोडोॽ ले़ःॽमाहोङ निवाहाङ्‌बेॽ बिस्‍वास मे़ले़ःॽखुबा बनिबाडे़ॽ हे़निङ्‌मि चाल चलन खाङ्‌नुङ्‌सो बिस्‍वास ले़न्‍डुए। हे़निङे़ॽ लुमा पाप्‍निबा खोजिटाङ्‌बे़ॽ खोजिमि निवा फेङ्‌इन्‍डुजे।

१ पत्‍रुस 3:1 Iomraidhean Croise

मत्‍ति 18:15

“इक्‍को बिस्‍वासि निसाडे़ॽ हे़ने़ए़ बिरोधबेॽ पाप ले़टुहोङ हे़न्‍जिङ्‌रेॽनोॽ पेन्‍नुङ मो निसामि बिरोङ इःबेॽमे। खोसे़ॽ हे़ने़ए़ खा खेप्‍सुहोङ, हे़ने़ॽ मो निसामि निवा टेआप्‍मिन्‍डुए।

रोमि 10:16

तर मो सुसमाचार खेम्‍घुबाजिबेॽ बेॽलोडे़ॽ बिस्‍वास मे़ले़टुजि, अगमबक्‍ता यसैयाडे़ॽ लुटुए, “हे परभु, कानिङे़ॽ परचार ले़ःॽपॽआ खाबेॽ असे़ॽटे बिस्‍वास ले़टुए ?”

रोमि 6:17

याक्‍लो इक्‍खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्‌मि खा खेम्‍बॽआसे़ॽ निवाबाङ्‌नोॽ पालना ले़टानुमे। इगो खामि लागि निवाहाङ ओहाक पिनुङे़।

रोमि 7:2

इक्‍को खा इःनुङे, इक्‍को मेॽनामिॽ खोमि ठाॽपा हिङ्‌रोरेॽनोॽ फुङ्‌सयामि बन्‍धनबेॽ पेङ्‌इये, तर खोमि ठाॽपा सिघे़ॽहोङ्‌गो खोम ठाॽपामि बन्‍धनबाङ लेक्‍खे़ये।

१ कोरिन्‍थि 11:3

तर हे़निङे़ॽ इगो खा नुरोॽ लेसानुमे लुनुङ के़ॽ मिॽइनिम्‍ने़, खिरिस्‍ट चाहिँ चोप वडाङ्‌पसाजिमि निन्‍डवाँ ले़ये। मोबा बनिबा चाहिँ बनिमामि निन्‍डवाँ ले़ये, खिरिस्‍टमि निन्‍डवाँ चाहिँ निवाहाङ ले़ये।

१ कोरिन्‍थि 14:34

मेॽनामिॽचि मन्‍डलिबेॽ सङ्‌गति लिमे़ॽनिङ्‌सिमाबेॽ योङ उःक्‍मिरो। मोडोक्‍पेॽ माहाजि यामुमा नुबा लिनिबा, तर माहाजि यहुदि नियमडे़ॽ लुडिडोॽ अधिनबेॽ पेम्‍मा खे़ये।

१ कोरिन्‍थि 7:16

असे़ॽ इमा लेमा, बिस्‍वासि बनिमाडे़ॽ टाङ्‌बामि अबिस्‍वासि बनिबा अथबा बिस्‍वासि बनिबाडे़ॽ टाङ्‌बामि अबिस्‍वासि बनिमा येसुबेॽ हिङ्‌मेहेन्‍डुएन्‍डे ?

एफिसि 5:33

इगो नियम हे़निङे़ॽसो पालना ले़ःॽमा खे़ये। मोडोगे़ॽ चोप बनिबाजिडे़ॽ आम्‍निमि बनिमाजि टाङ्‌बामि हिङाडोक्‍नोॽ नम्‍नम ले़ःॽमा खे़ये, मोबा चोप बनिमाजिडे़ॽसो आम्‍निमि बनिबाजि आदर ले़ःॽमा खे़ये।

कलस्‍सि 3:18

बनिमाजि हे़निङ परभुमि पोम्‍बेॽ खेन्‍जानुरो टाङ्‌बामि बनिबाजिमि अधिनबेॽ पेनानिङे।

कलस्‍सि 4:5

येसुबेॽ बिस्‍वास मे़ले़ःॽपॽआजिनुङ बेबहार ले़ःॽमाबेॽ होसियारि लिनुङ बेबहार ले़टानुमे। हे़निङे़ॽ इन्‍डोक्‍पेॽ परचार ले़टोक्‍इन्‍डानुम मोडोक्‍पेॽ निवा टिनुङ परचार ले़टानुमे।

२ थेस्‍लोनिकि 1:8

मोबा निवाहाङ मे़लेघुबाजिनुङ कानिङ्‌मि परभु येसुमि सुसमाचार मे़ङ्‌खेम्‍खुबाजि खो मिमि राप्‍लवाबेॽ लेन्‍नुङ दन्‍डा पिन्‍डुजे।

हिब्‍रु 11:8

बिस्‍वास ले़ःॽनुङ्‌नोॽ निवाहाङ्‌डे़ॽ लुबॽआडोॽ अब्‍राहामडे़ॽ ले़टु। निवाहाङ्‌डे़ॽ हेन्‍ज्‍रुङ हे़म्‍बॽआ देसबेॽ खडे लुनुङ खो लुसु। मो ठाउँ मे़लेरेॽ खो खडे लुबॽआ ठाउँबेॽ खो राम्‍बुगा।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 3:2

इन्‍ढोङ्‌होङ हे़निङ्‌मि चोखोनुङ आदरनुङ्‌मा चाल चलन खोजिडे़ॽ खाङ्‌इन्‍डुजे।

१ पत्‍रुस 3:7

बनिबाजि, हे़निङे़ॽसो टाङ्‌बामि बनिमाजि हे़निङबाङ कमजोर ले़म्‍मे लुमे खा निवाबेॽ नुरोॽ युक्‍सानुमे। हे़निङे़ॽसो खोजि आदर ले़ःॽमा खे़म्‍मे, इन्‍ढोङ्‌होङ खोजिडे़ॽसो हे़निङ्‌नुङ सोरि हिङ्‌मवामि अनुग्‍रहा चुप्‍मिटुजे। इडोॽ हे़निङ्‌मि पारथनाबेॽ इमा बाधा मे़लेङ्‌रो लुनुङ बनिबानुङ बनिमा निप्‍पाङ नुरोॽ टोङ्‌जामा खे़ये।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?