१ पत्‍रुस 2:8 - याम्फु

⁸ धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।

१ पत्‍रुस 2:8 Iomraidhean Croise

लुका 2:34

सिमियोनडे़ॽ खोजि आसिरबाद पिनुङ ओङे़कमि मामा लुसु, “खेप्‍से, इस्‍राएलबेॽहा बेॽलो याॽमिजि छुट्‌कारा ले़ःॽमामि अथबा नासि ले़ःॽमामि निवाहाङ्‌डे़ॽ हे़ने़ए़ पसानोॽ सेङ्‌इटुए, खो चाहिँ निवाहाङ्‌डे़ॽ खाङ्‌मेॽपॽआ चिङ्‌गा ले़ये, खो बेॽलो याॽमिजिडे़ॽ बिरोध ले़ःॽसाङ खोजिमि निवाहोङ्‌सिॽयुहा खा इःन्‍डुजे।

रोमि 9:22

मोडोक्‍नोॽ निवाहाङ्‌मि सुरिगे़ॽनुङ सक्‍तिडे़ॽ नास ले़ःॽमे़ अधिकार टुये, तरसो नासि लिसिॽपोरोक्‍पॽआ याॽमिजिमि लागि खो सारोनोॽ सहनसिल लिनुङ योङ्‌मेन्‍डुहोङ, कानिङे़ॽ इमा ले़ःॽमे़ ?

१ कोरिन्‍थि 1:23

तर कानिङे़ॽ चाहिँ काप्‍सिङ्‌बेॽ बलि लिबॽआ खिरिस्‍टमि सुसमाचार परचार ले़न्‍डुङ्‌मे। इगो खा यहुदिजिमि लागि बाधा पिघुबा खा, मोबा अयहुदिजिमि लागि उम्‍बरिङ खा ले़ये।

२ कोरिन्‍थि 2:16

छुट्‌कारा चुप्‍खुबाजिमि लागिगो इगो नम्‍जानुये हिङ्‌मवा ले़ये, तर नास लिमे़ॽनिङ्‌सिबॽआजिमि लागि चाहिँ इगो सिमवा ले़ये। इडोॽ बेॽएम्‍मा योम्‍बोकमि जिम्‍मा लाहेघुबा असा टुये ?

गलाति 5:11

तर वावानिसानुङ नानुसाजि, के़ॽ हागोसो खतना ले़ःॽमा खे़ये लुनुङ परचार ले़नुङ्‌होङ्‌गो इन्‍ढोङ के़ॽ चुङ्‌जामा खेः आङ्‌मानोॽ सिॽइये ? इगो खाडे़ॽनोॽ छुट्‌कारा ले़टाहोङ्‌गो काप्‍सिङ्‌बेॽए बलिदानमि परचार ले़ःॽमा मे़सिॽटा।

१ थेस्‍लोनिकि 5:9

इन्‍ढोङ्‌होङ निवाहाङ्‌डे़ॽ कानिङ्‌सोक्‍पेॽ सुरिक ओप्‍एम्‍मामि लागि ने़ॽनि, तर परभु येसु खिरिस्‍टबाङ मुक्‍ति पिमामि कानिङ से़ङ्‌इटे़।

१ पत्‍रुस 2:6

इन्‍ढोङ्‌होङ धारमिक नेॽचिराबेॽ इडोॽ साप्‍पॽआ ले़ये, “खाक्‍सानुमे, के़ॽ इक्‍को महान सुर रुङ्‌गोॽवा से़न्‍नुङ सियोनबेॽ युङ्‌इटुङे। खोबेॽ बिस्‍वास ले़ःॽखुबाजि इन्‍डोक्‍पेॽसो ङेम्‍मा सिॽमिनिबा।”

१ पत्‍रुस 2:7

मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।