१ पत्‍रुस 2:7 - याम्फु

⁷ मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

१ पत्‍रुस 2:7 Iomraidhean Croise

मत्‍ति 21:42

येसुडे़ॽ माहाजि लुसुजि, “इमा हे़निङे़ॽ इन्‍डोक्‍पेॽसो धारमिक नेॽचिराबेॽ साप्‍पॽआ इगो खा मे़नेडानुमे ? खिम आङ्‌खुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवानोॽ, सुर टिढाम रुङ्‌गोॽवा लिसा। इगो परभु निवाहाङ्‌बाङ लिबॽआ ले़ये मोबा कानिङ्‌मि लागि इगो खरिमा योम्‍बोक लिटे़।

लुका 2:32

खोनोॽ अयहुदि जातिहा याॽमिजि हे़ने़ए़ राम खाङ्‌मेॽखुबा जोति ले़ये। खोसे़ॽनोॽ हे़ने़हा इस्‍राएलि याॽमिजिमि महिमा ले़ःॽमेन्‍डुए।”

लुका 2:34

सिमियोनडे़ॽ खोजि आसिरबाद पिनुङ ओङे़कमि मामा लुसु, “खेप्‍से, इस्‍राएलबेॽहा बेॽलो याॽमिजि छुट्‌कारा ले़ःॽमामि अथबा नासि ले़ःॽमामि निवाहाङ्‌डे़ॽ हे़ने़ए़ पसानोॽ सेङ्‌इटुए, खो चाहिँ निवाहाङ्‌डे़ॽ खाङ्‌मेॽपॽआ चिङ्‌गा ले़ये, खो बेॽलो याॽमिजिडे़ॽ बिरोध ले़ःॽसाङ खोजिमि निवाहोङ्‌सिॽयुहा खा इःन्‍डुजे।

लुका 20:17

मोबाङ येसुडे़ॽ माहाजि खाङ्‌साङ लुसुजि, “धारमिक नेॽचिराबेॽ इडोॽ साप्‍पॽआ ले़हा, खिम टोङ्‌घुबाजिडे़ॽ हाम्‍बे रुङ्‌गोॽवा फे़न्‍निबा लुसुजि, मोनोॽ सुर युङ्‌ढाम रुङ्‌गोॽवा लिसा।

युहन्‍ना 4:42

माहा याॽमिजिडे़ॽ मो मेॽनामिॽ लुसुजि, “हागो हे़ने़ॽ लुबॽआ खा खेम्‍नुङ्‌रेॽ कानिङे़ॽ बिस्‍वास ले़ःॽपॽआ ने़ॽनि, तर कानिङ टाङ्‌बे़ॽ खोमि बचन खेम्‍नुङ बिस्‍वास ले़ए़टुङ्‌मे़। चइबानोॽ खो मक्‍खाम्‍डेमबेॽए मुक्‍तिदाङ्‌बा ले़ये लेः लुनुङ कानिङे़ॽ लेसुङ्‌मा।”

एप्‍पा चोङ्‌सा 26:19

“हे हाङ्‌बा अग्‍रिपास, थाङ्‌सिरिबाङ चुप्‍पॽआ इगो सेन्‍जिसेम्‍माङ निवाबेॽ युङ्‌नुङ पेङ्‌हेङानि।

रोमि 10:21

तर इस्‍राएलिजिमि टुम्‍बेॽ निवाहाङ्‌डे़ॽ इडोॽ लुये, “के़ॽ लुबॽआ मे़ङ्‌खसिखुबाजि मोबा काङ्‌मि बिरोध ले़ःॽखुबा याॽमिजि के़ःॽसाङ खोजिमि लागि के़ॽ लेल्‍ले हुक खिक्‍सुङ।”

रोमि 15:31

यहुदिया सहरबेॽ टुघुबा अबिस्‍वासि याॽमिजिबाङ का जोगा ले़ःॽमामि लागि, मोबा यरुसलेमबेॽहा पबित्‍रा याॽमिजिमि लागि के़ॽ याङ्‌घे़ॽपॽआ सहायोगमि भेटि खोजिडे़ॽ साप्‍थाङ्‌मानुङ लासुजिरो लुनुङ पारथना ले़ःॽपेॽमाजे।

२ कोरिन्‍थि 2:16

छुट्‌कारा चुप्‍खुबाजिमि लागिगो इगो नम्‍जानुये हिङ्‌मवा ले़ये, तर नास लिमे़ॽनिङ्‌सिबॽआजिमि लागि चाहिँ इगो सिमवा ले़ये। इडोॽ बेॽएम्‍मा योम्‍बोकमि जिम्‍मा लाहेघुबा असा टुये ?

कलस्‍सि 2:10

खिरिस्‍टनोॽ चोप सासननुङ अधिकारमि मायोङ्‌बा ले़ये। खोमिन्‍नोॽ हिङ्‌मवाबेॽ हे़निङ पुरा लिजाटानिङे।

तितस 3:3

इन्‍ढोङ्‌होङ कानिङ टाङ्‌बासो याक्‍लो उम्‍बरिङ, लुबॽआ मे़ङ्‌खेम्‍खुबा, मोबा फाङ्‌सिघे़ॽपॽआ ले़टिङ्‌मा। कानिङ मङे़ॽमा खामि अधिनबेॽ टुसिङ्‌मा मोबा बेभिचारनुङ बेॽलो खालहा मङे़हा सुख बिलास ले़ःॽमा मिनिङ्‌मे़। कानिङ चेजेवा ले़ःॽमानुङ पेनिङ्‌मे़। याॽमिजिडे़ॽ सिॽचासामेनुङ कानिङ टाङ्‌बा सिॽचाघुसे़ॽ चुसिङ्‌मे़।

हिब्‍रु 11:31

बिस्‍वास ले़ःॽपॽआसे़ॽनोॽ बेस्‍या योम्‍बोक ले़ःॽखुबा राहाब लुमे मेॽनामिॽडे़ॽ खुस्‍रिङ्‌मु खा खुसिॽ लेङ्‌खुबा इस्‍राएलिजि हिङ्‌माराप्‍टुजि मोबा खोमदाङ्‌बासो हिक्‍सा।

हिब्‍रु 4:11

मोडोगे़ॽ कानिङ मो नाजामे ठाउँबेॽ पे़खे़ॽमामि बोल ले़ःॽमा, मोबा निवाहाङ्‌मि खा मे़ङ्‌खेम्‍खुबा इस्‍राएलिजि नास लिडिडोॽ कानिङ असासो नासि ए़ॽलिमा।

१ पत्‍रुस 1:8

हे़निङे़ॽ खो मे़ङ्‌खाङ्‌डोक्‍नुङ्‌सो नम्‍नम ले़न्‍डानुम, खो आइरो मे़खाङ्‌डोक्‍टिॽरोसो खोबेॽ बिस्‍वास ले़न्‍डानुमेनुङ लुनोॽ लुहेनिबा बेॽएम्‍मा महिमा, हाङ्‌हाङ्‌डे़ॽ हे़निङ साप्‍थाङ्‌इन्‍डानिङ।

१ पत्‍रुस 2:4

खोबेॽ खडानिङे, खो हिङ्‌रिक रुङ्‌गोॽवा ले़ये। याॽमिजिडे़ॽ खो फे़न्‍निबा लुनुङ राप्‍पेसुजि, तर निवाहाङ्‌डे़ॽ खोनोॽ से़नु, खो बेॽलोनोॽ मोलनुङ्‌मा ले़ये।

१ पत्‍रुस 2:8

धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।