१ पत्‍रुस 2:5 - याम्फु

⁵ हे़निङ्‌सो हिङ्‌रिक रुङ्‌गोॽवाडोॽ लिनुङ खडानिङे मोबा निवाहाङ्‌मि मन्‍दिर लिमामि लागि टाङ्‌बा चेॽटिबेसानुमे। मोबेॽ हे़निङे़ॽ येसु खिरिस्‍टमि राम्‍बाङ निवाहाङ्‌डे़ॽ नेन्‍जामारोमा आत्‍मिक बलि चेॽटिखुबा पबित्‍रा याडाङ्‌बामि योम्‍बोक ले़न्‍डानुमे।

१ पत्‍रुस 2:5 Iomraidhean Croise

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

रोमि 15:16

इक्‍को याडाङ्‌बाडे़ॽ निवाहाङ्‌मि पोम्‍बेॽ नेन्‍जामारोमा भेटि चेॽटिबॽआडोॽ के़ॽसो माहा अयहुदि याॽमिजि सुसमाचार खेम्‍मेॽनुङ, पबित्‍रा होङ्‌निवाबाङ चोखो टोङ्‌नुङ निवाहाङ्‌डे़ॽ नेन्‍जोन्‍डुए भेटिडोॽ खोमि पोम्‍बेॽ लाजे़टुङ्‌हाजि।

१ कोरिन्‍थि 3:16

इमा हे़निङ निवाहाङ्‌मि मन्‍दिर ले़न्‍डानिङे मोबा खोमि होङ्‌निवा हे़निङ्‌बेॽ पेङ्‌इये लुमे खा लेसानुम्‍ने ?

१ कोरिन्‍थि 3:9

इन्‍ढोङ्‌होङ कानिङ चाहिँ निवाहाङ्‌मि योम्‍बोक ले़ःॽखुबा सेवाकजि ले़न्‍डिङ्‌मा, हे़निङ चाहिँ निवाहाङ्‌मि रोपा ले़न्‍डानिङे, मोबा हे़निङ मन्‍दिर ले़न्‍डानिङे।

१ कोरिन्‍थि 6:19

इमा हे़निङ्‌मि हिङा पबित्‍रा होङ्‌निवामि मन्‍दिर ले़ये लुमे खा हे़निङे़ॽ लेसानुम्‍ने ? निवाहाङ्‌डे़ॽ पिबॽआ पबित्‍रा होङ्‌निवानोॽ हे़निङ्‌मि हिङाहोङ्‌सिॽयु पेङ्‌इये। हे़निङ टाङ्‌बानोक्‍सो हे़निङ्‌मि ने़ॽनिबा।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

फिलिप्‍पि 2:17

हे़निङे़ॽ परभुबेॽ ले़ःॽपॽआ बिस्‍वासनुङ निवाहाङ्‌मि योम्‍बोक चाहिँ बलिदानडोॽ ले़ये, मोबेॽ काङ्‌मि हिङ्‌मवामि बलि पिमा सिॽसो का साप्‍थाङ्‌इङे। इगो साप्‍थाङ्‌मे खाबेॽ हे़निङ्‌सो कानुङ सोरि साप्‍थाक्‍सानिङे।

फिलिप्‍पि 4:18

के़ॽ इन्‍डोक चुप्‍मा खडे़, मोबाङ्‌सो बेॽलोनोॽ चुप्‍मिटुङे। इपाफोरडिटसमि हुकबाङ हे़निङे़ॽ पाङ्‌बॽआ भेटि चुप्‍नुङ का हाङ्‌हाङ लिटिङे। हे़निङे़ॽ पाङ्‌बॽआ भेटि चाहिँ निवाहाङ्‌डे़ॽ लामारोमानुङ नेन्‍जामारोमा बलिदानडोॽ ले़ये।

कलस्‍सि 3:17

हे़निङे़ॽ इमाङ ले़न्‍डानुमे, इमाङ इःन्‍डानुमे माहा चोप परभु येसुमि निङ्‌बेॽनोॽ ले़टानुमे, मोबा खोबाङ्‌नोॽ निवाहाङ पाबा ओहाङ पिसानुमे।

१ तिमोथि 3:15

मोडोगे़ॽ का आप्‍मा ढिलो लिङाहोङ्‌सो मन्‍दिरबेॽहा याॽमिजिमि चाल चलन इन्‍डोक्‍मा टुमा खे़ये खा इगो पत्‍राबाङ लेन्‍डुए। मन्‍दिरबेॽहाजि लुबॽआ चाहिँ हिङ्‌रिक निवाहाङ्‌मि मन्‍डलिनुङ चाइबमा खामि खाँबानुङ जग ले़ये।

हिब्‍रु 3:6

तर खिरिस्‍ट चाहिँ मन्‍दिरबेॽए भरोसानुङ्‌मा पसा ले़ये। मोडोक्‍नोॽ कानिङे़ॽसो टाङ्‌बामि आसामि खाबेॽ ए़क्‍साङ्‌ठोक भरोसानुङ बिस्‍वास ले़ःॽमाहोङ कानिङ्‌सो खोमि खिमबेॽहा याॽमिजि लिन्‍डिङ्‌मा।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

१ पत्‍रुस 4:11

यामुमे बरदान चुप्‍खुबे़ॽ निवाहाङ्‌मि बचन यामुसुजिरो, सेवा ले़ःॽखुबे़ॽ निवाहाङ्‌मि सक्‍तिबाङ सेवा ले़टुरो। मोडोक्‍नोॽ येसु खिरिस्‍टबेॽ चोप खाबाङ निवाहाङ्‌मिन्‍नोॽ महिमा लिरो। सानिङ खोमिन्‍नोॽ चोप्‍पाङबेॽए आदरनुङ माहिमा लिरो। आमेन।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?

परकास 1:6

खोसे़ॽ खोमि पाबा निवाहाङ्‌मि राज्‍यबेॽ सेवामि योम्‍बोक ले़ःॽखुबा याडाङ्‌बा कानिङ टोङ्‌इटे़। खोमि आदरनुङ अधिकार सानिङ टुडुङ्‌घे़ॽरो। आमेन।

परकास 20:6

इघाजि चाहिँ आसिस चुप्‍खुबाजिनुङ पबित्‍रा लिघुबाजि ले़म्‍मे। इघाजि हाइको सिमवामि सक्‍तिडे़ॽ इमाङ्‌सो ले़ःॽहेसुजिनिबा। इघाजि चाहिँ निवाहाङ्‌मिनुङ येसु खिरिस्‍टमि पुजा ले़ःॽखुबा याडाङ्‌बा लिनुङ खिरिस्‍टनुङ इक हजार निङ्‌ठोक राज्‍य ले़न्‍डुजे।

परकास 3:12

असे़ॽ हेजोन्‍डुए, मोनोॽ के़ए़ निवाहाङ्‌मि मन्‍दिरमि इक्‍को खाँबा टोङ्‌इनुङे, मोबा सानिङ्‌मि लागि मो मोबेॽए लिये, मोबेॽ निवाहाङ्‌मि निङ, मोबा थाङ्‌सिरिबाङ उङ्‌इये चोङ सहर यरुसलेममि निङ्‌नुङ टाङ्‌बामि चोङ निङ्‌सो मोबेॽ साप्‍मिनुङे।”

परकास 5:10

मोबा निवाहाङ हे़ने़ॽ माहाजि हे़ने़ए़ सेवा ले़ःॽमामि याडाङ्‌बाजि टोक्‍सुजि, मोबा माहाजिडे़ॽ मक्‍खाम्‍डेमबेॽ राज्‍य ले़न्‍डुजे।”