१ पत्‍रुस 2:4 - याम्फु

⁴ खोबेॽ खडानिङे, खो हिङ्‌रिक रुङ्‌गोॽवा ले़ये। याॽमिजिडे़ॽ खो फे़न्‍निबा लुनुङ राप्‍पेसुजि, तर निवाहाङ्‌डे़ॽ खोनोॽ से़नु, खो बेॽलोनोॽ मोलनुङ्‌मा ले़ये।

१ पत्‍रुस 2:4 Iomraidhean Croise

मत्‍ति 11:28

“होउ याःक्‍चाघे़ॽपॽआनुङ खाल खालहा कोगे़ॽ टिप्‍पॽआ याॽमिजि, काबेॽ आबानिङे, के़ॽ हे़निङ नाजाढाम ठाउँ पिनिम्‍ने़।

मत्‍ति 12:18

“के़ॽ से़म्‍बॽआ, के़ॽ नम्‍नम ले़ःॽपॽआ सेवाक इगोनोॽ ले़ये। इगोनुङ का साप्‍थाङ्‌इटिङे, इगोबेॽ काङ्‌मि होङ्‌निवा युङ्‌इनुङे मोबा खोसे़ॽनोॽ चोप जातिहा याॽमिजि न्‍यायमि टुम्‍बेॽ परचार ले़न्‍डुजे।

मत्‍ति 21:42

येसुडे़ॽ माहाजि लुसुजि, “इमा हे़निङे़ॽ इन्‍डोक्‍पेॽसो धारमिक नेॽचिराबेॽ साप्‍पॽआ इगो खा मे़नेडानुमे ? खिम आङ्‌खुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवानोॽ, सुर टिढाम रुङ्‌गोॽवा लिसा। इगो परभु निवाहाङ्‌बाङ लिबॽआ ले़ये मोबा कानिङ्‌मि लागि इगो खरिमा योम्‍बोक लिटे़।

युहन्‍ना 14:19

हागो इॽछोॽ ए़क्‍साङ मक्‍खाम्‍डेमबेॽहा याॽमिजिडे़ॽ का खाङ्‌डोक्‍हेमिने, तर हे़निङे़ॽ चाहिँ का खाङ्‌डोक्‍हेन्‍डानुमे। का हिङ्‌रिक ले़ःॽपॽआसे़ॽ हे़निङ्‌सो हिङ्‌रिक लिन्‍डानिङे।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 5:26

इन्‍ढोङ्‌होङ पाबा खोमदाङ्‌बाबेॽ हिङ्‌मवा टुये, मोडोक्‍नोॽ खोसे़ॽ खोम्‍पसासो हिङ्‌मवा पिहेमे अधिकार पिटुए।

युहन्‍ना 5:40

तरसो हे़निङ ए़ॽसिमे हिङ्‌मवा चुप्‍सिॽ काबेॽ लेस्‍सानिङ्‌नि।

युहन्‍ना 6:37

काङ्‌मि पाबाडे़ॽ पिबॽआ चोप काबेॽ लेङ्‌इम्‍मेनुङ काबेॽ लेङ्‌घुबाजि इन्‍डोक्‍पेॽसो के़ॽ याःॽयासुङ्‌जिनि।

युहन्‍ना 6:57

हिङ्‌रिक पाबाडे़ॽ का पाक्‍सिङ, मोडोगे़ॽ का पाबाडे़ॽ ले़ःॽमे़ॽ हिङ्‌इङे, मोडोक्‍नोॽ का चाघुबाजिसो काङ्‌मि कारनडे़ॽ हिङ्‌इम्‍मे।

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

१ कोरिन्‍थि 3:11

इन्‍ढोङ्‌होङ मो जग चाहिँ येसु खिरिस्‍ट ले़ये। खोबाङ हाइखा असे़ॽसो हाइको जग ए़ङ्‌हेसुजिनि।

कलस्‍सि 3:4

खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

१ पत्‍रुस 1:19

हे़निङ खिरिस्‍टमि इन्‍नोॽइन्‍हेनिबा हरिडे़ॽ छुट्‌कारा पिटे़। खो चोखो, इक्‍कोसो आप्‍टिक मे़ॽनिङ्‌मा थुमा ले़टा।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

१ पत्‍रुस 2:7

मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।