१ पत्‍रुस 2:24 - याम्फु

²⁴ खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 2:24 Iomraidhean Croise

मत्‍ति 27:26

मोबा पिलातसडे़ॽ माहाजिमि लागि बारब्‍बा लेप्‍पेॽटुजि, तर येसु चाहिँ कोरराडे़ॽ मोःक्‍नुङ काप्‍सिङ्‌बेॽ किङ्‌नेमामि खोजिनोॽ जिम्‍माबेॽ पिहाक्‍सुजि।

मत्‍ति 5:20

मोडोगे़ॽ के़ॽ हे़निङ लुनिम्‍ने़, हे़निङे़ॽ यहुदि धारमिक नियम इःॽखुबाजिनुङ फरिसिजिबाङ्‌सो नुरोॽ आग्‍या पालना मे़ले़टानुमहोङ थाङ्‌सिरिमि राज्‍यबेॽ पे़खे़ॽहेसानिङ्‌नि।

मत्‍ति 8:17

इडोॽ यसैया अगमबक्‍ताडे़ॽ लुबॽआ खा पुरा लिसा, “खोसे़ॽ कानिङ्‌मि कमजोरिनुङ कानिङ्‌मि टुक्‍मा खेः आक्‍सु।”

मरकुस 15:15

मोबा पिलातसडे़ॽ माहा याॽमिजि साप्‍थाङ्‌मेॽमामि लागि बारब्‍बा लेप्‍पेसु। येसु कोरराडे़ॽ मोःक्‍नुङ हे़निङे़ॽनोॽ काप्‍सिङ्‌बेॽ किङ्‌नेसानुमे लुनुङ खोजि जिम्‍मा पिसुजि।

लुका 4:18

“परभु निवाहाङ्‌मि होङ्‌निवा काबेॽ टुये, “इन्‍ढोङ्‌होङ गरिब याॽमिजि सुसमाचार खेम्‍मेॽसिॽ खोसे़ॽ का से़न्‍इटिङे। “से़क्‍सिघे़ॽपॽआजि छुट्‌कारा पिसिॽ, “मिक मे़ए़ॽखुबाजि ए़ःॽमे़ॽसिॽ, “चुङ्‌सिघे़ॽपॽआजि छुट्‌कारा पिसिॽ

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 19:1

मोबा पिलातसडे़ॽ येसु चिॽखे़ॽनुङ कोरराडे़ॽ मोःक्‍मामि हुकुम पिसुजि।

एप्‍पा चोङ्‌सा 10:35

तर खो आदर ले़ःॽखुबानुङ खोसे़ॽ लुबॽआडोॽ योम्‍बोक ले़ःॽखुबा चोप जातिहा याॽमिजि निवाहाङ्‌डे़ॽ नेन्‍जोन्‍डुजे।

एप्‍पा चोङ्‌सा 10:39

मोबा येसुडे़ॽ यरुसलेमनुङ यहुदिया देसबेॽ ले़ःॽपॽआ चोप योम्‍बोकमि कानिङ साक्‍छि टुन्‍डिङ्‌मा। खो यहुदिजिडे़ॽ काप्‍सिङ्‌बेॽ किङ्‌नेसुजि।

एप्‍पा चोङ्‌सा 13:29

खोमि टुम्‍बेॽ धारमिक नेॽचिराबेॽ साप्‍पॽआ खा पुरा लिसा मोबा माहाजिडे़ॽ खो काप्‍सिङ्‌बाङ रिओक्‍नुङ येःॽमाबेॽ युक्‍सुजि।

एप्‍पा चोङ्‌सा 5:30

हे़निङे़ॽ काप्‍सिङ्‌बेॽ किङ्‌डिनुङ सेॽनेबॽआ येसु कानिङ्‌मि टुबालाबाजिमि निवाहाङ्‌डे़ॽ फेरि हिङ्‌बोॽइटुए।

रोमि 6:11

इडोक्‍नोॽ हे़निङ्‌सो टाङ्‌बामि पापमि लागि सिबॽआनुङ निवाहाङ्‌मि लागि खिरिस्‍टनुङ सोरि हिङ्‌बोक्‍पॽआ मिॽमा खे़ये।

रोमि 6:13

हे़निङ्‌मि हिङाबेॽहा अङ्‌ग हागो पापि योम्‍बोकपेॽ ए़ॽटिसानुमे। मोमि साटो हे़निङ सिबॽआबाङ हिङ्‌बोक्‍पॽआ याॽमिडोॽ टाङ्‌बा निवाहाङ्‌डे़ॽ नेन्‍जामे योम्‍बोकपेॽ टिसानुमे। हे़निङ्‌मि हिङामि चोप अङ्‌ग धारमिक योम्‍बोक ले़ःॽमामि पिबेसानुमे।

रोमि 6:16

हे़निङे़ॽ लेन्‍डानुमे, असामि खा खेम्‍नुङ खोमि योम्‍बोक ले़न्‍डानुम, मोमिन्‍नोॽ सेउते लिन्‍डानिङे, मोडोगे़ॽ पापमि सेउते लिसानिङ्‌होङ हे़निङ सिन्‍डानिङे, निवाहाङ्‌मि आग्‍या पालना ले़टानुमहोङ धरमि लिन्‍डानिङे।

रोमि 6:2

आक्‍टोॽ ने़ॽनि, कानिङ पापमि लागि सिघे़टिङ्‌मे, मोडोगे़ॽ हागोसो कानिङे़ॽ इन्‍ढोङ पाप ले़टुङ्‌घे़ॽमे़ ?

रोमि 6:22

तर हागो हे़निङ पापबाङ लेॽखे़ॽनुङ निवाहाङ्‌मि सेउते लिटानिङे। इगो खाडे़ॽ हे़निङ पबित्‍रा लिघे़ॽमे टोङ्‌इटे़ मोबा हे़निङ ए़ॽसिमे हिङ्‌मवा पिये।

रोमि 6:7

इन्‍ढोङ्‌होङ सिघे़ॽपेबॽआ याॽमि चाहिँ पापमि अधिनबाङ लेॽखे़ॽपेटे़।

रोमि 7:6

हागो कानिङ अधिनबेॽ युङ्‌खुबा धारमिक नियममि लागि सिघे़टिङ्‌मे़नुङ धारमिक नियममि अधिनबाङ फुक्‍का लिटिङ्‌मे़। इन्‍ढोङ्‌होङ कानिङ खिरिस्‍टनुङ सिघे़ॽपॽआसे़ॽ पुरानो धारमिक नियमडोॽ ने़ॽनि, तर पबित्‍रा होङ्‌निवामि चोङ हिङ्‌मवाडोॽ सेवा ले़न्‍डुङ्‌मा।

१ कोरिन्‍थि 15:3

के़ॽ चुप्‍पॽआ इगो चोप्‍पाङ बेॽए खानोॽ हे़निङ पिबेनिम्‍ने़। मो खा लुबॽआ धारमिक नेॽचिराडे़ॽ लुडिडोॽ खिरिस्‍ट कानिङ्‌हा पापमि लागि सिसा।

२ कोरिन्‍थि 6:17

मोडोगे़ॽ परमपरभु खोमटाङ्‌बे़ॽ लुये, “हे़निङे़ॽ माहाजि लेॽपेसानुमे अक्‍खाजिनुङ हाःघे़ॽनुङ पेनानिङे। असुद्‌ध खा इमाङ्‌सो ए़ॽके़गानुमे, मोबा हे़निङ काङ्‌मि खिमबेॽहाजि टोङ्‌इनिम्‍ने़।”

गलाति 3:13

खिरिस्‍टडे़ॽ कानिङ्‌मि लागि चापहिमा खिघे़ॽनुङ काप्‍सिङ्‌बेॽ सिघडा, मोसे़ॽनोॽ कानिङ यहुदि धारमिक नियममि चापहिमाबाङ छुट्‌कारा ले़टा। इन्‍ढोङ्‌होङ धारमिक नेॽचिराडे़ॽ लुये “सिङ्‌बुबेॽ किङ्‌नेबॽआ चोपबेॽ चापहिमा सिॽइये।”

एफिसि 5:9

इन्‍ढोङ्‌होङ जोतिमि चा चाहिँ चोप खालहा भलाइ, धारमिक खानुङ चाइबमा ले़ये।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

कलस्‍सि 2:14

मोबा कानिङ्‌मि बिरोधबेॽ साप्‍पॽआ चोप आप्‍टिक पत्‍रानुङ मोबेॽ साप्‍पॽआ नियम येसुडे़ॽ खोनुङ्‌नोॽ काप्‍सिङ्‌बेॽ किला ठाक्‍नुङ नासि ले़पेटुहा।

कलस्‍सि 2:20

हे़निङे़ॽको खिरिस्‍टनुङ सोरि सिनुङ इगो मक्‍खाम्‍डेमबेॽहा पापि निवाबाङ फुक्‍का चुप्‍मिटानुमे, इन्‍ढोङ हे़निङ इगो मक्‍खाम्‍डेमबेॽहा याॽमिजिडोक्‍नोॽ हिङ्‌इन्‍डानिङे ? इन्‍ढोङ हे़निङे़ॽ “इगो के़क्‍मा फे़न्‍निबा, इगो सेप्‍मा फे़न्‍निबा, इगो राःप्‍मा फे़न्‍निबा” लुमे नियम पालना ले़न्‍डानुमे ? मोबा हे़निङ छुट्‌कारा चुप्‍नुङ्‌सो इन्‍ढोङ “सुःप्‍मा फे़न्‍नि, सेप्‍मा फे़न्‍नि, राःप्‍मा फे़न्‍नि लुमे नियम पालना ले़न्‍डानुमे ?”

कलस्‍सि 3:3

इन्‍ढोङ्‌होङ हे़निङ सिघे़टानिङे, हे़निङ्‌मि हिङ्‌मवा निवाहाङ्‌बेॽ खिरिस्‍टनुङ चुम्‌युङ्‌बॽआ ले़हा।

हिब्‍रु 10:10

निवाहाङ्‌डे़ॽ मिॽपॽआ मो योम्‍बोक येसु खिरिस्‍टमि इकखेॽ चेॽटिबॽआ बलिबाङ पुरा लिसा। खोमि मो बलिबाङ कानिङ चोप पापबाङ पबित्‍रा टोक्‍सा।

हिब्‍रु 10:5

मोडोगे़ॽ मक्‍खाम्‍डेमबेॽ खिरिस्‍ट उङ्‌माबेॽ खोसे़ॽ निवाहाङ इडोॽ लुसु, “हे़न भेटिनुङ बलि चाहिँ मे़म्‍पाप्‍टा, तर हे़ने़ॽ के़ए़ हिङा बलिमि लागि का पिटिङे।

हिब्‍रु 12:13

सोझो मरामबेॽ सानिङ राप्‍सानिङे, मोबाङ थोप्‍थोप्‍मा टुम्‍रुक बोलियो टोक्‍सानुमे।

हिब्‍रु 7:26

खोडोॽमानोॽ इक्‍को चोप्‍पाङ एप्‍पा याडाङ्‌बा कानिङ्‌मि लागि पाप्‍मिये। खो पबित्‍रा ले़ये, आप्‍टिक मे़ॽनिङ्‌मा ले़ये, खोट मे़ॽनिङ्‌मा ले़ये, खो पापि याॽमिजिबाङ खोरोमा ले़ये, मोबा खो चोप्‍पाङ मिॽटु थाङ्‌सिरिबेॽ युङ्‌इटुए।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

याकुब 5:16

मोडोगे़ॽ हे़निङ्‌मि रुम्‍बेॽ इक्‍कोसे़ॽ हाइकोमि बिरोधबेॽ ले़ःॽपॽआ पाप टुहोङ आम्‍लाङ ङाःक्‍खुसे़ॽचुसानिङे। हे़निङ नुबुक्‍मामि लागि इक्‍कोसे़ॽ हाइकोमि लागि पारथना ले़टानुमे। धारमिक याॽमिमि पारथना सक्‍तिनुङ्‌मा ले़ये, मोबाङ बेॽए योम्‍बोक लिहेये।

१ युहन्‍ना 2:29

खिरिस्‍ट धरमि ले़ये लुनुङ हे़निङे़ॽ लेबेटानुमे। मोडोगे़ॽ हे़निङे़ॽ लेसानुमे, निवाहाङ्‌मि पोम्‍बेॽ चाइबमा योम्‍बोक ले़ःॽखुबा चाहिँ निवाहाङ्‌मिन्‍नोॽ पसाजि लिन्‍डानिङे।

१ युहन्‍ना 3:7

होउ ए़द्‌रिहा नानिजि, असे़ॽसो हे़निङ मे़म्‍फाङ्‌सेॽमिरो, असे़ॽ ठिक योम्‍बोक ले़न्‍डु, मो धरमि ले़ये, खिरिस्‍टसो धरमि ले़ये।

परकास 22:2

मो यिवा सहरमि राममि रुम्‍बाङ यिःॽखे़ॽमे़ॽनिङ्‌सिडा। मो यिवामि निगे़ङ्‌लामनोॽ हिङ्‌मवामि डाङ टुसा, मो डाङ्‌बेॽ इक निङ्‌बेॽ बारो खालहा चा किङ्‌इये। इक्‍को महिनाबेॽ इक्‍को खालमा चा किङ्‌इये, मो डाङ्‌मि आॽवा चाहिँ जाति जातिजि नुबोक्‍मे सिडा ले़टाहा।