१ पत्‍रुस 2:23 - याम्फु

²³ माहा याॽमिजिडे़ॽ येसु अपमान ले़ःॽमाबेॽ, मोमि साटो खोसे़ॽ इमाङ्‌सो मे़लुसुजि। दुःख आङ्‌माबेॽसो खोसे़ॽ असासो इमा मे़लुसुजि, तर ठिक न्‍याय ले़ःॽखुबा निवाहाङ्‌सोक्‍पेॽ भरोसा ले़टु।

१ पत्‍रुस 2:23 Iomraidhean Croise

लुका 23:41

काजिङे़ॽको मङे़ॽहा योम्‍बोक ले़ःॽपॽआसे़ॽ मोमि दन्‍डा आङ्‌मे़ॽनिङ्‌सिन्‍जुङे, तर खोसे़ॽको इमाङ्‌सो मङे़ॽमा योम्‍बोक मे़ले़ःॽलेॽसो दन्‍डा आङ्‌मे़ॽनिङ्‌सिन्‍डुए।”

लुका 23:46

मोबा येसु बेॽए सेम्‍लाडे़ॽ इडोॽ वोसा, “हे के़ए़ पाबा, के़ए़ होङ्‌निवा हे़ने़ए़ हुकपेॽ युङ्‌इनुङे” लुनुङ खोमि सोःक्‍मा खडा।

लुका 23:9

खोसे़ॽ बेॽलो खा येसु सिप्‍सु, तर येसुडे़ॽ इमाङ्‌सो मे़लुसु।

एप्‍पा चोङ्‌सा 17:31

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि न्‍याय ले़ःॽमे याक पक्‍का ले़पेटुए। मो यिडे़ॽ खोसे़ॽ से़न्‍बॽआ याॽमिबाङ मक्‍खाम्‍डेमबेॽहा याॽमिजिमि न्‍याय ले़न्‍डुए। चोप याॽमिजि न्‍याय ले़ःॽमे अधिकार खोबेॽ टुये लुमे खा पक्‍का ले़ःॽमेॽमामि लागिनोॽ निवाहाङ्‌डे़ॽ खो सिघे़ॽपॽआबाङ हिङ्‌बोइटुए।”

एप्‍पा चोङ्‌सा 4:29

हागो हे परभु, कानिङ किस्‍सिमा उक्‍मेॽखुबाजिडे़ॽ पिबॽआ खाबेॽ निवा टिसे। मोबा हे़ने़ए़ योम्‍बोक ले़ःॽखुबाजि हे़ने़हा खा मे़ङ्‌किस्‍सिरेॽ खेम्‍मेॽहेमे सक्‍ति पिमायो।

एप्‍पा चोङ्‌सा 7:59

माहाजिडे़ॽ रुङ्‌गोॽवाडे़ॽ फे़ङ्‌मे़ॽनिङ्‌सिमाबेॽ स्‍तिफनसडे़ॽ परभुनुङ इडोॽ लुसु, “हे परभु येसु, के़ए़ सोःक्‍मा हे़ने़ॽ लाघे़ॽटे।”

एप्‍पा चोङ्‌सा 9:1

तर सावलडे़ॽ परभुमि चोङ्‌साजि चोप सेॽनेनुङ्‌हाजि लुनुङ किस्‍सिमा उक्‍मे़ॽसाङ राम्‍डुसे़। मोबा खो चोप्‍पा एप्‍पा याडाङ्‌बाबेॽ खे़ॽनुङ दमस्‍कस लुमे ठाउँमि यहुदिजि सुम्‍ढाम खिमबेॽ टुघुबा चोप एप्‍पाजि के़ए़ टुम्‍बेॽ इक्‍को पत्‍रा साप्‍पेॽमा लुनुङ बिन्‍ति ले़टु। परभुमि राम टिङ्‌खुबा मेॽनामिॽ, वडाङ्‌पसा राःप्‍नुङ यरुसलेमबेॽ लाजे़ॽनुङ सजाय पिमे अधिकार ङाःगु।

रोमि 2:5

तरसो हे़निङ लुबॽआ खा मे़ङ्‌खेम्‍खुबाजि लिनुङ निवाहाङ्‌बेॽ मे़न्‍टेबॽआसे़ॽ बेॽलो सुरके़ॽमेन्‍डानुम। मोडोगे़ॽ खो सुरिक्‍पेॽ न्‍याय ले़ःॽसिॽ लेम्‍माबेॽ खोबाङ हे़निङे़ॽ बेॽलो दन्‍डा चुप्‍मिन्‍डामे।

एफिसि 6:9

मायोङ्‌बाजेओ, हे़निङे़ॽसो टाङ्‌बामि सेउतेजि नुबा बेबहार ले़टानुमेनुङ खोजि किस्‍सिमा उक्‍मा लेडानुमे, इन्‍ढोङ्‌होङ हे़निङ्‌नुङ माहाजिमि मायोङ्‌बा थाङ्‌सिरबेॽ इक्‍कोनोॽ टुयेनुङ खोसे़ॽ असासो पक्‍छेपात ले़ःॽटुनिबा लुनुङ लेसानुमे।

२ थेस्‍लोनिकि 1:5

इघा चोप खा निवाहाङ्‌मि राज्‍यमि लागि हे़निङ योग्‍य टोङ्‌घुबा मोबा ठिक न्‍याय ले़ःॽखुबा ले़ये लुमे खामि टुम्‍बेॽ लेघुबा खोनोॽ ले़ये। मोमि लागिनोॽ हे़निङे़ॽ खेःसो आङ्‌मे़ॽनिङ्‌सिन्‍डानुमे।

२ तिमोथि 1:12

मोडोगे़ॽ इघा खामि लागि खेः आङ्‌मे़ॽनिङ्‌सिनुङे। तर का इघामि लागि खेः आङ्‌मा ङेसिङानि इन्‍ढोङ्‌होङ के़ॽ असासोक्‍पेॽ बिस्‍वास ले़ःॽए़टुङे मो के़ॽ नुरोॽ लेनुङे़। निवाहाङ्‌डे़ॽ का जिम्‍मा पिबॽआ योम्‍बोक खोसे़ॽनोॽ मो याकठोक जोगबा ले़ङे लुनुङ का ढुक्‍का ले़ङे।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

हिब्‍रु 12:3

माहा पापि याॽमिजिबाङ मोढे़ॽलो बिरोधनुङ खेः आङ्‌खुबा येसु मिॽखाक्‍सानुमे, मोबा हे़निङ याःक्‍चाघडानिङ्‌निनुङ हरेस चासानुम्‍नि।

१ पत्‍रुस 3:9

हे़निङ मङे़ॽमा ले़ःॽखुबा हाइखा याॽमिजि हे़निङे़ॽसो मङे़ॽमा ए़ले़टानुमे, खोजिडे़ॽ चापहिमिहोङ्‌सो हे़निङे़ॽ चाहिँ खोजि मोडोक्‍नोॽ ए़ले़टानुमे। बोरु मोमि साटो आसिस पिसानुमे, इन्‍ढोङ्‌होङ निवाहाङ्‌डे़ॽ हे़निङ आसिस पिमामि लागिनोॽ के़ॽपॽआ ले़ये।

१ पत्‍रुस 4:19

मोडोगे़ॽ निवाहाङ्‌मि याॽमिजि लिमाबेॽ दुःख आङ्‌घुबाजिडे़ॽ सानिङ्‌नोॽ नुबा योम्‍बोक ले़ःॽमा खे़ये, मोबा सिरिस्‍टिदाङ्‌बा निवाहाङ्‌बेॽ चोप भरोसा ले़ःॽमा खे़ये। खोसे़ॽ हे़म्‍बॽआ हेन्‍ज्‍रुङ सानिङ पुरा ले़न्‍डुए।

परकास 19:11

के़ॽ थाङ्‌सिरि हेम्‍बोक्‍पॽआनुङ मोबेॽ इक्‍को उथ्‍रिॽमा घोडा खाङ्‌डोक्‍टुङ। मो घोडासोक्‍पेॽ सवारि लिघुबामि निङ “बिस्‍वासनुङमानुङ” “चाइबमा” लुये। खोसे़ॽ ठिक न्‍याय ले़न्‍डुएनुङ ङेः ले़न्‍डुए।