१ पत्‍रुस 2:2 - याम्फु

² हागोनोॽ टोक्‍पॽआ ओङे़कडे़ॽ डुडु उङ्‌मा मिॽटिडोॽ, हे़निङ चाहिँ निवाहाङ्‌मि चाइबमा बचनमि सगे़ॽ सिसानिङे मोसे़ॽ हे़निङ मुक्‍तिबेॽ पक्‍का लिन्‍डानिङे।

१ पत्‍रुस 2:2 Iomraidhean Croise

मत्‍ति 18:3

“चइबानोॽ हे़निङ लुनिम्‍ने़, टाङ्‌बामि निवा फेन्‍नुङ हे़निङ इगो पिच्‍छाडोॽ ए़डे़म्‍मा मे़लिसानिङ्‌होङ इन्‍डोक ले़ःॽनुङ्‌सो थाङ्‌सिरिमि राज्‍यबेॽ पे़खे़ॽहेसानिङ्‌नि।

मत्‍ति 19:14

तर येसुडे़ॽ लुसुजि, “ओङे़कजि काबेॽ आप्‍मेॽटानुमे, खोजि ए़ॽसे़गानुमे, इन्‍ढोङ्‌होङ निवाहाङ्‌मि राज्‍यगो इडोक्‍हाजिमिनोॽ ले़ये।”

मरकुस 10:15

चइबानोॽ हे़निङ लुनिम्‍ने़ निवाहाङ्‌मि राज्‍य इक्‍को एडे़ॽमा पिच्‍छाडे़ॽडोॽ मे़मिॽटुहोङ खो मोबेॽ पे़खे़ॽहेनिबा।”

लुका 18:17

चइबानोॽ के़ॽ हे़निङ लुनिम्‍ने़, निवाहाङ्‌मि राज्‍य ए़द्‌रिहा पिच्‍छाजिमिडोक्‍मा चोखो निवाडे़ॽ मिॽमाहोङ्‌रेॽ खोमि राज्‍यबेॽ पे़खे़ॽटोॽइये।”

रोमि 6:4

मोडोगे़ॽ बप्‍तिस्‍मा लामाबेॽ कानिङ्‌सो खोनुङ्‌नोॽ सिनुङ हुम्‍सिघे़टिङ्‌मा, मोबा निवाहाङ पाबामि महिमामि सक्‍तिडे़ॽ खिरिस्‍ट सिबॽआबाङ हिङ्‌बोगु, मोडोक्‍नोॽ कानिङ्‌सो याक्‍लोमा पापि हिङ्‌मवा सिनुङ हागो चोङ हिङ्‌मवाबेॽ खिरिस्‍टडोक्‍नोॽ हिङ्‌इन्‍डिङ्‌मे।

१ कोरिन्‍थि 14:20

वावानिसानुङ नानुसाजि, मिॽमे खाबेॽ पिच्‍छाडोॽ ए़लिसानिङे। मङे़हा खामि टुम्‍बेॽ चाहिँ पिच्‍छाडोॽ इमाङ मे़लेघुबा लिसानिङे, तर मिॽमे खाबेॽ चाहिँ पाको याॽमिडोॽ लिसानिङे।

एफिसि 2:21

खोसे़ॽनोॽ चोप खिम योम्‍नुङ टोङ्‌इन्‍डुए, मोबा खोसे़ॽनोॽ इगो वाबुक्‍मेॽसाङ निवाहाङ पेन्‍ढाम पबित्‍रा मन्‍दिर टोङ्‌इन्‍डुए।

एफिसि 4:15

कानिङ नम्‍नमनुङ्‌मा चाइबमा खा यामुमानुङ खिरिस्‍टडोॽ लिघे़ॽमा। खिरिस्‍ट चाहिँ कानिङ्‌मि निन्‍डवाँ ले़ये।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ पत्‍रुस 1:23

निवाहाङ्‌मि हिङ्‌रिकनुङ सानिङ टुडुङ्‌घे़ये बचनबाङ चोङ लिनुङ हे़निङ फेरि टोॽइटानिङे। हे़निङ नासि लिघुबा पाबामि पसाजि ने़ॽनि, तर नासि लिनिबा पाबामि पसाजि लिटानिङे।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।