१ पत्‍रुस 2:19 - याम्फु

¹⁹ निवाहाङ मिॽसाङ असे़ॽहोङ्‌सो अन्‍यायनुङ्‌मा खेः आक्‍सुहोङ निवाहाङ्‌डे़ॽ खो आसिस पिये।

१ पत्‍रुस 2:19 Iomraidhean Croise

लुका 6:32

“नम्‍नम ले़ःॽखुबाजिरेॽ हे़निङे़ॽसो नम्‍नम ले़न्‍डानुमहोङ्‌गो हे़निङे़ॽ ओहाक चुप्‍मे इमाङ योम्‍बोक ले़टानुमे ? पापिजिडे़ॽसो खोजि नम्‍नम ले़ःॽखुबाजिरेॽनोॽ नम्‍नम ले़न्‍डुजे।

युहन्‍ना 15:21

इडोॽ खोजिडे़ॽ हे़निङ के़ॽ ले़ःॽमे़ चुङ्‌जाम्‍मे, इन्‍ढोङ्‌होङ खोजिडे़ॽ का पाङ्‌घुबा लेसुजिने।

एप्‍पा चोङ्‌सा 11:23

बारनाबास एन्‍टिओकबेॽ लेम्‍माबेॽ मोबेॽहा याॽमिजि निवाहाङ्‌डे़ॽ नम्‍नावानुङ आसिस पिबॽआ खाङ्‌डोक्‍नुङ बेॽलो साप्‍थाक्‍सा। खोसे़ॽ मोबेॽहा बिस्‍वासिजि सानिङ्‌नोॽ परभुबेॽ नुरोॽ बिस्‍वास ले़ःॽमे लुनुङ अरति पिसुजि।

रोमि 13:5

मोडोगे़ॽ दन्‍डाबेॽ ए़सिॽमामि लागिरेॽनोॽ ने़ॽनि, इडोॽ ले़ःॽमा नुबा ले़ये लुनुङ टाङ्‌बामि निवे़ॽ मिॽनुङ माहा सासकजिमि अधिनबेॽ पेम्‍मा खे़ये।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

२ कोरिन्‍थि 1:12

मक्‍खाम्‍डेमबेॽहा याॽमिजिनुङ मोबाङ्‌सो बेॽलो हे़निङ्‌नुङ सोरि पेम्‍माबेॽ कानिङ्‌मि चाल चलन चोखो युङ्‌नुङ इमान्‍दार हिङ्‌बॽआ खा निवाबाङ इमाङ मे़मिॽलेॽ लुहेन्‍डुङ्‌मा। इघा खाबेॽ कानिङ ओहाक कान्‍डिङ्‌मे़। इगो चाइबमा निवा कानिङे़ॽ निवाहाङ्‌बाङ चुप्‍मिटुङ्‌मे। इगो निवाहाङ्‌मि अनुग्‍रहाबाङ चुप्‍पॽआ ले़ये, तर याॽमिमि निवा ने़ॽनिबा।

२ कोरिन्‍थि 8:1

वावानिसानुङ नानुसाजि, निवाहाङ्‌डे़ॽ माकेडोनियामि मन्‍डलिबेॽहाजि ले़ःॽपॽआ अनुग्‍रहामि टुम्‍बेॽ हे़निङ लुबेॽमा मिॽइन्‍डुङ्‌मे़।

२ तिमोथि 1:12

मोडोगे़ॽ इघा खामि लागि खेः आङ्‌मे़ॽनिङ्‌सिनुङे। तर का इघामि लागि खेः आङ्‌मा ङेसिङानि इन्‍ढोङ्‌होङ के़ॽ असासोक्‍पेॽ बिस्‍वास ले़ःॽए़टुङे मो के़ॽ नुरोॽ लेनुङे़। निवाहाङ्‌डे़ॽ का जिम्‍मा पिबॽआ योम्‍बोक खोसे़ॽनोॽ मो याकठोक जोगबा ले़ङे लुनुङ का ढुक्‍का ले़ङे।

हिब्‍रु 10:2

माहा जिवातमि हरिडे़ॽ याॽमिमि पाप वासोक्‍हेसुहोङ्‌गो इन्‍ढोङ फोरेन फोरेन बलि चेॽटिमा पाप्‍टे़ ? माहा चेॽटिखुबा याॽमिजिमि पाप बलिमि हरिडे़ॽ वासोक्‍खडाहोङ्‌गो माहाजिमि पाप इकखेॽपेॽनोॽ वासोक्‍खडे़न्‍डि, मोबा ए़क्‍साङ खोजिमि निवाबेॽ पापनोॽ मे़लेम्‍मा खडे़न्‍डि ?

१ पत्‍रुस 2:20

मङे़ॽमा योम्‍बोक ले़ःॽनुङ दन्‍डा चुप्‍मागो खे़ये, तर नुबा योम्‍बोक ले़ःॽनुङ्‌सो दुःख आङ्‌इन्‍डानुमहोङ निवाहाङ्‌डे़ॽ आसिस पिये।

१ पत्‍रुस 4:15

तर हे़निङ असे़ॽसो याॽमि सेॽखुबा, खुघुबा, मङे़हा योम्‍बोक ले़ःॽखुबा, हाइखाजिमि योम्‍बोकपेॽ बाधा ले़ःॽखुबा याॽमिडे़ॽ आङ्‌बॽआडोॽ दुःख ए़आक्‍सानुमे।