१ पत्‍रुस 2:16 - याम्फु

¹⁶ पापबाङ फुक्‍क लिबॽआ याॽमिडोॽ पेनानिङे, तर फुक्‍क लिबेटिङ्‌मा लुनुङ मङे़हा योम्‍बोक ए़ले़टानुमे बोरु निवाहाङ्‌मि सेवाक लिनुङ पेनानिङे।

१ पत्‍रुस 2:16 Iomraidhean Croise

मत्‍ति 23:13

“हे़निङ इनामा, हे़निङ धारमिक नियम इःॽखुबानुङ फरिसिजि! कप्‍टिजि, इन्‍ढोङ्‌होङ हे़निङे़ॽ याॽमिजिमि पोम्‍बेॽ थाङ्‌सिरिमि राम्‍डेम से़ॽइन्‍डानुमे। हे़निङ्‌टाङ्‌बासो पे़खडानिङ्‌ने, हाइखाजिसो पे़खे़ॽमेॽटानुम्‍ने।

युहन्‍ना 15:22

“का लेन्‍नुङ मे़लुबेॽपॽआ ले़टाहोङ खोजि पापमि आप्‍टिकनुङ्‌मा मे़लिसामि, तर हागोगो खोजिडे़ॽ पाप ले़ःॽमामि इमाङ्‌सो बहाना ले़ःॽटोक्‍टुजिने।

रोमि 6:18

हे़निङ पापमि अधिनबाङ लेॽखे़ॽनुङ निवाहाङ्‌मि धरमि योम्‍बोक ले़ःॽखुबा सेउते लिटानिङे।

रोमि 6:22

तर हागो हे़निङ पापबाङ लेॽखे़ॽनुङ निवाहाङ्‌मि सेउते लिटानिङे। इगो खाडे़ॽ हे़निङ पबित्‍रा लिघे़ॽमे टोङ्‌इटे़ मोबा हे़निङ ए़ॽसिमे हिङ्‌मवा पिये।

१ कोरिन्‍थि 7:22

इन्‍ढोङ्‌होङ सेउते चाहिँ परभुमि फुक्‍का याॽमि लिमामि लागि के़ए़टे़, मोडोक्‍नोॽ फुक्‍का याॽमि चाहिँ खिरिस्‍टमि सेउते लिमामि लागि से़न्‍इटे़।

गलाति 5:1

खिरिस्‍टडे़ॽ कानिङ छुट्‌कारा पिबॽआ ले़ये। मोडोगे़ॽ हे़निङ फुक्‍का याॽमि लिटानिङे, इडोगे़ॽ हे़निङ बोलियो लिनुङ पेनानिङे मोबा हागोसो यहुदि धारमिक नियममि अधिनबेॽ पेम्‍मा ए़योगानिङे।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

एफिसि 6:6

हे़निङे़ॽ योम्‍बोक ले़ःॽमाबेॽ हे़निङ्‌मि मायोङ्‌बामि पोम्‍बेॽ खाङ्‌मुमामि लागिरेॽ योम्‍बोक ए़ले़टानुमे, तर खिरिस्‍टमि सेउतेडोॽ लिनुङ निवा होङ्‌सिॽयुबाङ निवाहाङ्‌डे़ॽ नेन्‍जबॽआ योम्‍बोक ले़टानुमे।

कलस्‍सि 3:24

इन्‍ढोङ्‌होङ हे़निङ इनाम पिनिम्‍ने़ लुनुङ हेन्‍ज्‍रुङ हे़न्‍खुबा परभुनोॽ ले़ये लुनुङ हे़निङे़ॽ लेन्‍डानुमे। मोबा हे़निङे़ॽ सेवा ले़ःॽपॽआ खिरिस्‍टनोॽ हे़निङ्‌मि परभु ले़ये।

१ थेस्‍लोनिकि 2:5

इगो खा हे़निङे़ॽसो नुरोॽ लेन्‍डानुम, कानिङे़ॽ चानुये खा इःनुङ हे़निङ मे़रेम्‍डिॽ। मोडोक्‍रेॽ ने़ॽनि कानिङे़ॽ हे़निङ्‌बाङ इमाङ्‌सो चुप्‍मे आसा मे़ले़ःॽटुङ्‌मा। इगो खामि साक्‍छि निवाहाङ्‌नोॽ टुये।

याकुब 1:25

तर असे़ॽ याॽमिजि छुट्‌कारा पिहेखुबा सुद्‌ध नियम खेम्‍नुङ निवाबाङ पालना ले़न्‍डुए। खोसे़ॽ खोमि चोप योम्‍बोकपेॽ आसिस चुप्‍मिन्‍डुए।

याकुब 2:12

याॽमि फुक्‍का ले़ःॽखुबा यहुदि धारमिक नियमडे़ॽ पाको लिबॽआ याॽमिडे़ॽ यामुडिडोॽनुङ ले़टिडोॽ हे़निङे़ॽ ले़टानुमे।

२ पत्‍रुस 2:19

माहाजिडे़ॽ चाहिँ छुट्‌कारा ले़ःॽनिम्‍ने़ लुनुङ हेन्‍ज्‍रुङ हे़न्‍इन्‍डुजे, तर खोजि टाङ्‌बानोॽ नासि ले़ःॽखुबा बानिमि सेउते लिम्‍मे। हाम्‍बे खाडे़ॽ याॽमि हेजोन्‍डुए, मो खामिन्‍नोॽ याॽमि सेउते लिये।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।