१ पत्‍रुस 1:8 - याम्फु

⁸ हे़निङे़ॽ खो मे़ङ्‌खाङ्‌डोक्‍नुङ्‌सो नम्‍नम ले़न्‍डानुम, खो आइरो मे़खाङ्‌डोक्‍टिॽरोसो खोबेॽ बिस्‍वास ले़न्‍डानुमेनुङ लुनोॽ लुहेनिबा बेॽएम्‍मा महिमा, हाङ्‌हाङ्‌डे़ॽ हे़निङ साप्‍थाङ्‌इन्‍डानिङ।

१ पत्‍रुस 1:8 Iomraidhean Croise

मत्‍ति 10:37

असे़ॽ काबाङ्‌सो बेॽलो खोमि पाबा अथबा मामा नम्‍नम ले़न्‍डुए खो काङ्‌मि चाइबमा चोङ्‌सा लिहेनिबा। मोडोक्‍नोॽ असे़ॽ काबाङ्‌सो बेॽलो खोम पसाजि नम्‍नम ले़न्‍डुजिहोङ मो याॽमि काङ्‌मि चोङ्‌सा लिहेनिबा।

युहन्‍ना 14:15

“हे़निङे़ॽ का नम्‍नम ले़न्‍डानिङ्‌होङ काङ्‌मि आग्‍या पालना ले़न्‍डानुमे।

युहन्‍ना 14:21

असे़ॽ काङ्‌मि आग्‍या पालना ले़न्‍डुए मोसे़ॽ का नम्‍नम ले़ये। मोबा का नम्‍नम ले़ःॽखुबा काङ्‌मि पाबाडे़ॽसो नम्‍नम ले़न्‍डुए। के़ॽ मो नम्‍नम ले़नुङेनुङ खोबेॽ खाङ्‌मुङे।”

युहन्‍ना 14:24

तर का नम्‍नम मे़ले़ःॽखुबे़ॽ के़हा बचन पालना ले़टुनि। हे़निङे़ॽ खेम्‍बॽआ इगो बचन काङ्‌मि ने़ॽनि, तर का पाङ्‌घुबा पाबाबाङ ले़ङ्‌इटे़।

युहन्‍ना 16:22

मोडोक्‍नोॽ आयु हे़निङ सोकबेॽ टुन्‍डानिङे, तर का फेरि हे़निङ चुप्‍सिॽ लेम्‍माबेॽ हे़निङ साप्‍थाङ्‌मानुङ हाङ्‌हाङ ले़न्‍डानुमे। मो हाङ्‌हाङ असे़ॽसो हे़निङ्‌बाङ ङाप्‍खे़ॽहेसुजिनि।

युहन्‍ना 20:29

येसुडे़ॽ थोमा लुसु, “हे़ने़ॽको का खाङ्‌डोक्‍नुङ बिस्‍वास ले़टिङा, तर असे़ॽ का मे़ङ्‌खाङ्‌डोक्‍नुङ्‌सो बिस्‍वास ले़म्‍मे, माहाजि बेॽलो आसिसित ले़म्‍मे।”

युहन्‍ना 8:42

येसुडे़ॽ माहाजि लुसुजि, “निवाहाङ हे़निङ्‌मि पाबा ले़टाहोङ्‌गो हे़निङे़ॽ का नम्‍नम ले़टानिङ होला, इन्‍ढोङ्‌होङ का निवाहाङ्‌बाङ लेङ्‌इटिङे। का काङ्‌दाङ्‌बा लेम्‍बॽआ ने़ॽनि, निवाहाङ्‌डे़ॽ का पाङ्‌इटिङे।

एप्‍पा चोङ्‌सा 16:34

मोबा ए़क्‍साङ पावलनुङ सिलास खोमि खिमबेॽ चिॽखे़ॽनुङ चामा हिक्‍सुजि। खोनुङ खोमि खिमबेॽहाजिडे़ॽ निवाहाङ्‌बेॽ बिस्‍वास ले़ःॽपॽआसे़ॽ बेॽलो माहाजि हाङ्‌हाङ मिनामि।

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

१ कोरिन्‍थि 16:22

असे़ॽ परभु नम्‍नम ले़टुनिबा मोमि हिङ्‌मवाबेॽ चापहिमा सिॽरो। हे कानिङ्‌मि परभु चान्‍डो लेस्‍से!

२ कोरिन्‍थि 1:22

मोबा खोमिनोॽ ले़ये लुनुङ कानिङ्‌बेॽ पबित्‍रा होङ्‌निवामि छाप टिटे़। इडोॽ कानिङ्‌मि निवाबेॽ पबित्‍रा होङ्‌निवा बैनाडोॽ पिबेटे़।

२ कोरिन्‍थि 12:4

मोबा मोबेॽ खोसे़ॽ याॽमिमि खाप्‍लाबेॽ इःनोॽ इःहेनिहा खा खेप्‍सु, माहा खा निवाहाङ्‌डे़ॽ याॽमिजि मे़इःमेॽटा।

२ कोरिन्‍थि 4:18

कानिङ खाङ्‌मुहा खामि लागि ने़ॽनि, तर खाङ्‌मुनिहा खाबेॽ निवा टिन्‍डुङ्‌मे, इन्‍ढोङ्‌होङ खाङ्‌मुहा खा चाहिँ इॽछोॽमि लागि ले़हा, तर खाङ्‌मुनिहा खा चाहिँ सानिङ टुडुङ्‌घे़हा।

२ कोरिन्‍थि 5:7

मोडोगे़ॽ कानिङ खाङ्‌मुहा खाबेॽ ने़ॽनि, तर बिस्‍वासबाङ हिङ्‌इन्‍डिङ्‌मे।

२ कोरिन्‍थि 9:15

इगो लुमा योक्‍माबेॽसो लुहेनिबा निवाहाङ्‌डे़ॽ पिबॽआ बरदानमि लागि खो ओहाकयो।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

एफिसि 3:19

मोबा याॽमिमि निवाडे़ॽ लेहेनिबा खिरिस्‍टमि नम्‍नम लेहेसानुमे, मोबा हे़निङ्‌मि चोप बेबहार निवाहाङ्‌डे़ॽ नेन्‍जामारोमा लिरो लुनुङ पारथना ले़नुङे।

एफिसि 6:24

कानिङ्‌मि परभु येसु खिरिस्‍ट नम्‍नम ले़ःॽखुबाजि चोपबेॽ खोमि अनुग्‍रहा टुडुङ्‌घे़ॽरो।

फिलिप्‍पि 1:25

इगो खामि टुम्‍बेॽ के़ॽ चइबानोॽ लेनुङे़। हे़निङ बिस्‍वासबेॽ वाबोक्‍मामि लागिनुङ हे़निङ बेॽलो हाङ्‌हाङ्‌मि लागि का हिङ्‌इङे।

फिलिप्‍पि 3:3

इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

फिलिप्‍पि 4:4

परभुबेॽ सानिङ हाङ्‌हाङ ले़टानिङे, के़ॽ फेरिसो लुनिम्‍ने, हाङ्‌हाङ ले़टानिङे।

हिब्‍रु 11:1

बिस्‍वास ले़ःॽमा लुबॽआ चाहिँ आसा ले़ःॽपॽआ खाबेॽ ढुक्‍का लिमानुङ मे़ङ्‌खाङ्‌बॽआ खाबेॽ पुरा भरोसा ले़ये।

हिब्‍रु 11:27

बिस्‍वासमि भोरबेॽनोॽ फारो हाङ्‌बामि सुरिकमिसो ले़क्‍खो मे़ले़ःॽलेॽ मोसाडे़ॽ मिस्‍रा देससो याःॽयानुङ निवाहाङ्‌नोॽ चुप्‍टिडोॽ भरोसा ले़ःॽनुङ ए़ङ्‌गुवालाम मे़न्‍टेसा।

१ पत्‍रुस 1:6

इगो खामि लागि हे़निङ साप्‍थाक्‍सानिङे, तर हागो इॽछोॽमि लागि हे़निङे़ॽ खाल खालहा दुःखनुङ खेः आङ्‌मा खे़ये।

१ पत्‍रुस 2:7

मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।