१ पत्‍रुस 1:7 - याम्फु

⁷ नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

१ पत्‍रुस 1:7 Iomraidhean Croise

मत्‍ति 19:28

येसुडे़ॽ माहाजि लुसुजि, “चइबानोॽ, हे़निङ लुनिम्‍ने़, असा असा कानुङ राम्‍इटानिङे, याॽमिमि पसा चोङ राज्‍यबेॽ महिमानुङ्‌मा हाङ्‌पेन्‍ढामबेॽ पेङ्‌इये, मोडोक्‍पेॽ हे़निङ्‌सो इक्‍पोङ निच्‍चि हाङ्‌पेन्‍ढामबेॽ पेङ्‌इन्‍डानिङे, मोबा इस्‍राएलमि बारो कुलसोक्‍पेॽ न्‍याय ले़न्‍डानुमे।

मत्‍ति 25:21

मायोङ्‌बाडे़ॽ खो लुसु, ‘हे़न ओहाक, नुबानुङ बिस्‍वासि सेउते! हे़न ए़डे़ॽवा खाबेॽ बिस्‍वासनुङ्‌मा लिसा, हागो हे़न बेॽलो खामि जिम्‍मा पिन्‍ने़, हे़न कानुङ सोरि साप्‍थाक्‍से।’

मत्‍ति 25:23

मोमि मायोङ्‌बाडे़ॽ खो लुसु, ‘हे़न ओहाक, नुबानुङ बिस्‍वासि सेउते, हे़न ए़डेॽवा खाबेॽ बिस्‍वासनुङ्‌मा लिसा, हागो हे़न बेॽलो खामि जिम्‍मा पिन्‍ने़, हे़नसो कानुङ साप्‍थाक्‍से।’

लुका 12:33

हे़निङे़ॽ टाङ्‌बामि याङ्‌सरावा इन्‍जानुङ माहा याङ इमाङ मे़ङ्‌काप्‍खुबाजि पिसानुमे। टाङ्‌बामि लागि सानिङ्‌नोॽ टुढुङ्‌घे़ये भकारि टोङ्‌नुङ इन्‍डोक्‍पेॽसो रुक्‍खे़ॽनिहा याङ्‌सरावा थाङ्‌सिरिॽटु सुप्‍सानुमे। मोबेॽको खुसुबाङे़ॽसो खुसुजिनि, पुजिकडे़ॽसो चोसुजिनि।

लुका 17:30

याॽमिमि पसा फेरि खाङ्‌मुमे याकपेॽसो मोडोक्‍नोॽ लिये।

युहन्‍ना 12:26

काङ्‌मि योम्‍बोक ले़ःॽमा मिॽखुबा कानुङ राम्‍मा खे़ये। का हाम्‍बेॽ हाम्‍बेॽ खे़ॽए़ङे, काङ्‌मि योम्‍बोक ले़ःॽमा मिॽखुबासो मोबेॽनोॽ खे़ॽमा खे़ये। काङ्‌मि पाबाडे़ॽ खो खाङ्‌इन्‍डुए।”

युहन्‍ना 5:44

हे़निङ इक्‍कोसे़ॽ हाइकोबाङ आदर योॽइन्‍डानुमे तर निवाहाङ्‌बाङ चुप्‍मिये आसिस नेन्‍जासानुम्‍निहोङ हे़निङे़ॽ इन्‍डोक्‍टे बिस्‍वास ले़ःॽहेन्‍डानुमे ?

एप्‍पा चोङ्‌सा 8:20

तर पत्‍रुसडे़ॽ मो लुसु, “हे़ने़हा याङ हे़न्‍नुङ्‌नोॽ नासि लिरो। इन्‍ढोङ्‌होङ हे़ने़ॽको निवाहाङ्‌मि बरदानसो याङ्‌डे़ॽ इङ्‌हेनुङे मिॽटु।

रोमि 2:10

तर नुबा योम्‍बोक ले़ःॽखुबा चोपजि याक्‍लो यहुदिजि मोबा अयहुदिजिसो इजेत, आदरनुङ सान्‍ति पिन्‍डुजे।

रोमि 2:29

निवाहोङ्‌बाङ्‌नोॽ धारमिक नियम पालना ले़ःॽखुबा चाहिँ चाइबमा यहुदि लिये, मोडोक्‍नोॽ निवाहोङ्‌बाङ लिबॽआ खतना चाहिँ चाइबमा खतना ले़ये। इडोक्‍मा खतना ले़ःॽखुबा याॽमिमि ओहाङ याॽमिजिबाङ ने़ॽनि, निवाहाङ्‌बाङ लिये।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 8:19

सिरिस्‍टिडे़ॽ सारोनोॽ आसा ले़ःॽनुङ निवाहाङ पाबामि पसाजि खाङ्‌मुये याक हुङ्‌मे़ॽनिङ्‌सिन्‍डुए।

१ कोरिन्‍थि 3:13

तर चोप याॽमिजिमि नुबानुङ मङे़हा योम्‍बोक न्‍यायमि याकपेॽ निवाहाङ्‌डे़ॽ जाँच ले़न्‍डुहा। माहाजिडे़ॽ ले़ःॽपॽआ योम्‍बोक इन्‍डोॽ ले़ये लुनुङ मिबाङ जाँच लिहा।

१ कोरिन्‍थि 4:5

मोडोगे़ॽ हे़निङे़ॽ असामिसो न्‍याय ए़ले़टानुमे, परभु मे़लेङ्‌रो हुक्‍सानुमे। खोसे़ॽ सेन्‍जुगुप्‍पेॽ चुम्‌युङ्‌बॽआ खा खाङ्‌मुन्‍डुहानुङ याॽमिमि निवाहोङ्‌सिॽयुहा खा खाङ्‌मुन्‍डुहा। मोबा चोप याॽमिजिडे़ॽ चुप्‍मा खे़ये ओहाक निवाहाङ्‌बाङ चुप्‍मिन्‍डुजे।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 1:5

हे़निङ्‌मि बिस्‍वासडे़ॽ ले़ःॽमे़ॽ निवाहाङ्‌मि सक्‍तिडे़ॽ हे़निङ मुक्‍तिमि लागि जोगाबा ले़ए़टे़। मो मुक्‍ति हे़निङ्‌मि लागि पोरोक्‌युबॽआ ले़येनुङ मो ए़क्‍साङ्‌ए बेलाबेॽ खाङ्‌मुये।

१ पत्‍रुस 2:4

खोबेॽ खडानिङे, खो हिङ्‌रिक रुङ्‌गोॽवा ले़ये। याॽमिजिडे़ॽ खो फे़न्‍निबा लुनुङ राप्‍पेसुजि, तर निवाहाङ्‌डे़ॽ खोनोॽ से़नु, खो बेॽलोनोॽ मोलनुङ्‌मा ले़ये।

१ पत्‍रुस 2:7

मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

१ पत्‍रुस 4:12

के़ॽ नम्‍नम ले़ःॽपॽआ निसाजि, दुःखनुङ खेःबाङ हे़निङ्‌मि जाँच लिमे़ॽनिङ्‌सिये, तर इन्‍ढोङ्‌डे इडोॽ लिसे़ लुनुङ हे़निङ खरि ए़मिनानिङे।

१ पत्‍रुस 4:13

तर खिरिस्‍टडे़ॽ आङ्‌बॽआ दुःखबेॽ खोनुङ सोरि आक्‍सुङ्‌मा लुनुङ हाङ्‌हाङ मिनानिङे, मोबा ए़क्‍साङ खो बेॽए महिमानुङ खाङ्‌मुमाबेॽ साप्‍थाङ्‌हेन्‍डानिङे।

१ पत्‍रुस 5:1

हागो के़ॽ हे़निङ्‌मि मन्‍डलिबेॽहा एल्‍रडजि लुनिम्‍ने़, कासो इक्‍को एल्‍डरनोॽ ले़ःॽपॽआसे़ॽ, मोबा खिरिस्‍टडे़ॽ आङ्‌बॽआ दुःख के़ॽनोॽ खाङ्‌इटुङे, ए़क्‍साङ खाङ्‌मुये महिमामिसो साझेदार लिबॽआ नाताडे़ॽ हे़निङ इडोॽ लुनिम्‍ने़।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।

परकास 2:10

हे़निङ्‌मि हिङ्‌मवाबेॽ लेङ्‌सिॽपोरोक्‍पॽआ खेःबाङ ए़क्‍किसिडानिङे। खेप्‍सानुमे, सैतानडे़ॽ हे़निङ इन्‍डोक जनाजिमि बिस्‍वास जाँच ले़ःॽमामि तिरिङ्‌गा खिमबेॽ से़ॽइये। हे़निङ इक्‍पोङ याकठोकरेॽ चुङ्‌जामा खेः आङ्‌मेये, तर हे़निङे़ॽ सिमा सिॽहोङ्‌सो बिस्‍वास ले़ःॽमा ए़लेडानुमे। हे़निङे़ॽ बिस्‍वास ले़ःॽमा मे़लेडानुमहोङ के़ॽ हिङ्‌मवामि मुकुट पिनिम्‍ने़।

परकास 3:10

हे़निङे़ॽ चोप खालहा खेः आङ्‌मा सिॽमाबेॽसो बचन पालना ले़ःॽपॽआसे़ॽ, इगो मक्‍खाम्‍डेमबेॽहा चोप याॽमिजिमि जाँच ले़ःॽसिॽ लेङ्‌इये बेॽएम्‍मा खेःबाङ के़ॽ हे़निङ जोगा ले़न्‍निम्‍ने़।

परकास 3:18

मोडोगे़ॽ हे़निङ याङ्‌सरावादाङ्‌बा ले़न्‍डानिङ्‌होङ सुना से़ङ्‌से़ङ, उक्‍चुङ्‌रेक टे़क्‍मामि उथ्‍रिॽमा चेॽ, मोबा मिक ए़ःॽमामि लागि सिडा काबाङ इनानुमे लुनुङ सल्‍लहा पिनिन्‍ने़।