१ पत्‍रुस 1:5 - याम्फु

⁵ हे़निङ्‌मि बिस्‍वासडे़ॽ ले़ःॽमे़ॽ निवाहाङ्‌मि सक्‍तिडे़ॽ हे़निङ मुक्‍तिमि लागि जोगाबा ले़ए़टे़। मो मुक्‍ति हे़निङ्‌मि लागि पोरोक्‌युबॽआ ले़येनुङ मो ए़क्‍साङ्‌ए बेलाबेॽ खाङ्‌मुये।

१ पत्‍रुस 1:5 Iomraidhean Croise

युहन्‍ना 12:48

का बिस्‍वास मे़ले़ःॽखुबानुङ काङ्‌मि खा मे़खेम्‍खुबामि न्‍याय ले़ःॽखु इक्‍को टुये। के़ॽ लुबॽआ बचनडे़ॽनोॽ ए़क्‍साङ्‌ए यिडे़ॽ मो न्‍याय ले़न्‍डुए।

युहन्‍ना 17:15

माहाजि मक्‍खाम्‍डेमबाङ लाघे़ॽटे लुनुङ्‌गो बिन्‍ति ले़ःॽटुङ्‌नि, तर खोजि दुस्‍टा सैतानबाङ जोगा ले़टे लुनुङे।

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

रोमि 11:20

इगो खा चाइबमा ले़ये, माहाजिडे़ॽ बिस्‍वास मे़ले़ःॽपॽआसे़ॽ माहा हक्‍काम्‍बाजि चेन्‍नुङ राप्‍खडामि। हे़निङे़ॽ चाहिँ बिस्‍वास ले़ःॽपॽआसे़ॽ निवाहाङ्‌डे़ॽ कलमि काम्‍डिटे़। इगो खाबेॽ काङायोङ्‌बा ए़लिसानिङे, तर होसियार ले़टानिङे।

रोमि 8:18

इगो हिङ्‌मवाबेॽ आङ्‌बॽआ दुःख खेःबाङ ए़क्‍साङ कानिङे़ॽ चुप्‍मिये महिमा चाहिँ बेॽए ले़ये।

१ कोरिन्‍थि 1:21

याॽमिजिमि टाङ्‌बामिनोॽ निवाडे़ॽ निवाहाङ लेहेसुजिने लुमे़ खा निवाहाङ्‌डे़ॽ लेबॽआसे़ॽ खोमिनोॽ निवामि सक्‍तिबाङ सुसमाचार खेम्‍मेॽमाबेॽ याॽमिजिडे़ॽ उम्‍बरिङ मिॽटुजे, मो सुसमाचारनोॽ खेम्‍नुङ बिस्‍वास ले़ःॽखुबा याॽमिजि निवाहाङ्‌डे़ॽ हिङ्‌मेॽमा मिॽटु।

२ कोरिन्‍थि 1:24

हे़निङ्‌मि बिस्‍वासबेॽ कानिङ्‌मि अधिकार ले़ःॽमा योक्‍पॽआ ने़ॽनिबा, इन्‍ढोङ्‌होङ बिस्‍वासबेॽको हे़निङ बोलियो ले़न्‍डानिङ। हे़निङ्‌मि हाङ्‌हाङ्‌मि लागि हे़निङ निवा टोङ्‌नुङ योम्‍बोक लेन्‍डानुम।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

एफिसि 2:8

हे़निङे़ॽ बिस्‍वास ले़ःॽनुङ खोमि अनुग्‍रहाबाङ उद्‌धार चुप्‍मिटानुमे। इगो उद्‌धार चाहिँ हे़निङ्‌टाङ्‌बे़ॽ योम्‍बोक ले़ःॽनुङ चुप्‍पॽआ ने़ॽनि, इगोगो निवाहाङ्‌डे़ॽ पिबॽआ बरदान ले़ये।

एफिसि 3:17

हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।

फिलिप्‍पि 1:6

मोबा निवाहाङ्‌डे़ॽ हे़निङ्‌बेॽ मुक्‍तिमि योम्‍बोक तरिक्‍इटुए। येसु खिरिस्‍ट फेरि लेङ्‌इये याकठोक्‍पेॽ निवाहाङ्‌डे़ॽ मो नुबा योम्‍बोक येॽएन्‍डुए लुनुङ के़ॽ चइबानोॽ बिस्‍वास ले़नुङे।

फिलिप्‍पि 4:7

मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

२ तिमोथि 3:15

हे़ने़ॽ पिच्‍छाबाङ्‌नोॽ धारमिक नेॽचिराबेॽहा खा नुरोॽ लेन्‍डुहा। माहा खाडे़ॽ हे़न येसु खिरिस्‍टबेॽ टुये बिस्‍वास ले़ःॽनुङ चुप्‍मिये मुक्‍तिमि टुम्‍बेॽ लेमे निवा पिये।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 6:12

हे़निङ पाङ्‌सुघुबाजि ए़लिसानिङे, तर निवाहाङ्‌डे़ॽ हेन्‍ज्‍रुङ हेम्‍बॽआ खाबेॽ बिस्‍वासनुङ हुङ्‌डुङ्‌घे़ॽखुबाजिडोॽ हे़निङ्‌सो लिसानिङे लुनुङ कानिङे़ॽ मिॽइन्‍डुङ्‌मे़।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 4:13

तर खिरिस्‍टडे़ॽ आङ्‌बॽआ दुःखबेॽ खोनुङ सोरि आक्‍सुङ्‌मा लुनुङ हाङ्‌हाङ मिनानिङे, मोबा ए़क्‍साङ खो बेॽए महिमानुङ खाङ्‌मुमाबेॽ साप्‍थाङ्‌हेन्‍डानिङे।

१ पत्‍रुस 5:1

हागो के़ॽ हे़निङ्‌मि मन्‍डलिबेॽहा एल्‍रडजि लुनिम्‍ने़, कासो इक्‍को एल्‍डरनोॽ ले़ःॽपॽआसे़ॽ, मोबा खिरिस्‍टडे़ॽ आङ्‌बॽआ दुःख के़ॽनोॽ खाङ्‌इटुङे, ए़क्‍साङ खाङ्‌मुये महिमामिसो साझेदार लिबॽआ नाताडे़ॽ हे़निङ इडोॽ लुनिम्‍ने़।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।