१ पत्‍रुस 1:4 - याम्फु

⁴ निवाहाङ पाबाडे़ॽ इन्‍डोक्‍पेॽसो नासि लिनिबा, मे़खे़ॽनिबा, चोखो अङ्‌स हे़निङ्‌मि लागि थाङ्‌सिरिबेॽ युङ्‌बेटे़।

१ पत्‍रुस 1:4 Iomraidhean Croise

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

मरकुस 10:17

येसु मो ठाउँबाङ खे़ॽपेसिॽ पोरोक्‍माबेॽ इक्‍को याॽमि पिन्‍जानुङ खोमि सराङ्‌बेॽ उःक्‍मानुङ इडोॽ लुसु, “हे नुबा गुरु, ए़स्‍सिमे हिङ्‌मवा टोक्‍मामि लागि के़ॽ इमाङ ले़ःॽमा खे़ये ?”

एप्‍पा चोङ्‌सा 20:32

“हागो के़ॽ हे़निङ निवाहाङ्‌मि हुकपेॽ जिम्‍मा टिमे़ॽनिङ्‌सिनुङे मोबा खोमिन्‍नोॽ अनुग्‍रहानुङ्‌मा बचनमि भोरबेॽ याःॽयानिम्‍ने़। मोसे़ॽनोॽ हे़निङ निवाहाङ्‌डे़ॽ बिस्‍वासबेॽ बोलियो टोङ्‌इयेनुङ खोसे़ॽ से़न्‍बॽआजिनुङ हकदार टोङ्‌इये।

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

१ कोरिन्‍थि 9:25

पिम्‍मामि लागि भाग लाघुबे़ॽ चोप खाबेॽ टाङ्‌बा अधिनबेॽ युङ्‌मा खे़ये। माहाजिडे़ॽ नास लिघे़ये इनाम चुप्‍मामिनोक्‍सो मोडोॽ ले़न्‍डुजे, तर कानिङे़ॽ चाहिँ इन्‍डोक्‍पेॽसो नासि लिनिबा इनाम चुप्‍मामि इडोॽ ले़न्‍डुङ्‌मा।

गलाति 3:18

इन्‍ढोङ्‌होङ निवाहाङ्‌डे़ॽ पिनिम्‍ने़ लुबेबॽआ हक यहुदि धारमिक नियम पालना ले़ःॽनुङ चुप्‍मियेहोङ्‌गो मो चाहिँ हेन्‍ज्‍रुङ्‌बाङ चुप्‍मे खानोॽ ने़ॽनिबा। तर इगोगो निवाहाङ्‌डे़ॽ हेन्‍ज्‍रुङ्‌बाङ अब्‍राहाम पिटुए।

एफिसि 1:11

इन्‍ढोङ्‌होङ चोप योम्‍बोक निवाहाङ्‌डे़ॽ ले़ःॽमा मिॽपॽआडोक्‍नोॽ लिटाहा। निवाहाङ खोमटाङ्‌बे़ॽ कानिङ से़ना। इगो खा चाहिँ याक्‍लोएम्‍बाङ ले़ःॽमा मिॽपॽआ ले़टे़।

एफिसि 1:14

निवाहाङ्‌डे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ हक कानिङे़ॽ मे़न्‍चुप्‍लो पबित्‍रा होङ्‌निवा चाहिँ बैनाडोॽ कानिङ पिटे़। इगो खामि लागि खो महिमानुङ ओहाङ पिमायो।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

कलस्‍सि 1:12

निवाहाङ्‌डे़ॽ जोतिमि राज्‍यबेॽ खिरिस्‍टमि पबित्‍रा याॽमिजिनुङ कानिङ सोरि अधिकार चुप्‍खुबाजि टोङ्‌इटे़। इगो खामि लागि साप्‍थाङ्‌मानुङ निवाहाङ ओहाक पिसानुमे।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

कलस्‍सि 3:24

इन्‍ढोङ्‌होङ हे़निङ इनाम पिनिम्‍ने़ लुनुङ हेन्‍ज्‍रुङ हे़न्‍खुबा परभुनोॽ ले़ये लुनुङ हे़निङे़ॽ लेन्‍डानुमे। मोबा हे़निङे़ॽ सेवा ले़ःॽपॽआ खिरिस्‍टनोॽ हे़निङ्‌मि परभु ले़ये।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

हिब्‍रु 10:34

इन्‍डोकखेॽ तिरिङ्‌गा खिमबेॽ से़क्‍सिघे़ॽपॽआजिमि लङ्‌गाम लिसानिङ, टाङ्‌बामि याङ्‌सरावा ङाप्‍खे़ॽपेॽमाबेॽसो साप्‍थाक्‍सानिङ। इन्‍ढोङ्‌होङ हे़निङ्‌बेॽ चोप्‍पाङ नुबानुङ इन्‍डोक्‍पेॽसो रुक्‍खे़ॽनिये याङ्‌सरावा टुये लुनुङ हे़निङे़ॽ लेसानुम।

हिब्‍रु 9:15

मोडोगे़ॽ निवाहाङ्‌डे़ॽ हेन्‍ज्‍रुङ हे़म्‍बॽआ सानिङ टुडुङ्‌घे़ये आसिस खोसे़ॽ के़ॽपॽआ याॽमिजिडे़ॽ चुप्‍टुजिरो लुनुङ इगो चोङ हेन्‍ज्‍रुङ टोङ्‌खुबा खिरिस्‍ट ले़ये। याक्‍लोए हेन्‍ज्‍रुङ टुमाबेॽ याॽमिजिडे़ॽ ले़पॽआ पापबाङ छुट्‌कारा चुप्‍मिये, इन्‍ढोङ्‌होङ इगोमि लागिनोॽ खो सिघे़टे़।

याकुब 1:11

इन्‍ढोङ्‌होङ नम चरको निमाबेॽ घासामि डाङ हेघे़ये। मोबा उङ हेॽखे़येनुङ मोडोक्‍पेॽ खाङ्‌मुये काम्‍नुयेसो नासि लिये। मोडोक्‍नोॽ टाङायोङ्‌बा याॽमिसो खोमि योम्‍बोकमि धावाबेॽ हिङ्‌मवा रुक्‍खे़ये।

१ पत्‍रुस 3:9

हे़निङ मङे़ॽमा ले़ःॽखुबा हाइखा याॽमिजि हे़निङे़ॽसो मङे़ॽमा ए़ले़टानुमे, खोजिडे़ॽ चापहिमिहोङ्‌सो हे़निङे़ॽ चाहिँ खोजि मोडोक्‍नोॽ ए़ले़टानुमे। बोरु मोमि साटो आसिस पिसानुमे, इन्‍ढोङ्‌होङ निवाहाङ्‌डे़ॽ हे़निङ आसिस पिमामि लागिनोॽ के़ॽपॽआ ले़ये।

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।