१ पत्‍रुस 1:22 - याम्फु

²² हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 1:22 Iomraidhean Croise

युहन्‍ना 15:17

के़ॽ हे़निङ इगो आग्‍या पिनिम्‍ने़, हे़निङ इक्‍कोसे़ॽ हाइको नम्‍नम ले़ःॽखुसे़ॽचुमे़।

युहन्‍ना 15:3

डाङ खाङ्‌घुबा किसानडे़ॽ हक्‍काम्‍बा सेनुङ नुरोॽ सेडिडोक्‍नोॽ के़ॽ लुबॽआ इघा बचनडे़ॽ हे़निङ चोखो टोङ्‌बेटे़।

युहन्‍ना 17:17

हे़ने़ए़ बचन चाइबमा ले़ये, मोडोगे़ॽ चाइबमा बचनबेॽ खोजि पबित्‍रा टोक्‍साजे।

युहन्‍ना 17:19

मोबा हे़ने़ए़ चाइबमा बचनडे़ॽ खोजि पबित्‍रा लिहेमिरो लुनुङ के़ॽ खोजिमि लागि के़ए़ हिङ्‌मवा बलिदान पिनुङे़।

एप्‍पा चोङ्‌सा 15:9

निवाहाङ्‌डे़ॽ अयहुदि जातिजिनुङ कानिङ यहुदिजिमि रुम्‍बेॽ इमाङ्‌सो हेलाहोचो मे़ले़टुजि। खोजिडे़ॽसो निवाहाङ्‌बेॽ बिस्‍वास ले़ःॽपॽआसे़ॽ खोजिमि निवा चोखो टोङ्‌बेॽटुजि।

एप्‍पा चोङ्‌सा 6:7

निवाहाङ्‌मि बचन चोप ठाउँराजि मुक्‍खडा। मोबा परभु येसुबेॽ बिस्‍वास ले़ःॽखुबाजि यरुसलेमबेॽ छना बेॽलो लिसामि। मोबा बेॽलो याडाङ्‌बाजिडे़ॽसो परभु येसुमि निङ्‌बेॽ बिस्‍वास ले़टुजि।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 2:8

तर खिमा योक्‍खुबाजि, चाइबमा खा मे़ङ्‌खेम्‍खुबाजि, मङे़हा योम्‍बोक ले़ःॽसाङ राम्‍घुबाजिसोक्‍पेॽ चाहिँ निवाहाङ्‌मि किस्‍सिमारोमा दन्‍डा सिॽइये।

रोमि 8:13

इन्‍ढोङ्‌होङ पापि बानिडे़ॽ मिॽटिडोॽ हे़निङे़ॽ ले़न्‍डानुमहोङ हे़निङ सिन्‍डानिङे, तर पबित्‍रा होङ्‌निवाडे़ॽ लुडिडोॽ हिङामि चोप मङे़हा योम्‍बोक लेडानुमहोङ हे़निङ हिङ्‌इन्‍डानिङे।

२ कोरिन्‍थि 6:6

कानिङ चोखो लिनुङ, निवाडे़ॽ आङ्‌हेमे सक्‍तिडे़ॽ, नम्‍नावाडे़ॽ, पबित्‍रा होङ्‌निवाडे़ॽ, चाइबमा नम्‍नमडे़ॽ,

गलाति 3:1

होउ मे़लेसुम्‍बा उम्‍बरिङ गलातिजि, असे़ॽ हे़निङ मोहोनि टिनुङ हे़निङ्‌मि निवा इडोॽ लिसे़ ? हे़निङ्‌मि पोम्‍बेॽनोॽ येसु खिरिस्‍ट काप्‍सिङ्‌बेॽ सिबॽआ खा नुरोॽ हे़निङ लुबॽआ ले़टे़ ?

गलाति 5:5

कानिङ बिस्‍वासबाङ निवाहाङ्‌मि पोम्‍बेॽ धरमि ठहरबा लिमे आसा हुङ्‌डुङ्‌घे़ॽमामि लागि होङ्‌निवाडे़ॽ सहायता ले़ये।

गलाति 5:7

हे़निङ्‌गो नुरोक्‍नोॽ पिम्‍मे़ॽसिसानिङ। तर असे़ॽ हे़निङ चाइबमा खा पालना ले़ःॽमाबाङ से़गामे ?

एफिसि 4:3

पबित्‍रा होङ्‌निवाडे़ॽनोॽ हे़निङ सान्‍तिबेॽ इक्‍को निवानुङ्‌हा टोङ्‌इटे़। हे़निङ सानिङ इक्‍को निवा लिनुङ पेम्‍मामि बोल ले़टानिङे।

फिलिप्‍पि 1:9

हे़निङ्‌मि रुम्‍बेॽ बुद्‌धि, निवानुङ मोबाङ्‌सो बेॽलो इक्‍कोसे़ॽ हाइको नम्‍नम ले़ःॽखुसे़ॽचुसानिङे लुनुङ के़ॽ पारथना ले़नुङे।

१ थेस्‍लोनिकि 3:12

कानिङे़ॽ हे़निङ नम्‍नम ले़ःॽपॽआडोक्‍नोॽ परभुडे़ॽसो हे़निङ्‌टाङ्‌बा नम्‍नम ले़ःॽखुसे़ॽचुघुबा लिसानिङे, मोबा खोसे़ॽ याॽमिजि नम्‍नम ले़ःॽखुबा टोक्‍सुरो।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

२ थेस्‍लोनिकि 2:13

परभुडे़ॽ नम्‍नम ले़ःॽपॽआ वावानिसानुङ नानुसाजि, हे़निङ्‌मि लागि कानिङे़ॽ सानिङ्‌नोॽ निवाहाङ ओहाक पिमानोॽ खे़ये, इन्‍ढोङ्‌होङ याक्‍लोएम्‍बाङ्‌नोॽ पबित्‍रा होङ्‌निवे़ॽ चोखो टोङ्‌बॽआ योम्‍बोकबाङ मोबा चाइबमा खामि बिस्‍वासबाङ हिङ्‌मामि लागि निवाहाङ्‌डे़ॽ हे़निङ से़ङ्‌इटे़।

१ तिमोथि 1:3

का माकेडोनियाबेॽ खे़ॽसिॽपोरोक्‍माबेॽ हे़न एफिससबेॽनोॽ पेने। मोबेॽ निवाहाङ्‌मि बचनमि मे़ॽनोक्‍हा सिक्‍छे इःॽखुबा याॽमिजि आक्‍टोॽ एले़ॽमे लुनुङ वोबाजे।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

१ तिमोथि 5:2

मोडोक्‍नोॽ टाङ्‌बाबाङ टुम्‍इहा मेॽनामिॽचि मामाजिडोॽ नुरोॽ ले़टाजेनुङ पाःॽइहा राङ्‌मिॽ पिच्‍छाजि चोखो निवे़ॽ टाङ्‌बामि निसाजिडोॽ बेबहार ले़टाजे।

२ तिमोथि 1:14

हे़ने़ए़ जिम्‍माबेॽ पिबॽआ चाइबमा खा कानिङ्‌बेॽ पेङ्‌घुबा पबित्‍रा होङ्‌निवाबाङ जोगा ले़ःॽयुक्‍से।

हिब्‍रु 11:8

बिस्‍वास ले़ःॽनुङ्‌नोॽ निवाहाङ्‌डे़ॽ लुबॽआडोॽ अब्‍राहामडे़ॽ ले़टु। निवाहाङ्‌डे़ॽ हेन्‍ज्‍रुङ हे़म्‍बॽआ देसबेॽ खडे लुनुङ खो लुसु। मो ठाउँ मे़लेरेॽ खो खडे लुबॽआ ठाउँबेॽ खो राम्‍बुगा।

हिब्‍रु 13:1

टाङ्‌बामि वावानिसानुङ नानुसाडोक्‍नोॽ इक्‍कोसे़ॽ हाइको नम्‍नम ले़ःॽखुसे़ॽचुसानिङे।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

याकुब 1:21

मोडोगे़ॽ इडोक्‍हा चोप मङे़हा खाबाङ्‌नुङ दुस्‍ट निवा हे़निङे़ॽ लेॽपेसानुमे। ए़डे़म्‍मा लिनुङ हे़निङ्‌मि निवाबेॽ युङ्‌बॽआ निवाहाङ्‌मि बचनडे़ॽ लुडिडोॽ ले़टानुमे मोसे़ॽनोॽ हे़निङ हिङ्‌मवा पिये।

याकुब 4:8

हे़निङ निवाहाङ्‌मि के़क्‍पेॽ आबानिङे मोबा निवाहाङ्‌सो हे़निङ्‌मि के़क्‍पेॽ आप्‍मिये। पापिजि हे़निङ्‌मि निवा चोखो टोक्‍सानुमे। कप्‍टि याॽमिजि हे़निङ्‌मि निवा सुद्‌ध टोक्‍सानुमे।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 2:17

चोप याॽमिजि आदर ले़टानुमे, बिस्‍वास ले़ःॽखुबा वावानिसानुङ नानुसाजि नम्‍नम ले़टानुमे। निवाहाङ्‌नुङ किस्‍सिसानिङे, हाङ्‌बा आदर ले़टानुमे।

१ पत्‍रुस 3:1

बनिमाजि, हे़निङ्‌मि बनिबाजिमि अधिनबेॽ पेम्‍मा खे़ये। मोडोॽ ले़ःॽमाहोङ निवाहाङ्‌बेॽ बिस्‍वास मे़ले़ःॽखुबा बनिबाडे़ॽ हे़निङ्‌मि चाल चलन खाङ्‌नुङ्‌सो बिस्‍वास ले़न्‍डुए। हे़निङे़ॽ लुमा पाप्‍निबा खोजिटाङ्‌बे़ॽ खोजिमि निवा फेङ्‌इन्‍डुजे।

१ पत्‍रुस 3:20

माहा होङ्‌निवाजि चाहिँ नोआडे़ॽ योङा जहाज टोङ्‌बॽआ बेलाबेॽ पापबाङ टेआप्‍मिम्‍मेन्‍डे लुनुङ निवाहाङ्‌डे़ॽ हुङ्‌बॽआ होङ्‌निवाजि ले़टामे। तर माहाजिडे़ॽ निवाहाङ्‌मि खा मे़ङ्‌खेप्‍सुजि। योङा जहाजबेॽ आक्‍चि जना याॽमिरेॽनोॽ बेॽए वाडुमबाङ हिक्‍सामि।

१ पत्‍रुस 3:8

हागो आखिरिबेॽ हे़निङ लुनिम्‍ने़, हे़निङ चोप इक्‍को निवा लिनुङ पेनानिङे, इक्‍कोसे़ॽ हाइकोमि दुःखबेॽ निवा युङ्‌घुसे़ॽ चुसानिङे। चोपनोॽ टाङ्‌बामि वावा निसाजिडोॽ नम्‍नम ले़चासानिङे, मोबा इक्‍कोसे़ॽ हाइकोमि लागि नम्‍नावानुङ ए़डे़म्‍मा लिसानिङे।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?

१ पत्‍रुस 4:8

चोप्‍पाङ बेॽलो चाहिँ इक्‍कोसे़ॽ हाइको सानिङ्‌नोॽ नम्‍नम ले़चामे। इन्‍ढोङ्‌होङ नम्‍नमडे़ॽनोॽ बेॽलो पाप टे़क्‍हेन्‍डुहा।

२ पत्‍रुस 1:7

भक्‍ति ले़ःॽसाङ चोप वावानिसाजिनुङ सानुङ्‌उमि नम्‍नम येॽखे़टानुमे। मोबा इडोॽ चोपजिनुङ नम्‍नम ले़ःॽखुसे़ॽचुसानिङे।

१ युहन्‍ना 3:11

इक्‍कोसे़ॽ हाइको नम्‍नम ले़ःॽखुसे़ॽचुमा खे़ये लुमे खा हे़निङे़ॽ याक्‍लोनोॽ खेम्‍इटामे।

१ युहन्‍ना 3:23

निवाहाङ्‌मि आग्‍या चाहिँ इघानोॽ ले़हा- खोमि पसा येसु खिरिस्‍टबेॽ बिस्‍वास ले़ःॽमा खे़ये, मोबा खिरिस्‍टडे़ॽ लुडिडोॽ इक्‍कोसे़ॽ हाइको नम्‍नम ले़ःॽमा खे़ये।

१ युहन्‍ना 4:12

निवाहाङ असे़ॽसो इन्‍डोक्‍पेॽसो मे़ङ्‌खाङ्‌डिॽ। कानिङे़ॽ इक्‍कोसे़ॽ हाइको नम्‍नम ले़ःॽटुङ्‌माहोङ निवाहाङ कानिङ्‌बेॽ टुयेनुङ खोमि नम्‍नम कानिङ्‌बेॽ खाङ्‌मुये।

१ युहन्‍ना 4:20

इक्‍को याॽमिडे़ॽ “के़ॽ निवाहाङ नम्‍नम ले़नुङे” लुन्‍डुए, तर निवाहाङ्‌मि याॽमि सिॽचोन्‍डुहोङ मो याॽमि रेम्‍देये। टाङ्‌बामि पोम्‍बेॽ टुये निसानोक्‍सो नम्‍नम मे़ले़ःॽहेघुबे़ॽ इन्‍डोक्‍पेॽसो मे़ङ्‌खाङ्‌बॽआ निवाहाङ चाहिँ इन्‍डोक्‍टे नम्‍नम ले़ःॽहेन्‍डुए ?

१ युहन्‍ना 4:7

लङ्‌गामजि, कानिङ्‌टाङ्‌बा इक्‍कोसे़ॽ हाइको नम्‍नम ले़ःॽखुसे़ॽचुमा खे़ये, इन्‍ढोङ्‌होङ नम्‍नम ले़ःॽमे निवा निवाहाङ्‌बाङ लेङ्‌इये। असानुङ नम्‍नम टुये मो याॽमि निवाहाङ्‌मि याॽमि ले़ये, खोसे़ॽ निवाहाङ लेन्‍डुए।

परकास 2:4

तर हे़निङ्‌मि बिरोधबेॽ कानुङ इक्‍को खा टुये। मो खा लुबॽआ चाहिँ हे़निङे़ॽ का याक्‍लो ले़टिडोॽमा नम्‍नम ले़ःॽमा लेप्‍पेटानुमे।