१ पत्‍रुस 1:21 - याम्फु

²¹ खोबाङ हे़निङे़ॽ निवाहाङ्‌बेॽ बिस्‍वास ले़टानुम। निवाहाङ्‌डे़ॽ खिरिस्‍ट सिबॽआबाङ हिङ्‌बोक्‍नुङ महिमानुङ्‌मा टोक्‍सु, मोडोगे़ॽ हे़निङ्‌मि बिस्‍वासनुङ आसा निवाहाङ्‌बेॽ युङ्‌इन्‍डानुमे।

१ पत्‍रुस 1:21 Iomraidhean Croise

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

युहन्‍ना 12:44

येसुडे़ॽ बेॽए सेम्‍लाडे़ॽ लुसु, “का बिस्‍वास ले़ःॽखुबे़ॽ कारेॽ ने़ॽनि, तर का पाङ्‌घुबासो बिस्‍वास ले़न्‍डुए।

युहन्‍ना 14:1

येसुडे़ॽ चोङ्‌साजि लुसुजि, “हे़निङे़ॽ सुरता ए़ले़टानुमे। निवाहाङ्‌बेॽनुङ काबेॽ बिस्‍वास ले़टानुमे।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 17:1

इघा खा लुसेॽनुङ येसुडे़ॽ थाङ्‌सिरिलाम खाङ्‌मानुङ लुसु, “हे पाबा, हागो बेला लेम्‍बेटे़, हे़ने़ए़ पसामि महिमा खाङ्‌मुसे, पसाडे़ॽ हे़ने़ए़ महिमा खाङ्‌मुहेसुरो लुनुङ खो महिमा पिसे।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 17:5

हागो हे पाबा, मक्‍खाम्‍डेममि सिरिस्‍टि लिमा याक्‍लो हे़न्‍नुङ टुमाबेॽ कानुङ महिमानोॽ हे़ने़ए़ पोम्‍बेॽ टुमाबेॽ का पिमा।

युहन्‍ना 3:34

निवाहाङ्‌डे़ॽ पाङ्‌बॽआ असा ले़ये, मोसे़ॽ निवाहाङ्‌मिन्‍नोॽ खा इःन्‍डुहा इन्‍ढोङ्‌होङ निवाहाङ्‌डे़ॽ खो खोमि होङ्‌निवा के़ॽलो पिन्‍डुए।

एप्‍पा चोङ्‌सा 2:24

“तर निवाहाङ्‌डे़ॽ येसु सिघे़ॽपॽआबाङ हिङ्‌बोॽइटुए। इन्‍ढोङ्‌होङ खो सिमवाडे़ॽ मे़से़क्‍हेसु।

एप्‍पा चोङ्‌सा 3:13

कानिङ्‌मि टुबा अब्‍राहाम, इसहाकनुङ याकुबमि निवाहाङ्‌डे़ॽ खोमि सेवाक येसु महिमित टोक्‍सु। हे़निङे़ॽ चाहिँ खो सेॽनेमा खे़ये लुनुङ राःबानुम। एप्‍पा मायोङ्‌बा पिलातसडे़ॽ खो लेॽमा योक्‍माबेॽसो हे़निङे़ॽ लेॽमा फे़न्‍नि लुसानुम।

एप्‍पा चोङ्‌सा 3:15

इडोॽ हे़निङे़ॽ हिङ्‌मवा पिघुबा सेॽनेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌रिक टोक्‍सु मो खामि कानिङ साक्‍छि ले़न्‍डिङ्‌मा।

एप्‍पा चोङ्‌सा 4:10

हागो हे़निङ्‌नुङ इस्‍राएलबेॽहा चोप याॽमिजिडे़ॽ इगो खा लेसानुमे। हे़निङ्‌मि पोम्‍बेॽ येःप्‍मिये इगो याॽमि नासरतमि येसुमि निङ्‌बेॽ नुबोक्‍इटे़। हे़निङे़ॽ चाहिँ येसुगो काप्‍सिङ सोक्‍पेॽ किङ्‌नेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌बोक्‍इटुए।

रोमि 10:9

मोबा हे़निङे़ॽ येसुनोॽ परभु लुनुङ याबुगे़ॽ लुसानुमहोङ्‌नुङ खो सिबॽआबाङ निवाहाङ्‌डे़ॽ हिङ्‌बोगु लुनुङ टाङ्‌बामि निवाबाङ बिस्‍वास ले़टानुमहोङ, हे़निङे़ॽ मुक्‍ति चुप्‍मिन्‍डानुमे।

रोमि 4:24

तर कानिङ्‌मि लागिसो साप्‍पॽआ ले़ये। कानिङ्‌मि परभु येसु सिबॽआबाङ हिङ्‌बोक्‍हेखुबा निवाहाङ्‌बेॽ कानिङे़ॽ बिस्‍वास ले़ए़टुङ्‌मे़। इगो बिस्‍वासडे़ॽ कानिङ्‌सो निवाहाङ्‌मि पोम्‍बेॽ धरमि याॽमि ठरबा लिटिङ्‌मे़।

२ कोरिन्‍थि 6:15

खिरिस्‍टनुङ सैतानमि इन्‍डोक्‍टे खा टोङ्‌इहा ? मोडोक्‍नोॽ अबिस्‍वासिजिनुङ बिस्‍वासिजिमि खा इन्‍डोक्‍टे टोङ्‌इहा ?

एफिसि 1:15

मोडोगे़ॽनोॽ परभु येसुबेॽ हे़निङे़ॽ ले़ःॽपॽआ बिस्‍वासनुङ खिरिस्‍टमि पबित्‍रा चोप याॽमिजिमि लागि हे़निङे़ॽ ले़ःॽपॽआ नम्‍नम खेम्‍नुङ,

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

१ तिमोथि 1:1

कानिङ मुक्‍ति पिघुबा निवाहाङ्‌नुङ आसा पिघुबा येसु खिरिस्‍टडे़ॽ आग्‍या पिडिडोॽ का पावल खोमि एप्‍पा चोङ्‌सा लिसिङ।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

हिब्‍रु 2:9

तर कानिङे़ॽ थाङ्‌सिरिदुतजिबाङ येसु इॽछोॽमि लागि ए़डेम्‍मा लिबॽआ लेटुङ्‌मे़। निवाहाङ्‌मि अनुग्‍रहाडे़ॽ येसु चोप याॽमिजिमि लागि सिसा। खो चोपमि लागि बलि लिबॽआसे़ॽ खोसे़ॽ महिमानुङ आदरमि मुकुट चुप्‍टु।

हिब्‍रु 6:1

मोडोगे़ॽ खिरिस्‍टमि टुम्‍बेॽहा याक्‍लोमा सिक्‍छेरेॽ ने़ॽनि कानिङ परिपक्‍का टोङ्‌घुबा खाबेॽ निवा टिमा, सिमवालाम लाघे़ॽखुबा योम्‍बोकबाङ निवा टेमा,

हिब्‍रु 7:25

मोडोगे़ॽ येसुबेॽ बिस्‍वास ले़ःॽनुङ निवाहाङ्‌बेॽ आप्‍खुबाजि खोसे़ॽ सानिङ्‌मि लागि हिङ्‌मेॽहेन्‍डुजे, इन्‍ढोङ्‌होङ याॽमिजिमि लागि निवाहाङ्‌नुङ पारथना ले़ःॽपेॽमामि खो सानिङ टुडुङ्‌घे़ये।

१ पत्‍रुस 1:11

अगमबक्‍ताजिडे़ॽ इगो खा इन्‍डोॽनुङ इन्‍डोक्‍पेॽ लिये लुनुङ लेमा योगुजि। माहाजिबेॽ टुघुबा खिरिस्‍टमि होङ्‌निवाडे़ॽ खोजि खिरिस्‍टडे़ॽ दुःख आङ्‌इन्‍डुए मोबा ए़क्‍साङ खोसे़ॽ महान आदर चुप्‍मिन्‍डुए लुनुङ माहाजि याक्‍लोनोॽ लुबॽआ ले़टे़।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।