१ पत्‍रुस 1:20 - याम्फु

²⁰ खो मक्‍खाम्‍डेममि सिरिस्‍टि लिमा याक्‍लोनोॽ निवाहाङ्‌डे़ॽ से़म्‍बॽआ ले़टे़, तर हे़निङ्‌मि लागि इघा ए़क्‍साङ्‌हा याकपेॽ खाङ्‌मुसा।

१ पत्‍रुस 1:20 Iomraidhean Croise

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

एप्‍पा चोङ्‌सा 2:23

निवाहाङ्‌डे़ॽ खोमि योजनानुङ निवाबेॽ मिॽपॽआडोक्‍नोॽ येसु हे़निङ्‌मि हुकपेॽ पिसा, मोबा हे़निङे़ॽ खो मङे़हा याॽमिजिमि हुकपेॽ पिनुङ काप्‍सिङ्‌सोक्‍पेॽ किङ्‌नेमेॽटानुम।

रोमि 3:25

निवाहाङ्‌डे़ॽ खोनुङ सोरि इक्‍को लिमामि लागि खिरिस्‍ट येसु बलिदान लिसिॽ पाक्‍सु, मो बिस्‍वास ले़ःॽखुबा याॽमिजिमि पापमि आम्‍लाङ पिये। इगो योम्‍बोक निवाहाङ्‌डे़ॽ टाङ्‌बामि धारमिक खा खाङ्‌मुमामि ले़टु। निवाहाङ्‌डे़ॽ खिरिस्‍ट लेम्‍मा याक्‍लो खोमि सुरिक चुम्‍नुङ युङ्‌बॽआ ले़टे़नुङ याॽमिजिडे़ॽ ले़ःॽपॽआ पापमि दन्‍डा मे़म्‍पिसुजि।

रोमि 8:29

माहाजिबेॽ येसु खिरिस्‍ट चाहिँ चोप्‍पाङ टुम्‍मि लिरो लुनुङ असा असाजि निवाहाङ्‌डे़ॽ याक्‍लोएबाङ्‌नोॽ लेबॽआजि ले़म्‍मे, खोसे़ॽ माहाजि टाङ्‌बामि पसाडोक्‍नोॽ लिमामि लागि से़नुजि।

गलाति 4:4

तर बेला लिनुङ ए़क्‍साङ निवाहाङ्‌डे़ॽ खोमि पसा मक्‍खाम्‍डेमबेॽ पाक्‍सु। खो इक्‍को मेॽनामिॽबाङ यहुदि धारमिक नियममि अधिनबेॽ टोगा।

एफिसि 1:10

मो खा लुबॽआ चाहिँ थाङ्‌सिरिनुङ मक्‍खाम्‍डेमबेॽहा चोप सिरिस्‍टि खिरिस्‍टमि अधिनबेॽ लाप्‍मामि लागि ले़ये। मोबा निवाहाङ्‌डे़ॽ मो योम्‍बोक ठिक बेलाबेॽ पुरा ले़न्‍डुए।

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

एफिसि 3:11

इगो चाहिँ सिरिस्‍टि लिमा याक्‍लोनोॽ टोङ्‌बॽआ योजना ले़टे़नुङ खोमि मो योजनाडोॽ आयु कानिङ्‌मि खिरिस्‍ट येसु परभुबाङ पुरा ले़टु।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

कलस्‍सि 1:26

इगो सिक्‍छे याक्‍लो युग युगबाङ, पुस्‍ता पुस्‍ताबाङ असे़ॽसो मे़लेहेबॽआ चुम्‌युङ्‌बॽआ खा ले़टे़। हागो खोसे़ॽ खिरिस्‍टमि पबित्‍रा याॽमिजि इगोमि खा छे़ङ्‌गै टोङ्‌बेटे़।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

हिब्‍रु 1:2

तर इघा ए़क्‍साङ्‌ए याकपेॽ खो टाङ्‌बामि पसामिलामबाङ कानिङ्‌नुङ यामुटे़। निवाहाङ्‌डे़ॽ खिरिस्‍टबाङ्‌नोॽ चोप खा टोक्‍सु मोबा खोसे़ॽ टोङ्‌बॽआ चोप थोकमि अधिकार खिरिस्‍टनोॽ पिसु।

हिब्‍रु 2:14

इन्‍ढोङ्‌होङ पसाजि हिङानुङ्‌हा ले़ःॽपॽआसे़ॽ माहाजिडोक्‍नोॽ येसुसो सानुङ हरिनुङ्‌मा याॽमि लिनुङ लेस्‍सा। खो बलि लिनुङ सिमवामि सक्‍तिनुङ्‌मा सैतान नास ले़टु।

हिब्‍रु 9:26

इडोॽ सानिङ खे़ॽमाहोङ्‌गो मक्‍खाम्‍डेम सिरिस्‍टि लिबॽआबाङ आयुरो हागोसो हागोसो खोसे़ॽ खेः आङ्‌मा खडे़, तर इगो रुक्‍खे़ॽमे याकपेॽ खिरिस्‍ट सानिङ्‌मि लागि इक्‍खेॽपेॽ लेस्‍सा मोबा याॽमिजि पापबाङ छुट्‌कारा ले़ःॽमामि टाङ्‌बा बलि लिसा।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ युहन्‍ना 1:2

मो हिङ्‌मवा कानिङ्‌मि रुम्‍बेॽ लेस्‍सा, कानिङे़ॽ मो खाङ्‌नुङ मोमि टुम्‍बेॽ गबाहि पिन्‍डुङ्‌मा। मो ए़ॽसिमे हिङ्‌मवा निवाहाङ पाबानुङ टुसा मो कानिङ्‌मि रुम्‍बेॽ लेस्‍सा।

१ युहन्‍ना 3:5

हे़निङे़ॽ लेन्‍डानुमे, याॽमिजिमि पाप वासोक्‍मामि लागिनोॽ खिरिस्‍ट लेस्‍सा खोबेॽ पापनोॽ माॽआये।

१ युहन्‍ना 3:8

असे़ॽ सानिङ पाप ले़न्‍डुहा, मो याॽमि चाहिँ सैतानमि याॽमिमि ले़ये। इन्‍ढोङ्‌होङ सैतानडे़ॽको उहिलेबाङ्‌नोॽ पाप ले़ःॽआप्‍मिटुए। इगो सैतानमि पापि योम्‍बोक नासि ले़ःॽमामिन्‍नोॽ निवाहाङ्‌मि पसा इगो मक्‍खाम्‍डेमबेॽ लेङ्‌इटे़।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।