१ पत्‍रुस 1:17 - याम्फु

¹⁷ याॽमिजिडे़ॽ ले़ःॽपॽआ योम्‍बोकडोॽ पक्‍छेपात मे़ले़ःॽलेॽ न्‍याय ले़ःॽखुबा निवाहाङ हे़निङे़ॽ पाबा लुन्‍डानुमे। मोडोगे़ॽ हे़निङ मक्‍खाम्‍डेमबेॽ टुरो खोमि आदर ले़ःॽमानुङ हिक्‍सानिङे।

१ पत्‍रुस 1:17 Iomraidhean Croise

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मत्‍ति 22:16

माहाजिडे़ॽ टाङ्‌बामि चोङ्‌साजि हेरोद हाङ्‌बामि याॽमिजि येसुबेॽ पाक्‍सुजि। माहाजिडे़ॽ लुसुजि, “हे गुरु, कानिङे़ॽ लेन्‍डुङ्‌मे़ हे़न चाइबमा खा इःन्‍डुएनुङ निवाहाङ्‌मि चाइबमा राम नुरोॽ इःॽइये, हे़ने़ॽ इघा खा इःॽमाबेॽ याॽमिजिडे़ॽ इमा लुम्‍मे लुनुङ असानुङ्‌सो किस्‍सिनिबा। इन्‍ढोङ्‌होङ हे़ने़ॽ याॽमिजिमि याबुक खाङ्‌नुङ योम्‍बोक ले़टुनिबा।

मत्‍ति 6:9

हे़निङ चाहिँ इडोॽ पारथना ले़टानिङे, ‘हे थाङ्‌सिरिबेॽटु पेङ्‌खुबा कानिङ्‌मि निवाहाङ पाबा, हे़ने़ए़ निङ पबित्‍रा लिरो।

रोमि 11:20

इगो खा चाइबमा ले़ये, माहाजिडे़ॽ बिस्‍वास मे़ले़ःॽपॽआसे़ॽ माहा हक्‍काम्‍बाजि चेन्‍नुङ राप्‍खडामि। हे़निङे़ॽ चाहिँ बिस्‍वास ले़ःॽपॽआसे़ॽ निवाहाङ्‌डे़ॽ कलमि काम्‍डिटे़। इगो खाबेॽ काङायोङ्‌बा ए़लिसानिङे, तर होसियार ले़टानिङे।

२ कोरिन्‍थि 1:2

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

२ कोरिन्‍थि 5:6

मोडोगे़ॽ कानिङ्‌मि हिङाबेॽ इगो मक्‍खाम्‍डेमबेॽ टुडिङ्‌लो परभु टुबॽआ ठाउँबाङ ओः टुन्‍डिङ्‌मा लेनुङ्‌सो कानिङ आसा ले़ःॽमा लेडुङ्‌मानि।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

२ कोरिन्‍थि 7:11

हागो हे़निङे़ॽ निवाहाङ्‌मि लागि हाःप्‍माबेॽ इमाङ लिसे़, मिॽखाक्‍सानुमे। इगोसे़ॽ हे़निङ चाइबमा खा इःघुबा टोक्‍सा, बिरोङ मे़ॽनिङ्‌मा खाङ्‌मुखुबा टोक्‍सा, मोमि लागि बेॽलो अत्‍तुर टिसा, बेॽलो सुरके़ॽमेॽटा, मोढे़ॽलो किस्‍सिॽमेॽटा, बेॽलो कानुङ चुप्‍मा मिम्‍मेॽटा, बेॽलो भक्‍ति ले़ःॽमे जोस पिसा, पापिजिडे़ॽ दन्‍डा चुप्‍मा खे़ये लुमे निवा लेस्‍सा, इघा चोप खाडे़ॽ हे़निङ आप्‍टिक मे़ॽनिङ्‌हाजि ले़न्‍डानिङ लुनुङ खाङ्‌मुये।

गलाति 2:6

माहाजि मन्‍डलिबेॽहा निङ मुक्‍पॽआ डायोङ्‌बाजि ले़टामि, तर के़ॽ खोजि बेॽहा मे़मिॽटुङ्‌जि। इन्‍ढोङ्‌होङ निवाहाङ्‌डे़ॽ चाहिँ याॽमिमि नजिक खाङ्‌नुङ योम्‍बोक ले़टुनिबा। माहा डायोङ्‌बाजिडे़ॽ का इमाङ सल्‍लाहसो मे़म्‍पिसामि।

एफिसि 1:17

कानिङ्‌मि परभु येसुमि निवाहाङ, आदर महिमा ले़ःॽमारोमा पाबाडे़ॽ हे़निङ पबित्‍रा होङ्‌निवाबाङ निवानुङ बुद्‌धि पिरो लुनुङ हे़निङ्‌मि लागि पारथना ले़नुङे। मो निवानुङ बुद्‌धि चुप्‍नुङ हे़निङे़ॽ निवाहाङ छना बेॽलो लेहेन्‍डानुमे।

एफिसि 3:14

मोडोगे़ॽ के़ॽ निवाहाङ पाबामि पोम्‍बेॽ टुम्‍रुक ठोःक्‍नुङ पारथना ले़नुङे,

एफिसि 6:9

मायोङ्‌बाजेओ, हे़निङे़ॽसो टाङ्‌बामि सेउतेजि नुबा बेबहार ले़टानुमेनुङ खोजि किस्‍सिमा उक्‍मा लेडानुमे, इन्‍ढोङ्‌होङ हे़निङ्‌नुङ माहाजिमि मायोङ्‌बा थाङ्‌सिरबेॽ इक्‍कोनोॽ टुयेनुङ खोसे़ॽ असासो पक्‍छेपात ले़ःॽटुनिबा लुनुङ लेसानुमे।

फिलिप्‍पि 2:12

मोडोगे़ॽ के़ॽ नम्‍नम ले़ःॽपॽआ वावानिसानुङ नानुसाजि, का हे़निङ्‌नुङ टुमाबेॽ के़ॽ लुबॽआ खा हे़निङे़ॽ ले़टानुम, तर हागो का ओः लिमाबेॽसो हे़निङे़ॽ छना बेॽलो निवाहाङ्‌मि किस्‍सिमवे़ॽ योङ्‌मानुङ हे़निङे़ॽ चुप्‍पॽआ मुक्‍ति खेन्‍जानुये बेबहारनुङ्‌मा योम्‍बोक ले़टानुमे।

कलस्‍सि 3:25

टाङ्‌बे़ॽ ले़ःॽपॽआ मङे़हा योम्‍बोकमि दन्‍डा खोसे़ॽनोॽ चुप्‍मिन्‍डुए, इगो खाबेॽ पक्‍छेपात लिनिबा।

हिब्‍रु 12:28

मोडोगे़ॽ इगिॽयुनुङ मिॽयु हिॽहेनिबा राज्‍य चुप्‍पॽआ खामि लागि कानिङ साप्‍थाङ्‌मानुङ निवाहाङ ओहाङ पिमा, मोबा कानिङ भक्‍तिनुङ आदरनुङ निवाहाङ्‌मि ओहाङ ले़ःॽमा।

हिब्‍रु 4:1

मोडोगे़ॽ निवाहाङ्‌डे़ॽ नाजामे ठाउँबेॽ पे़खे़ॽमेॽनिम्‍ने़ लुबॽआ हेन्‍ज्‍रुङ हागोरोसो टुये। होसियार ले़ःॽमा खे़ये, मो ठाउँबेॽ हे़निङ चोपनोॽ पे़खे़ॽटोक्‍खुबा लिसानिङे।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

१ पत्‍रुस 3:15

तर टाङ्‌बामि निवाबाङ खिरिस्‍टमि आदर ले़टानुमे, खोनोॽ टाङ्‌बामि हिङ्‌मवामि मायोङ्‌बा मिडानुमे। हे़निङ्‌बेॽ टुये आसामि टुम्‍बेॽ हाइखाजिडे़ॽ सिम्‍मिहोङ मो याॽमि नुरोॽ इःबेॽमे।