१ पत्‍रुस 1:15 - याम्फु

¹⁵ हे़निङ के़ःॽखुबा निवाहाङ पबित्‍रा ले़टिडोक्‍नोॽ हे़निङ्‌सो चोप योम्‍बोकपेॽनुङ खाबेॽ पबित्‍रा लिसानिङे।

१ पत्‍रुस 1:15 Iomraidhean Croise

मत्‍ति 5:48

मोडोगे़ॽ थाङ्‌सिरिबेॽ पेङ्‌खुबा हे़निङ्‌मि निवाहाङ पाबा चोप थोकबेॽ परिपक्‍का लिडिडोॽ, हे़निङ्‌सो आक्‍टोॽनोॽ लिसानिङे।”

रोमि 9:24

निवाहाङ्‌डे़ॽ के़ॽपॽआ याॽमिजि चाहिँ कानिङ्‌नोॽ ले़न्‍डिङ्‌मा। खोसे़ॽ यहुदिजिरेॽनोॽ ने़ॽनि तर अयहुदिजिसो के़डुजि।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

फिलिप्‍पि 3:14

थाङ्‌सिरिबेॽ चुप्‍मिये इनाममि निसानालाम का बोल टिनुङ पोम्‍बेॽ खे़ॽमे़ॽनिङ्‌सिङे। निवाहाङ्‌डे़ॽनोॽ इगोमि लागि खिरिस्‍ट येसुराम्‍बाङ का के़ए़टिङे।

फिलिप्‍पि 3:20

तर कानिङ्‌गो थाङ्‌सिरिबेॽहा याॽमिजि ले़न्‍डिङ्‌मा। थाङ्‌सिरिबाङ लेङ्‌घुबा मुक्‍तिदाङ्‌बा, परभु येसु खिरिस्‍टमि राम हुङ्‌मे़ॽनिङ्‌सिन्‍डुङ्‌मे।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

तितस 3:14

कानिङ्‌मि याॽमिजिडे़ॽ योम्‍बोक मे़ॽनिङ्‌मा खाबेॽ हिङ्‌मवा ए़ॽटिसुजिरो तर नुबा योम्‍बोक्‍पेॽ हिङ्‌मवा टिसुजिरो इडोॽ ले़ःॽमाहोङ खोजिडे़ॽ हाइखाजिसो पिहेन्‍डुजे।

तितस 3:8

इगो खा चइबानोॽ ले़ये। निवाहाङ्‌बेॽ बिस्‍वास ले़ःॽखुबाजिडे़ॽ नुबा योम्‍बोक्‍पेॽ निवा टिसानुमे लुनुङ हे़ने़ॽ इन्‍डोॽहोङ्‌सो इःॽपॽआ के़ॽ नेन्‍जानुङे। इघा नुबा योम्‍बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

हिब्‍रु 13:5

याङ्‌सरावामि लोभबाङ हे़निङ ओः पेनानिङे, टाङ्‌बानुङ इन्‍डोक टुहा, टाङ्‌बे़ॽ इन्‍डोक चुप्‍इटानुमे मोडोक्‍पेॽ हे़निङ साप्‍थक्‍सानिङे। इन्‍ढोङ्‌होङ निवाहाङ्‌डे़ॽ लुटे़, “के़ॽ हे़निङ इन्‍डोक्‍पेॽसो याःॽयानिम्‍नानि, ‘के़ॽ हे़निङ इन्‍डोक्‍पेॽसो लेॽआनिम्‍नानि’।”

याकुब 3:13

हे़निङ निवादाङ्‌बानुङ बुजाकि ले़न्‍डानिङ्‌होङ हे़निङे़ॽ नुबा चाल चलन मोबा निवादाङ्‌बानुङ ए़डे़म्‍मा लिनुङ याॽमिजिमि रुम्‍बेॽ नुबा योम्‍बोक ले़ःॽमा खे़ये।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

१ पत्‍रुस 3:16

तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।

परकास 4:8

माहा रिउम गोटा जिवातजिमि चुक्‍चि चुक्‍चि गोटा लाप्‍खे़ॽवा टुसानुङ माहाजिमि खिरिरि मिकरेॽनोॽ टुसा। माहाजि सेन्‍डा लेन्‍डा इडोॽ कासाङ सेम्‍लुमे़ॽनिङ्‌सिडामि, “चोप्‍पाङ सक्‍तिदाङ्‌बा परमपरभु निवाहाङ पबित्‍रा, पबित्‍रा, पबित्‍रा ले़ये। खो चोप्‍पाङ याक्‍लोमा ले़टे़, खो आइसो टुये, खो लेङ्‌इये।”

परकास 6:10

माहाजि बेॽए सेम्‍लाडे़ॽ इडोॽ कासामि, “पबित्‍रानुङ चाइबमा चोप्‍पाङ सक्‍तिदाङ्‌बा परमपरभु, हे़ने़ॽ मक्‍खाम्‍डेमबेॽहा कानिङ सेॽनेघुबा याॽमिजिमि न्‍यायमि दन्‍डा इन्‍डोक्‍पेॽ पिन्‍डुजे ?”