१ पत्‍रुस 1:13 - याम्फु

¹³ मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 1:13 Iomraidhean Croise

मत्‍ति 20:4

मोबा खोसे़ॽ माहाजि लुसुजि, ‘हे़निङ्‌सो के़ए़ सोङ्‌राबेॽ योम्‍बोक ले़ःॽसिॽ खडानिङे, हे़निङ्‌मि नमयाक पिनिम्‍ने़। मोबा खोजि योम्‍बोक ले़ःॽसिॽ खडामि।’

लुका 12:35

मोबा ए़क्‍साङ येसुडे़ॽ लुसु, “टाङ्‌बामि सुम्‍रिक हिःक्‍नुङ पोरोगानिङे, कुप्‍पि उःप्‌युक्‍सानुमे।

लुका 17:30

याॽमिमि पसा फेरि खाङ्‌मुमे याकपेॽसो मोडोक्‍नोॽ लिये।

लुका 17:8

आक्‍टोॽको ने़ॽनि, हे़निङे़ॽ इडोॽरेॽ लुन्‍डानुम होला, ‘हे़न लेङ्‌इटा चान्‍डो चामा खेङ ङिनुङ का याक्‍लो पिमे, मोबा ए़क्‍साङ हे़ने़ॽसो चोसे!’

रोमि 13:13

कानिङ उज्‍यालोबेॽ टुडिडोॽ होसियार ले़ःॽनुङ पेम्‍मा। टाङ्‌बा इमाङ ले़ःॽमा मिॽइये मोडोक्‍नोॽ ले़ःॽखुबा ए़लिमा, इडे़ॽ सेॽखे़ॽखुबा ए़लिमा, बेभिचारि ए़लिसि, नासि लिबॽआ निवानुङ्‌हा ए़लिसि, काक्‍खुसे़ॽचुमानुङ चेजेवा ले़ःॽमा लेप्‍पेसामे।

रोमि 8:19

सिरिस्‍टिडे़ॽ सारोनोॽ आसा ले़ःॽनुङ निवाहाङ पाबामि पसाजि खाङ्‌मुये याक हुङ्‌मे़ॽनिङ्‌सिन्‍डुए।

१ कोरिन्‍थि 1:7

मोडोगे़ॽ कानिङ्‌मि परभु येसु खिरिस्‍टमि राम खाङ्‌साङ हुङ्‌माबेॽ हे़निङ इमाङ बरदानमिसो खाँचो सिॽनिबा।

१ कोरिन्‍थि 13:13

हागो बिस्‍वास, आसानुङ नम्‍नम सानिङ टुडुङ्‌घे़ये। तर इघा सुम्‍जि खाबेॽ चोप्‍पाङ महान चाहिँ नम्‍नमनोॽ ले़ये।

एफिसि 6:14

हागो येःपुक्‍नुङ पोरोगानिङे। चाइबमा खा हे़निङ्‌मि सुमरिकपेॽ थोङ्‌माइडोॽ हिःगानुमे, मोबा धारमिक खा चाहिँ हे़निङ्‌मि रच्‍छेमि लागि हेप्‍सोक पाताडोॽ चाक्‍सानुमे।

कलस्‍सि 3:4

खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

२ तिमोथि 4:5

तर आम्‍मि निवा अधिनबेॽ युक्‍से। खेः आक्‍से, परचारमि योम्‍बोक ले़टे, मोबा हे़ने़ए़ सेवामि योम्‍बोक नुरोॽ पुरा ले़टे।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

हिब्‍रु 10:35

मोडोगे़ॽ हे़निङ्‌मि बिस्‍वास बोलियो युक्‍सानुमे। हे़निङ्‌मि लागि बेॽए इनाम टुये।

हिब्‍रु 3:6

तर खिरिस्‍ट चाहिँ मन्‍दिरबेॽए भरोसानुङ्‌मा पसा ले़ये। मोडोक्‍नोॽ कानिङे़ॽसो टाङ्‌बामि आसामि खाबेॽ ए़क्‍साङ्‌ठोक भरोसानुङ बिस्‍वास ले़ःॽमाहोङ कानिङ्‌सो खोमि खिमबेॽहा याॽमिजि लिन्‍डिङ्‌मा।

हिब्‍रु 6:19

इगो आसाडे़ॽ ले़ःॽमे़ॽ कानिङ्‌मि हिङ्‌मवा किॽयु मिॽयु सोङ्‌निबा। इगो चाइबमानुङ पक्‍का ले़ये, इगो आसाडे़ॽ मन्‍दिरमि परदा होङ्‌सिॽयु महा पबित्‍रा ठाउँठोक लाघे़ये।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:10

इगो मुक्‍तिमि टुम्‍बेॽ अगमबानि इःघुबा अगमबक्‍ताजिडे़ॽ इगो मुक्‍ति योगुजिनुङ नुरोॽ छानबिन ले़टुजि। मोबा निवाहाङ्‌डे़ॽ हे़निङ पिमे अनुग्‍रहामि टुम्‍बेॽ याक्‍लोनोॽ लुबॽआ ले़टे़।

१ पत्‍रुस 3:15

तर टाङ्‌बामि निवाबाङ खिरिस्‍टमि आदर ले़टानुमे, खोनोॽ टाङ्‌बामि हिङ्‌मवामि मायोङ्‌बा मिडानुमे। हे़निङ्‌बेॽ टुये आसामि टुम्‍बेॽ हाइखाजिडे़ॽ सिम्‍मिहोङ मो याॽमि नुरोॽ इःबेॽमे।

१ पत्‍रुस 4:7

चोप खा नासि लिमे याक के़क्‍पेॽनोॽ लेम्‍बेटे़। मोडोगे़ॽ हे़निङ टाङ्‌बा अधिनबेॽ युङ्‌नुङ होसियार पेम्‍मा खे़ये। इडोॽ हे़निङे़ॽ पारथना ले़ःॽहेन्‍डानुमे।

१ पत्‍रुस 5:12

बिस्‍वासनुङ्‌मा के़ए़ निसा सिलास इगो ए़डे़म्‍मा पत्‍रा साप्‍मेटुङे। के़ॽ इगो पत्‍रा चाहिँ निवाहाङ्‌मि चाइबमा अनुग्‍रहामि साक्‍छि पिमामिनुङ साहस पिमामि साप्‍मिटुङे। हे़निङ इगो अनुग्‍रहाबेॽ बोलियो लिनुङ पेनानिङे।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।