१ पत्‍रुस 1:1 - याम्फु

¹ का एप्‍पा चोङ्‌सा पत्‍रुसबाङ पोन्‍टास, गलातिया, कापाडोकिया, एसियानुङ बिथिनिया ठाउँ इॽठुप परदेसि लिनुङ खोरो खोरो पेम्‍बॽआ निवाहाङ्‌डे़ॽ से़म्‍बॽआ याॽमिजि इगो पत्‍रा साप्‍मे़ॽनिङ्‌सिनुङे।

१ पत्‍रुस 1:1 Iomraidhean Croise

मत्‍ति 10:2

बारो जना एप्‍पा चोङ्‌साजिमि निङ मिम्‍मु साप्‍मिहा-पत्‍रुस (याक्‍लो खो सिमोन लुसुजे) खोम निसा आन्‍द्‌रियास, जब्‍दियामि पसा याकुबनुङ खोम निसा युहन्‍ना,

मत्‍ति 24:22

माहा खेः आङ्‌मे याक चुक्‍लो मे़न्‍टोङ्‌बॽआहोङ असासो मे़हिक्‍सामि, तर से़म्‍बॽआजिमि लागि माहा याक चुक्‍लो टोङ्‌बेये।

मत्‍ति 4:18

इक्‍याक येसु गालिल माहोङ्‌मामि के़क्‍पेॽ राम्‍मे़ॽनिङ्‌सिमाबेॽ निप्‍पाङ ङा से़ॽखुबाजि याङ्‌घामा राप्‍मे़ॽनिङ्‌सिबॽआ खाङ्‌डोक्‍टु। मोजि पत्‍रुस लुमे सिमोननुङ खोमि निसा अन्‍दरियास ले़टाजे।

लुका 18:7

मोडोक्‍नोॽ लेन्‍डा, सेन्‍डा सानिङ्‌नोॽ निवाहाङ्‌नुङ पारथना ले़ःॽखुबा याॽमिजिमि लागि निवाहाङ्‌डे़ॽ नुबा खा ले़ःॽपेॽनिबा ? इमा खोमि याॽमिजिमि लागि ढिलो ले़टुङ्‌घे़न्‍डुए ?

युहन्‍ना 11:52

मो देसबेॽहा याॽमिजिमि लागिरेॽ ने़ॽनि, तर हाम्‍बेॽको हाम्‍बेॽ टुप्‍खे़ॽपॽआ निवाहाङ्‌मि याॽमिजि इक्‍को ठाउँबेॽ सुम्‍मामि लागि इडोॽ लुबॽआ ले़टा।

युहन्‍ना 7:35

मोबा यहुदि डायोङ्‌बाजि खोजिदाङ्‌बा कासामि, “कानिङे़ॽ मे़न्‍चुप्हेमे हाम्‍बे ठाउँबेॽ इगो येसु खे़ॽसिॽपोरोइटे़ ? इमा इगोसे़ॽ गिरिक जातिहा याॽमिजि खोरो हाःनुङ पेम्‍बॽआ यहुदिजिबेॽ खे़ॽनुङ गिरिक जातिहा याॽमिजि सिक्‍छे पिमा योॽइटुए ?

एप्‍पा चोङ्‌सा 18:2

मोबेॽ खोसे़ॽ अकिलास निङ्‌मा इक्‍को यहुदि चुप्‍टु। अकिलास पोन्‍टस ठाउँबेॽ टोक्‍पॽआ ले़टानुङ खोमि जहान पिरिस्‍किलानुङ भरखरि इटालि लुमे देसबाङ लेम्‍बॽआ ले़टाजे। इन्‍ढोङ्‌होङ रोमि हाङ्‌बा क्‍लौडियासडे़ॽ चोप यहुदिजि रोम सहर ले़ःॽमे हुकुम पिबॽआ ले़टा। पावल खोजि चुप्‍सिॽ खडा।

एप्‍पा चोङ्‌सा 18:23

मोबेॽ इक्‍याक नियाक पेना। मोबा ए़क्‍साङ खो गलातियानुङ फिरगिया लुमे ठाउँ लिसाङ खे़ॽनुङ मोबेॽहा ठाउँ ठाउँहा बिस्‍वासिजि बिस्‍वासबेॽ बोलियो टोक्‍सुजि।

एप्‍पा चोङ्‌सा 19:10

इडोॽ निनिङ्‌डोॽ पावलडे़ॽ इगो योम्‍बोक ले़टु। मोबा एसिया ठाउँबेॽहा यहुदिनुङ अयहुदि जातिहा याॽमिजिडे़ॽ परभुमि बचन खेप्‍सुजि।

एप्‍पा चोङ्‌सा 6:9

तर आढा याॽमिजिडे़ॽ खोमि बिरोध ले़ःॽपोगुजि। माहाजि यहुदि न्‍यायधिसजि सुम्‍ढाम खिमबेॽहा स्‍वतन्‍तरा लुमे हुलबेॽहा याॽमिजि मोबा अलेक्‍जेन्‍ड्‌रिया सहरनुङ किलिकिया, कुरेनि एसिया ठाउँबाङ लेम्‍बॽआ यहुदिजि ले़टामे। माहाजि चोप इक्‍को लिनुङ स्‍तिफनसमि टुम्‍बेॽ मङे़ॽमा निवा खिबोगामि।

एप्‍पा चोङ्‌सा 8:4

येसुबेॽ बिस्‍वास ले़ःॽखुबाजि यरुसलेमबाङ फाक्‍खे़ॽनुङ हाम्‍बेॽ हाम्‍बेॽ रुक्‍टुजि माहा चोप ठाउँराजि सुसमाचार खेम्‍मेॽटुजि।

१ कोरिन्‍थि 16:19

एसिया ठाउँबेॽहा बिस्‍वासिजिडे़ॽ हे़निङ सेवायो लुटामे। अकिलासनुङ पिरिस्‍किलाडे़ॽ मोबा खोजिमि खिमबेॽ सुम्‍नुङ सङ्‌गति ले़ःॽखुबाजिडे़ॽ परभुमि निङ्‌बेॽ सेवायो लुटामे यो।

२ कोरिन्‍थि 1:8

वावानिसानुङ नानुसाजि खेप्‍सानुमे, कानिङे़ॽ एसिया मुलुकबेॽ आङ्‌बॽआ दुःखमि टुम्‍बेॽ हे़निङे़ॽ लेयागानुमे लुनुङ मिॽनिम्‍ने़। मोबेॽ कानिङे़ॽ सारोनोॽ बेॽएम्‍मा चुङ्‌जामा खेः आक्‍सुङ्‌मा, कानिङ हिङ्‌इन्‍डिमा लुमे आसानोॽ माॽआड।

गलाति 1:2

इगोबेॽ कानुङ सोरि टुघुबा चोप वावानिसाजिमिराम्‍बाङ गलातिबेॽहा मन्‍डलिबेॽ टुघुबा चोप याॽमिजि कानिङ्‌मि सेवायो।

एफिसि 2:12

मोडोक्‍पेॽ हे़निङ खिरिस्‍टबाङ ओः ले़टानिङ, निवाहाङ्‌डे़ॽ से़न्‍बॽआ जाति इस्‍राएलि याॽमिजिडे़ॽ चुप्‍पॽआडोॽहा हक हे़निङ्‌नुङ माॽआड। निवाहाङ्‌डे़ॽ याॽमिजिनुङ हुॽपॽआ हेन्‍ज्‍रुङ मे़लेघुबा ले़टानिङ, मोबा आसा मे़ॽनिङ्‌हाजिनुङ इगो मक्‍खाम्‍डेमबेॽ निवाहाङ मे़ॽनिङ्‌हा याॽमिजि ले़टानिङ।

एफिसि 2:19

मोडोगे़ॽ हागो हे़निङ हाइको देसबेॽहा याॽमिनुङ अयहुदि ने़ॽनि, तर हे़निङ्‌गो निवाहाङ पाबामि पबित्‍रा याॽमिजिनुङ खोमि राज्‍यमि अधिकार चुप्‍मिटानुमेनुङ खोमि खिमबेॽहा याॽमिजि लिटानिङे।

२ तिमोथि 1:15

एसियाबेॽ टुघुबा चोप याॽमिजि काबाङ कोघे़ॽपॽआ खागो हे़ने़ॽसो लेन्‍डुए। माहाजिबेॽ फुगेलसनुङ हरमोगेनससो ले़न्‍जे।

हिब्‍रु 11:13

इघा चोप याॽमिजिगो निवाहाङ्‌डे़ॽ पिनुङे़ लुनुङ हेन्‍ज्‍रुङ हे़म्‍बॽआ खा मे़न्‍चुप्‍लेॽ बिस्‍वास ले़ःॽमारोनोॽ सिघडामि। तरसो खोजिडे़ॽ मो खा चुप्‍पॽआनोॽ मिॽनुङ बिस्‍वास ले़टुजि। खोजि टाङ्‌बा इगो मक्‍खाम्‍डेमबेॽ नियाकमि चाबाङ ले़टामे।

याकुब 1:1

निवाहाङ्‌नुङ परभु येसु खिरिस्‍टमि योम्‍बोक ले़ःॽखुबा का याकुबबाङ इस्‍राएलबेॽहा इक्‍पोङ निच्‍चि कुलबेॽहा याॽमिजि इगो पत्‍रा साप्‍मे़ॽनिङ्‌सिनुङे, मोबा हे़निङ चोपजिबेॽ काङ्‌मि सेवायो।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

परकास 1:11

मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”