१ युहन्‍ना 5:6 - याम्फु

⁶ येसु खिरिस्‍टडे़ॽ टाङ्‌बा निवाहाङ्‌मि पसा ले़ङे लुमे खा खाङ्‌मुमामि योङामि बप्‍तिस्‍मा लासु मोबा काप्‍सिङ्‌बेॽ हरि यिडु। योङाबाङ्‌रेॽ ने़ॽनि, तर हरिबाङ्‌सो लेस्‍सा। मो खा चइबानोॽ लुनुङ पबित्‍रा होङ्‌निवाडे़ॽनोॽ साक्‍छि पिटे़, इन्‍ढोङ्‌होङ पबित्‍रा होङ्‌निवानोॽ चाइबमा ले़ये।

१ युहन्‍ना 5:6 Iomraidhean Croise

मत्‍ति 26:28

इन्‍ढोङ्‌होङ इगो चोङ करारमि के़ए़ हरि ले़ये, इगो बेॽलो याॽमिजिमि पाप वासोक्‍मामि लागि पिनुङे।

मत्‍ति 3:16

मोबा येसुडे़ॽ बप्‍तिस्‍मा लामासोरोॽ योङाबाङ पाखे़ॽयु आबा, मोडोक्‍पेॽ थाङ्‌सिरि हेम्‍बोगा, निवाहाङ्‌मि पबित्‍रा होङ्‌निवा उख्‍रिॽवाडोॽ टाङ्‌बासोक्‍पेॽ उङ्‌मे़ॽसिबॽआ खाङ्‌डोक्‍टु।

मरकुस 14:24

मोबा येसुडे़ॽ फेरि लुसुजि, “इगो चोङ करारमि के़ए़ हरि ले़ये, इगो बेॽलो याॽमिजिमि लागि ले़ये।

लुका 22:20

मोडोक्‍नोॽ चरेपा चासे़ॽनुङ अङ्‌गुरमि खे़वाँनुङ्‌मा खोरिया ठेॽनुङ चोङ्‌साजि पिसाङ लुसुजि, “इगो अङ्‌गुरमि खे़वाँनुङ्‌मा खोरिया के़ए़ हरिबेॽ हे़निङ्‌नुङ हुप्‍पॽआ चोङ हेन्‍ज्‍रुङ ले़ये। इगो हरि हे़निङ्‌मि लागि यिःॽपॽआ ले़हा।

युहन्‍ना 14:17

खो होङ्‌निवा ले़ये, खोसे़ॽ चाइबमा राम्‍बेॽ राम्‍मा राप्‍मिये। मक्‍खाम्‍डेमबेॽहा याॽमिजिडे़ॽ खोबेॽ बिस्‍वास ले़ःॽहेसुजिने, इन्‍ढोङ्‌होङ मक्‍खाम्‍डेमडे़ॽ ना खो खाङ्‌डोक्‍इन्‍डुजे ना लेन्‍डुजे। तर खो हे़निङे़ॽ लेन्‍डानुमे, इन्‍ढोङ्‌होङ खो हे़निङ्‌नुङ्‌नोॽ टुये, खो हे़निङ होङ्‌सिॽयु पेङ्‌इये।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 15:26

“हागो के़ॽ निवाहाङ पाबाबाङ हे़निङ सहायता ले़ःॽखुबा पबित्‍रा होङ्‌निवा पाङ्‌बेनिम्‍ने़, मोबा खोसे़ॽ चाइबमा राम्‍बेॽ राम्‍मराप्‍मिये, खोसे़ॽनोॽ के़ए़ टुम्‍बेॽ साक्‍छि पिन्‍डुए।

युहन्‍ना 16:13

तर चाइबमा रामबेॽ राम्‍मा राप्‍खुबा पबित्‍रा होङ्‌निवा लेङ्‌इये, मोबा खोसे़ॽनोॽ हे़निङ चाइबमा खामि टुम्‍बेॽ लुबेये। खो खोमि निवाबाङ यामुनिबा, खोसे़ॽ इमाङ खेम्‍इन्‍डुहा माहा खानोॽ हे़निङ लुबेये। मोबा ए़क्‍साङ लिहा खामि टुम्‍बेॽसो लुबेॽये

युहन्‍ना 3:5

येसुडे़ॽ खो लुसु, “चइबानोॽ हे़न लुन्‍ने़, असासो योङानुङ होङ्‌निवाबाङ मे़न्‍टोक्‍लो निवाहाङ्‌मि राज्‍यबेॽ पे़खे़ॽहेमिने।

युहन्‍ना 4:10

येसुडे़ॽ मो मेॽनामिॽ लुसु, “हे़ने़ॽ निवाहाङ्‌मि बरदाननुङ हे़न्‍नुङ योङा ङाःक्‍खुबा लेबॽआ ले़टाहोङ हे़ने़ॽ खोनुङ ङाःगुए, मोबा खोसे़ॽ हे़न हिङ्‌मवा पिघु योङा पिसे़।”

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 6:55

इन्‍ढोङ्‌होङ काङ्‌मि हिङा चइबानोॽ चामाया खा ले़ये, काङ्‌मि हरि चइबानोॽ उङ्‌मे खा ले़ये।

एप्‍पा चोङ्‌सा 8:36

मोबा खोजि मो मरामबेॽ राम्‍साङ खे़ॽमाबेॽ योङा टुढामबेॽ रुक्‍टाजु। मोबा मो मेस्‍रे़ॽवाडे़ॽ फिलिप सिप्‍सु, “खाक्‍से इगोबेॽ योङा टुउ हागो का बप्‍तिस्‍मा लामाबाङ असे़ॽ से़क्‍हेम्‍मे ?”

रोमि 3:25

निवाहाङ्‌डे़ॽ खोनुङ सोरि इक्‍को लिमामि लागि खिरिस्‍ट येसु बलिदान लिसिॽ पाक्‍सु, मो बिस्‍वास ले़ःॽखुबा याॽमिजिमि पापमि आम्‍लाङ पिये। इगो योम्‍बोक निवाहाङ्‌डे़ॽ टाङ्‌बामि धारमिक खा खाङ्‌मुमामि ले़टु। निवाहाङ्‌डे़ॽ खिरिस्‍ट लेम्‍मा याक्‍लो खोमि सुरिक चुम्‍नुङ युङ्‌बॽआ ले़टे़नुङ याॽमिजिडे़ॽ ले़ःॽपॽआ पापमि दन्‍डा मे़म्‍पिसुजि।

एफिसि 1:7

खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

कलस्‍सि 1:4

इन्‍ढोङ्‌होङ खिरिस्‍ट येसुबेॽ हे़निङ्‌मि बिस्‍वासनुङ चोप पबित्‍रा याॽमिजिबेॽ हे़निङे़ॽ ले़ःॽपॽआ नम्‍नममि टुम्‍बेॽ कानिङे़ॽ खेम्‍इटुङ्‌मे।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

तितस 3:5

मोबा खोसे़ॽ कानिङ हिङ्‌माराप्‍टा। कानिङ टाङ्‌बे़ॽ नुबा योम्‍बोक ले़ःॽपॽआसे़ॽको इडोॽ लिबॽआ ने़ॽनि। तर खोमिन्‍नोॽ नम्‍नावाबाङ चुप्‍पॽआ चोङ हिङ्‌मवाबेॽ फेङ्‌घुबा पबित्‍रा होङ्‌निवामि सक्‍तिबाङ कानिङ हिङ्‌इटिङ्‌मे।

हिब्‍रु 10:29

हे़निङे़ॽ मिॽखाक्‍सानुमे, निवाहाङ्‌मि पसामि बिरोध ले़ःॽखुबा, पापबाङ आम्‍लाङ पिघुबा हेन्‍ज्‍रुङ पुरा ले़ःॽखुबा खिरिस्‍टमि हरि सिॽचाघुबा, मोबा टाङ्‌बा अनुग्‍रहा ले़ःॽखुबा पबित्‍रा होङ्‌निवामि अपमान ले़ःॽखुबा याॽमिडे़ॽ इन्‍डोक बेॽएम्‍मा दन्‍डा चुप्‍मिन्‍डु होला ?

हिब्‍रु 12:24

याॽमिनुङ निवाहाङ्‌मि रुम्‍बेॽ चोङ हेन्‍ज्‍रुङ हे़न्‍खुबा येसुमि पोम्‍बेॽ लेङ्‌इटानिङे। हे़निङ हाबिलडे़ॽ चेॽटिबॽआ हरिबाङ्‌सो बेॽलो नुबा हेन्‍ज्‍रुङ हे़न्‍खुबा येसुमि हरिबेॽ लेङ्‌इटानिङे।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

हिब्‍रु 9:7

तर होङ्‌सिॽयुए महा पबित्‍रा ठाउँबेॽ चाहिँ इक्‍निङ्‌बेॽ इक्‍खेॽ चोप्‍पाङ एप्‍पा याडाङ्‌बा हुकपेॽ हरिमि खोरिया याङ्‌मानुङ मो चेॽटिसिॽ खडे़। खोसे़ॽ मो हरि खोमि पापमि लागिनुङ हाइखा याॽमिजिमि पापमि आम्‍लाङ ङाःक्‍सिॽ खे़ॽमाबेॽ चेॽटिसुए।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 3:21

इगो योङानोॽ आइ याॽमिजिडे़ॽ लामे बप्‍तिस्‍मामि चिङ्‌गा ले़ये, मोसे़ॽ हे़निङ हिङ्‌माराप्‍मिये। इगो हिङामि मिक्‍नुवा वासोक्‍पॽआडोॽमा ने़ॽनिबा, तर इगो चोखो निवाडे़ॽ निवाहाङ्‌नुङ ले़ःॽपॽआ बेॽए हेन्‍ज्‍रुङ ले़ये। येसु खिरिस्‍ट सिबॽआबाङ हिङ्‌बोक्‍पॽआसे़ॽ बप्‍तिस्‍माडे़ॽ हे़निङ हिङ्‌मेन्‍डानिङे।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 4:10

निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।

परकास 7:14

मोबा के़ॽ खो लुसुङ, “के़ॽको लेसुङ्‌नि, हे़ने़ॽनोॽ लेन्‍डुहा।” खोसे़ॽ का लुसिङा, “खोजि चाहिँ बेॽलो चुङ्‌जामा खेः आङ्‌नुङ लेङ्‌इटामे, खोजिडे़ॽ टाङ्‌बा टाङ्‌बामि चेॽ थुमामि हरिडे़ॽ वासोक्‍नुङ उथ्‍रिॽहा टोङ्‌इटुजे।